حبيبتي تشرب على الريق بيبسي

[ابو نور]

حبيبتي تشرب على الريـق بيبسـي
واذا تعشّت ما اكلـت غيـر كيتكـات

حبيبتي حطّت علـى العيـن ورْسـي
وماتلبس الا مــن جديـد الموديـلات

نحـيـفــة(ن) عـن كـل عــذرا تنّسـي
في حسنها قـد كلْبشتْنـي كلبشـات

احبهـا بـس الـعـرب ماتحـسّـي
والله يعيـن المبتلـي بالطـويـلات

ياونتّـي ونّـات سـوّاق تكـسـي
زل النهـار وماحصـل لـه ريـالات

والا مريض(ن) علّتـه شـي نفسـي
مافاد بـه كـي العـرب والقـراءات

لاشفتها كنّـي مصـاب(ن) ابمسّـي
مثل المهبّـل قمـت اقطّـع إشـارات

واذا حكت كنّي من النـاس خرسـي
أطرش .. خرس .. لو دوّسنّه تريلات

فيها حلا الأسبان وعطـر الفرنسـي
وفيها دلـع لبنـان وعـز الإمـارات

حلوه مثل طعم الكـرز والجالكسـي
مخلوط بالسكّر معه خمـس تمـرات

لوما تزوج (عجرم) وجاب (نانسـي)
يحق لي أتـزوج ( أبـلاعطيّـات)

لاقلت : شكراً ، قالت لي : مرسي
بنت الأفندي ناظـرت لـي بغمـزات

قالت: أنا ليلى ، وبسمّيـك : قيسـي
عطني شعر واعطيك ضحكه وبسمات

قالت: تجي لابـوي ثـمّ(ن) تمسّـي
بس المهر تاقـف عليّـا خفـارات!

يشهد على ماقـول عدنان وعبسـي
ونحّول ونامق بالرسـم والحركـات

اليا حضرتوا يالربـع يـوم عرسـي
عانيّتـي منكـم كراتيـن كيتـكـات



منقووول

[الجرح الحزين]

ابو النور

مشكور غلاي شعر نايس

لك ودي

[الجرح الحزين]

ابو النور

مشكور غلاي

شعر نايس

[الأمـل المجرووح]

حركااااات
مشكوور مره حليووو