ღ♣ ..غيابك حيل دمرني .. ღ♣

[البتول العذراء]

غيابك حيل دمرني
أحس العين ماتبصر وصار الهم لي وحدي..
وأحس القلب مايبض وعاف الدم شريانه..
حبيبي تدري في قربك تمر أيام وتعدي..
ثواني في نظر عيني أبد ما أنلام < ولهااانه >..
تصور ؟! ..
ياغلا نفسي غلاتك وش كثر عندي ؟!
يذوب الثلج في القطبي وتدفى نفوس بردانه ..*
خيالك مالي هالدنيا وأشوفه وين ماودي..
ولا منه أختفى عني لعنت أبليس وأخوانه..*
أبي تعرف وش الدنيا بدون الورد
والوانه؟!
وإذا والله جميع الكون
وقف كله بعد ضدي يموت الكون ومايسمع ؟!
خفوق ياالملا < خااانه > ..
بيسمع كيف أنا أحيابه وأموت فبسمته و ودي ..
ويسمع كيف هو يملك فكر عقليوسلطانه ..
صحيح أنثى ولكني وقفت بقلب متحدي ..
<أحبه > قلتها وهزت جميع الكون وأركانه ..
جمعت الناس في كفه لجل يفهم على قصدي
لجل يفهم قدر خلي رجح فالقلب ميزانه ..
يكفي [ لا نظر لي ] بشوووووق نسيت
اسمي واسم جدي ..
وذكرت اسمه واسم امه واسم جده مع اخوانه ..
خلاص اليوم ياعالم [ ملكت الكون] من قدي
ما أبالغ لو عشق قلبي ظلاله بس من شانه ..



على نفس الطريق اللي مشوا به قبلي العشاق "
مشيت اسابق الخطوه وأمني القلب بأحبابه "
وأنا أدري إن هالدنيا طبيعتها لقا وأفراق"
ظروف الناس فيها في كثير احيان تتشابه"
ولكن:
من يصبرني على جور الزمان العاق..؟؟
جروحي هي وآلامي وتعذيبي من اسبابه"
حبيبي كلما همتني الدنيا وصدري ضاق "
تذكرتك...........تذكرتك"
ولقيت الكوووون اوسع واكثر رحابة"
على حبك ينازعني قصيدي واسأل الاوراق"
لك الله ما بقى دفتر خلي من شعر وكتابة"
وهذي حالة المغرم اذا هامت به الاشواق"
يدور له على من يبلغ المحبوب باعجابه"
حبيبي وان تفارقنا غرامك يسكن الاعماق"
ولكن:
لي سؤال ينتظر من عندك اجابة ؛؛؛
امانة هل مثل ما اشتاق لك يا سيدي تشتاق..؟؟
ارجوك جاااوب"(نعم")
والا خسارة عمر عشنا به...



(تصدق عاد)
تغيب الدنيا بغيابك
واوعد حظي لو جابك الون دنيتي وردي
واخلي موعدي بابك
(تصدق عاد)
احس الكل يحسدني على الحب اللي مسعدني
وادعي ربي يا اغلى الناس عسى عنك ما يبعدني
(تصدق عاد)
من جودك صار للدنيا وجود
في الحياة اللي معاك والالقاك
زايد فيك الغلا فوق الحدود
ما يساويك بغلا شخص سواك
اكتبه شعري عسى شعري يجود
بالحروف اللي حلاها من حلاك
كل حرف ما بلغ وصفك حسود
(تصدق عاد)
لعنبو قاف عجز يلحق مداك كل ما تذكرت عمري
ما ذكرت الا وفاك...
ولو ادون ذكرياتي ما انطبع فيها سواك...
انت اوفى من لقيته زدتعن هذا وذاك...
لا تقول اني نسيتك او افكر في جفاك...
لو تمنيت الاماني ما طلبت الا
(لقـــــــــــــــــاك)..
(تصدق عاد)
قلبي المجروح من بعدك عطيب...
ومن عقب فرقاك قلبي ما قوا..
الجروح اليوم ما ظني تطيب..
غير لا صرنا انا وانت سوا..
ما يطيب الجرح لو جبت الطبيب
صار شوفك هو حياتي والدوا
كل همي ما ابيك عني تغيب..
كن شوفك صار للخافق دوا..
(تصدق عاد)
من حزني ابكي وتبكي ريشة اقلامي..
مغير ريشة قلم عقبك تسليني ..
مشتاق اشوفك وعيت تسمح ايامي..
حسبي على الوقت ظالمني ومشقيني..
امشي بصحراء غرامك حافية اقدامي..
رحلة عذاب وعطش واحزان تكويني..



