بعد ما اتوقف الموضوع بسبب تاخيري ارجع لكم فهلموا معي مع ذكريات طفولتي .. <<< ركزوا على هلموا متعوب عليها هالكلمة
موقف مضحك لا تنساه من أيام الطفولة ؟
اذكر مرة انا وربعي كنا نلعب صيده المهم كان الدورعلى واحد سريع ونحيس مايتقصدني الا أنا,عاد وهو يركض وراي وانا اركض واطلع وراي بشوفه وصل لي لو لا شان اضرب الطوف اللي قدامي ضربة جامده وارجع الى وراء صرت عند رجول النحيس شان هو على طول يمسكني ويقول صدتك هالغبي انا حالتي حالة رأسي يدور وهو فرحان انه صادني شان اقول له روح ول مانا لاعب خلاص هونت .
لعبة تمنيت تحصل عليها وللأسف ما شروها لك ؟
سيارة ريموت كنترول بذاك الحساب 
أوصف طفولتك بكلمة واحدة فقط ؟
طفولة تفحيط 
موقف محزن حصل لك بطفولتك ؟
كل يوم واتنكسر ايدي من الشطانه 
هل تغار من أخوتك ؟
اغار ؟!! حق ويش اغار بعد ؟ لا ماتصلح الغيرة مايمدحوها 
هل انت كثير البكاء بطفولتك ؟
لا لا بالعكس حتى لما اطيح واتعور اضحك ..
شي تشوفه بسنك الحين ويذكرك بالطفولة ؟
شيء في شخصيتي تقصدي ..العفوية بس إذا تقصدي شيء احتفظ فيه من طفولتي .. القصص
أكيد عندك شلة أصدقاء كنت أنت القائد لو لأ ؟مع ذكر موقف ؟
ما احب اصير قائد ولا احب احد يقودني ,, احب كل واحد يصير قائد على نفسه وإذا لعبت وي احد يبغى يصير قائد اهون ما ألعب .. 
احب الالعاب الجماعية اللي مافيها قائد .
مانوع الحلاوة المفضل لديك /ي ؟
انا كل انواع الحلاوات احبها
بس احب اكثر شيء ايسكريم ابو ملعقه اللي فيه اسود وابيض عرفتوه ؟! 
من أكثر واحد كنت تتشابق وياه ؟
ولد جيرانا النحيس الدوب بس الحين خلاص صار صديقي 
كيف أحساسك وانت ترد على الأسئلة وهل تتمنى ترجع طفولتك ؟
كل انواع التغبير ,, عورني مخي وانا اذكر هالسوالف بس اتونست وي اسئلتش خيتو ..
اتمنى ارجع ؟! هي حليوة ايام الطفولة بس لويه نرجع بعد ماكبرنا وصرنا رجال لا كذا احسن واجد ولله الحمد
تشكرات واجدات كثيرات على استضافتي وعلى انتظاركم لي .. 