[ليث الديرة]

" البارحة "
البارحة الأشواق ما نامت و لا نمت ** و جنوني طول الليل ياخذ و يعطي

قرّرت أجي لك يا حياتي و عزّمت ** يا أرقــــــــى للشباك ولّا تـــــنـــطّــي

لبست فوق الشوق ثوب و تلثّمت ** مكشوف شوقي لك و مَقدر أغـطّـي

تخيّلت لو جارك يلاحظ و كتّمت ** أو أرقـى سور البيت و يمـر شـرطي

عاتبت قلبي و قلت إله لو تكرّمت ** إلا الحبيبة فْـ حـقّـهَا اوعـى تخطي

أخفيتك فْـ ذاتي سنين و تكتّمت ** موتي و لا حـاسـد فِـ ذكـرِك يـحطّـــي

رغم الوله و الشوق أنا ما تكلّمت ** مايدري باسرار الهوى غير خطّي

من حزني يا عمري شهر ما تبسّمت ** غبتي و غابت فرحتي صار مبطي

فجأة و مر طيفك و سلّم و سلّمت ** عانقته من حرقـة حنيني و فرطي

ضَمْني على صدره و سَلْهَم و سَلْهَمْت ** ما أدفى صدرك رحت فالنوم أغطّي