تشتاق لي وتظن ماني لك
"اشتا11ق"
والله يدري كم من الشوق
فينــ00ـــي...
ارقب قدومك وداخلي نار
"الاشوا11ق"
واكبر دليل النوم ما زار
عينــ00ـــي...
انا اشهد ان القلب في غيبتك
"ضا11ق"
ولو الامل بالله لأقول ضاعت
سنينــ00ـــي...
لو شفت قلبي في محبتك كم
"ذا11ق"
ما كنت لو لحظة تزود
ونينــ00ـــي...
بليا شعور القلب لك طوع
"ينسا11ق"
واسرع من اقدامي تسابق
حنينــ00ـــي...
قل يا عسى ما ينكتب بيننا
"افرا11ق"
وقل يا عسى ما تذوق الدمع
عينــ00ـــي...
انا الذي لك دايم الدوم
"مشتا11ق"
حتى لو شفتك بقى الشوق
فينــ00ـــي...




تبي القلب لك وحدك
تعال واملكه الحين
تعال..
مابقى عرق بقلبي مايناديك..
تبي من القصيد أبيات
تبي من الجروح آهات
تبي من الغلا حب يزود بدقة الساعة
تعال واكتب اسمي على صدرك
تعال..مابقى فيني مكان ماكتبتك فيه
سجنتني مثل طير تعود بالفضا يصطاد
وجيتني على غفلة.. وربطت قلبي "بالاصفاد"
ملكتني وأناالحر الطليق بعالم الاحلام..
سرقتني وأنا الحارس
قدرت تملك قلب قسى من قسوة الايام ..
تعال وارم همومك
تعال واسكن حدب الضلوع العامرة بك وامسح العبرات..
تعال..
بدد وحشة خفوق مابقى به "مات"
تعال..ابسمع اسمي من شفاتك واسمع الهمسات
تعال واحرق وجهي بلهيب انفاسك العطرات..
تعال بحضنك حب جديد وابشربك واضماك
ابي حب يزلزلني
ابي حب يحطمني
ابي حب اليا غبت يجيني بطيفك والقاك..
تعال نكتب حروف الحب والقلم يمناك..
تعال ابزرع ورود المحبة كلهالرضاك..
تعال ابترك العالم وبسافر في بحر لقياك
تعال بنسج من خيوط الشمس وبكسرالنظرات
(تعال واحضن شخص بكى لك مايبي فرقاك)
(تعال وإن نزل دمعك مسحته من على الخدين..)
حبيبي كل مافيني
يذوب بملح همساتك
حبيبي كل احاسيسي
يعشقونك يعشقونك
حبيبي طالبك تكفى
ابيك بكل لذاتك
ابي اكون جنبك مثل ظلك
ولاابي شي من دونك
ابسهر في وسط عينك
وابشرب كأس نظراتك
وإلى مني بغيت النوم
ابي انااااام بعيونك
وابي اصحى بكلمة
صباح الخير بشفاتك
وابي فنجال حبك
والغلا تمده جفونك
وابي اهيم بك لامن
نثرت عطور كلماتك
واعيش مقابلك دنيا
ينورها قمر "لونك"
ابي فنك وابي سحرك
وابي جذاب بسماتك
ابسأل : وش كثر حبي؟
وابي منك اجاباتك
وابيك تجاوب بضحكه
معاها هزة متونك
عشقت الدمع بأحزانك
عشقتك عند ضحكاتك
عشقت اللي يعرفونك
بروحاتك .. وجياتك
بجياتك .. وروحاتك
اخاف الناس ياعمري
يصيبونك يحسدونك
تعال واطلب الغالي
تعال وهات رغباتك
فداك اللي تبي آمر
أنا صرت مجنوووووونك
واذا ودك أأكدلك
تعال وشف مساحاتك
بوسط الخافق اللي لك
حلف لايمكن يخونك
لك الله صورتك بعيني
تذكرني بجلساتك
تذكرني واقول :
شلون اعيش اوقاتي بدونك ؟!
تراني لاتباطيتك
احن لصوت نبراتك
عسى الله لايخليني بعيد
واعطش دوم لمزونك
وعساني ماانحرم منك
لأن عيوني الثنتين
يحبوووونك .. يحبوووونك ..





