[شاطي وميناء]

اقتباس: المشاركة الأصلية كتبت بواسطة jannat studio  مشكور أخي الكريم ورحم الله والديك وماقصرت ولكن لدي سؤال آخر هل البنك العقاري يعطي خمسمائه ألف فقط ؟؟ يعني لو أنا جيتهم والبيت اللي بشتريه جاهز وسعره مليون وثلاث مائه راح يعطوني وياها كامله ولا فقط خمسمائه وأنا أكمل؟؟ وإذا عطوني بعد كم سنه أدفع لهم والا على طول أبدأ أدفع معاهم من نفس الشهر؟ وبالنسبه للراتب انا ماعندي راتب ثابت أخي الكريم لأن عملي حر وأنا حابه اشتري بيت مكون من درو كامل بيت والدور الثاني فيه شقق يعني اقدر اقول لهم اني بسدد القرض من ايجار احد الشقق الموجوده اتهقى بيوافقون والا في شروط أخرى؟؟ وأرجع أتشكرك أخي الكريم جزيل الشكر والإمتنان سلام.....

هلا اختي الكريمه بالنسبه للبنك العقاري كمواطنه سعوديه
لك حق الحصول على مبلغ القرض البالغ 500.000 الف ريال
شرط حصولك على ارض وتكوني مقدمه على صندوق التنميه
العقاري .. على ان تتوفر فيك الشروط الاداريه الاخرى .. هذا كان نظام قديم .. الان فتح نظام حصولك على مبلغ 500 الف ريال بدون ارض لكن لها شروط تتعلق بعمرك وحالتك الاجتماعيه واذكر قبل فتره نساء ورجال قاموا بالتسجيل برساله ترسلينها من جوالك لصندوق التنميه فيها بيانات لك ويردون عليك برساله بقبول طلبك شرط ان لايكون لك مسكن نهائي ..
اما موضوع هل تحصلين عليها فوري او كاش فهذا مربوط
بعدة شروط اشرح لك الان
- عند حصولك على بيت سواء فله او عماره
وترغبين انك تشترينها اذا كنتي لك سراء من اول في بنك العقاري سوف يقمون بمعاينه البيت لانو لهم شروط يعني مو تكون قديمه ومتهالكه لا طبعا ولهم مهندسين وادارين يعرفون عملهم تماما وبعض الاجراءات البسيطه الاخرى ..
بعد هذا لو افترضنا مثلا قيمه العماره مليون ريال
مايعطونك انتي اي شي يعطون صاحب البيت ويكون البيت باسم صندوق التنميه العقاري يعني الصك مرهون باسم البنك
وتقومين انتي باخراج البيزات اللي داستها تحت البلاطه ياكثر فلوسكم يالحريم وتدفعين ال 500 الباقيه وبكذا
تقدرين تاجرين وتسكنين ويقمون طبعا بالحسم من مرتبك الشهري
مبلغ 1000 ريال وفي حاله وفاتك لاقدر الله يسامحون ورثتك ايا كانو اخوان او زوج .. وفي حاله انو لا يوجد لديك راتب شهري يوخذ عليك اوراق اخرى تضمن لهم تسديد الف ريال شهري .. ولو تطاوعيني خذي ال 500 الف واشتري لك بيت دور ارضي وزودي عليها مبلع ميه الف مثلا او اقل واجريها او اسكني فيها .. او اشتري بالخمسميه الف شقه ومن اجارها سددي البنك بشكل شهري رايح يجي يوم وينتهي البنك وتكون البيت او الشقه لك وباسمك اتمنى اكون وضحت لك بعض النقاط اللي تخفى عليك واذا عندك اي سوال او استفسار عيوني لك ولكل عضو او عضوة في منتدانا ..


سلامي واحترامي

شاطي وميناء