سمحو لي تكرار غيابي ورديت ليكم هالمره بقصيده في واحد طلب مني أكتبها فيه لأنه الظاهر مو متزن في تصرفاته شوي بس تقرونها بتعرفون مشكلته
والله يا خوي اشحياتك == قصتك كلها فناتك
ضيعتك هاللعوبه == واغرست سهم بدواتك
ياطري العود ليمن == تسبق ارجولك عصاتك
ينفطر قلبي لشبابك == وابكي للعمر اللي فاتك
ما حد بالهالدنيا كلها == سوى يا الغالي سواتك
وانت في عشرين عمرك == غيرت كامل صفاتك
شعر أبيض وجه شاحب == حشرجه في مفرداتك
مشيتك مشية مضيع == ما تدل أربع جهاتك
ياصغير البيت هذي == في عمر أكبر خواتك
ياللي عشت ابلا هويه == ولا هدف تتبع فتاتك
نسّتك أهلك وصحبك == نسّتك حتى صلاتك
تبني مستقبل بهاتف ؟! == هذا ياالبومه جزاتك
لاتتابع يا حبيبي == من جهل قدرك وذاتك
والزرع يا خوي يطلع == على البدر ما هو بوصاتك
والله هم واجد يحبك == رامي لك سترت نجاتك
كان حال البنت دايخ == تعتقد شنهو حماتك ؟؟؟
ناقوس