هلا من صادق أشواقي
ياحب عاش بأعماقي
هلا ياعمري اللي راح
هلا ياعمري البــــاقي
هلا ياقطعه من جوفي
هلا ياعيوني وشوفي
هلا ياأجمل حكاية حب
هلا ياصادق حــروفي
حكايه والغــــــلا فيها
حروف اسمك معانيها
ترسم الصوره من أولها لتاليها
أرحب بك وأهلي بك واهلي بلحظه تجيبك ..
وأجمع كل كلام الحب لأجل قدرك وتوجيبك ..
أهلي بك وأنا زعلان كأن ذاك الزعل ماكان ..
أمثل دور متضايق وأنا في داخلي فرحان ..
يافرحه ما اقدر أخفيها تناديني واناديها ..
ومن مثلك ومن قبلك يزعلني وأراضيه ..
أشوفك داخل احساسي وأحسك اهلي وناسي
ولو غبت لو يومين احس إن الزمن قاسي ..
أشوف الدنيا بعيونك يحفظك ربي ويصونك ..
لأنك غاية آمالي احبك لا يحبونك ..
احبك بس انا بروحي نعم ياعمري وروحي !!
انا اللي حيل محتاجك لأنك بلسم جروحي ..
نعم يا أوضح عناويني نعم يابهجة سنيني ..
نعم يامن لي وكلي نعم يامني وفيني ..
لأنك حبي السامي ولأنك بهجة أيامي ..
اعرفك لاتكلمت وأشوفك حتى بأحلامي
وأعرفك لاتغيرت واعرفك لاتكدرت
غريب إحساس يجمعنا يفوق اللي تصورته ..
أشوفك في كتاباتي وأشوفك أجمل أبياتي ..
واشوفك في دواويني واشوفك في ملفاتي
وبضحكاتي ووناتي وروحاتي وجياتي ..
ضعيف حيل قدامك أنا هذي معاناتي ..
غلا من الصعب يتحول ويكبر كل ما طول ...!؟
لأنك حــبي الخـالد والأول .<احبك>.




تعبت أحكي على الخلان
تعبت اعرف مطالبهم
ابي انسان أي انسان
ابي انسان يفهمني!
فرشت الورد بدروبه...
غفرت اخطاه وذنوبه
عشاني صادق بحبه ...
يبيني تابع دروبه!!
عطيته من نظر عيني
عطيته كل مافيني
عطيته أول سنيني
وتركني آخر الخلان
عطيته من هوا نفسي
فكرا" دوم يهذريبه
عطيته أكثر اوقاتي
ويبخل يوم ابي طيبه
تشتت حالي باسلوبه
ولا ادري انا صادق
او اني دايما" غلطان
تعبت...اسلوبه ذابحني
يشد ويرخي حباله
ولا ادري كان ذا طبعه
أو انه دوم ذا حاله
أفكر مره...ومره
احسب اني انا غلطان
واعيد الفكر بالمره
واحس اني انا صادق!!!
واحس اني انا غلطان!!




إبي منك الدفا..
ولك مني الوفا..


ابي اضمممك
لين تتعب كتوفي
واحط راسي على صدرك وتمسك كفوفك كفوفي
وأبكي..؟
وأبكي..؟


وبيدك تمسح دموعي



وأقول لك انا كلي لك


بكبريائي
وبذلي
وبخضوعي


أحبك



أحب...



أح...



أ..



...



ذابت الكلمه
وتاهت مني باقي الحروف
سألتها ليش ذبتي؟
وعني تغيبتي؟
قالت : إنتي أرسلتيني لشخص!!
ماقدرت شفته تحطمت
قلت إذا هذا حالك ياهالكلمه
اجل وش حالي أنا؟؟
أنا إذا شفته أذوووب
وعن الوعي اغيب
هو صارلي اقرب حبيب
هو علتي وهو لي الطبيب..
آآآآه
ياحبي لك شي ماينوصف


شي مجهول ماينعرف



حب فوق الخيال ..



بإختصار..



ح


‏
حب



حب ج



حب جن



حب جنو



حب جنون



حب جنون !



حب جنون !!



والله انت بس اللي علي تمون..


