اولا كل عام وانتم بالف خير
الساعة كم تصحى يوم العيد؟؟ والا تكون مواصل؟؟
نص ونص انام متاخره بس احاول اجلس بدري شوي على الساعه تسعه
تروح تصلي صلاة العيد؟؟ في وين؟؟
بالصراحه ماصلي صلاة العيد ليش الكدب
اول مكان تروح له يوم العيد وتعايد عليهم؟؟
كل العيله اتجي لينا ماطلع ولا مكان
اول شخص تبارك له بالعيد؟؟
اكيد الوالده الله يخليها لينا دخر ولا يحرمنا منها
هل خططت لهذا العيد بشكل مختلف هذه المرة؟؟
مافي شي جديد بس كل شي حلو
اول يوم يجو اهلنا يزورونا
ويوم تاني كل العيله اتجي تتغدى معانا
وثالث يوم انروح مع الجهال الالعاب والكرنيش
ويوم خامس ان شاء الله بروح ايران السنه
في العادة كم تحصل عيدية (واذا انت تعطي عيدية كم تصرف تقريبا)؟؟
ماحدا يعطيني عيديه 
انا اعطي على قد امكانياتي مثل مايقولو من فرح جاهل فرح نبي اعطي كل طفل 5 ريال والكل مبسوط
احكي لنا بالتفصيل مالذي تفعله يوم العيد؟؟
يوم العيد يجونا ناس اجهز كيك وشاي وحلويات
ومافي الا ناس طالعين وناس داخلين وناسه والحمد لله ينقضي اليوم على هالحال
تاني يوم كل العيله اتجي تتغدى وبعد الغداء نلعب مع الجهال مسابقات انحرك الجو اشوي مثل مايقولو
كل عيد يمر عليك هل هو مختلف عن العيد السابق؟؟ ام نفس الروتين؟؟
لا اكيد بعض الاعياد انكون امسافرين وبعضها موجودين
يعني في اشوية تغيير
اذكر موقف محزن او حدث مهم صار يوم العيد؟؟
الحمد لله ماصار لي حدث محزن يوم العيد بس قبل العيد ب 3 اشهر اتوفت اختي وكان العيد ماله طعم ابد
الله يرحمها برحمته
اذكر موقف طريف صار لكم يوم العيد.. مو قادر تنساه؟؟
مره وحنا اصغار الوالد الله يرحمه لزم على اخوي يعطينا عيديه
بس طلع الوالد الله يرحمه من البيت قام أخوي ولم كل لفلوس الي عطانا اياها وقال لينا بشتري ليكم حلاوه واخدهم ولا عطانا شي البخيل هههههه
ماهي الذكرى الجميلة التي لاتغيب عن ذاكرتك عن جدك وجدتك وارتباطهما بيوم العيد؟؟
زي ام فيصل لاشفت جده ولا جد الله يرحمهم
بس الدكريات الجميله مع الوالد الله يرحمه كانت ايام حلوه ايام الطفوله ماتنتسي
كلمة اخيرة عن العيد.. تحب تقولها لجمهورك.. جمهور منتدى تاروت؟؟
كل عام وانتم بخير وفي صحه وسلام
ينعاد عليكم بالخير والعافيه
عساكم من العايدين السعيدين
وتقبلو تحياتي لكم