وقدرك دوم عالي عندي مايهون


أحبك
أحبك
أعشقك
أغليك
يالقلب الحنون..




أشتاق لك يابهجة الروح وأغليك
وارجي وصالك وانتظر واتحراك
حُبي لك أكبر من تصوّر معانيك
ولولاك مالي بالهوى شفّ لولاك
باب الأمل يابلسم الجرح يدعيك
ولو طالت الأيام مادله ولا أنساك
كل الأماني في حروفي تناجيك
أهواك من راسك الى حد ماطاك
ياسلوتي ياعشقي أنا مغرم فيك
وأحلى الليالي باللقاء ساعة ارضاك
أحلى التواصل يوم كفي باياديك
وانظر لعيونك واتحلا محيّاك
سهمك رماني بالهوى دون تشكيك
واضن سهمي يامنى الروح مااخطاك
لك الوفاء والشوق من قلب هاويك
واعداك ياحُبي فدا بسمة اشفاك
وصلك هواي وغايتي في تغليك
ياعشقي طبع الوفا ساس مبداك
انت الغرام ونبض الأشواق يرضيك
وكل الجوارح ياهوى البال تهواك




كنت أفكـــــــــر.!!
وكانت "أحزاني" كبيره
كانت "همومي" على قلبي كثيره..
كثر ماتطري على بالي "عيونك"
وكثر مااطالع واشوف الدنيا "من دونك" صغيره..
كثر..ماسالت دموعي.!
كثر..ماصاحت ضلوعي.!
يوم عاشت لحظة لقاك "الأخيره"
كنت احس إني "وحيد"
عايش لحالي..بلا أهل وعشيره.!
كني "طفل" تاه بالصحرا ولايعرف مصيره.!!




شفتكـ
مدري كيف.؟!وشلون.؟!
لكني لمحتكـ..
وبس شفتك "انتهت" رحلة عناي
وجيتك اركض..
تارك دموعي واحزاني وحرماني وراي..
تارك ايامي التعيسه..تارك همومي وشقاي..
جيتك اركض وكلي شوق..
فاتح ايديني بلهفه..
ودي اضمّك..
ودي باحساسي المّك..
ودي اشكيلك واحكيلك عن ايامي "في بعدك"
ودي اسأل:
عشقي باقي ياحبيبي يعيش في دمّك.؟
ودي اتناثر بحضنك واتحسس.!!
هو بقى لي باقي في حضنك..
بس خساره.!!
قبل "اوصلك" انتبهت..وانتهى ذاك الحلم..
واثر هذيك السعاده مو سعاده.!!
اثرها كانت..سراب
اثرها كانت..خيال
اثرها كانت وهم
ومن جديد!
عاد يجلدني الألـم..
وعاد يطعنّي غيابك..لا رأف بي ولا رحم..
آآه
ياظــــــلم السعاده
وأأه ياكذب الحلم.!
مشتاقه لك




اجمل الكلمات هي حكي العيون..
واجمل اللحظات لحظاتي معاك..
كل ماقالوا حبيبك من يكون..
قلت من هو غير هالواقف هناك..
قاسي بطبعه ولكنه حنون..
من بني آدم لكنه ملاك..
يجرح..وجرحي من يدينه يهون..
ياحبيبي لاتضيعك الظنون..
ولاتضيعني عسى عمري فداك..
غصب عنّي صارت عيونك تمون..
وين ماسافرت يلحقني غلاك..
سقتني للموت ودروب الجنون..
واصبحت دنياي من بعدك هلاك..
ذبت كلّي في مظاليل الجفون..
وانتهى عمري بدون وابتداك..
يابعدهم في وجودك وش يبون.؟!
بلّغ العالم ترى ماابي سواك..
انت بس وكلهم مايقدرون..
نور عيني مايشوف الا حلاك..
منهو مثلك في سواليف العيون.؟!
وانت اذا سولفت تاخذني معاك..

[hadi12]

بعض الكلمات نقرأها ثم نبحث عن البديل
لكي نجد ما يروينا
لكن كلماتك جمعت كل الكلام الراقي والمبدع
اهنيك على اجمل الكلمات
وابلغ التصوير بالاحاسيس
كتبتي فابدعتي
تقبلي شكري وتقديري
لك ولقلمك المبدع
تحياتي
الهادي12

[روح الغلا..]

كلمات جميله بالفعل
اختيار راقي





يسلموو خيتو
تحياتي