N7s [قصيدة صوتيه] إذا قالت : أني N7s

[النحيس]

.. ~¤§ إذا قالت : أني §¤~..

واعذابي كلما حل الصباح
ما سمعت اللي صوته شدني

دوم (مخفي) وانا عنده (متاح)
وانتظاري لشوفه هدني

خذ خفوقي وخلى لي الجراح
ضم قلبي .. وأنا ما ضمني

آه يالشوق .. غدى ذبحي مباح
نعنبو من في حبه لامني

والجنون االي في حبه قراح
عذب ,, وأكثر من الماي المعدني

كيف ما انجن..؟!! ونوم العين راح
وعفت أهلي وزادي ومسكني

وصار شعري دفاعي والسلاح
ضده وحده ,, إذا قالت [أني]

ضعت كلي ,, وكل العقل ساح
وقمت أقاوم دلعها ,, وانحني

من يقاوم [قطيفيه] يزاح
من مكانه ,, ولو حصنه بني

وكلما ابني جدر بالثقل .. طاح
من (عواين) فنت روحي فني

يا [القطيف] أشهد إن كلك ملاح
من بنات ومن اولاد اوطني

تاج راسي ,, وبلسم للجراح
والوطن في وفاكم مغتني

يا [غناتي] ما دام انتوا النجاح
فلا (معمّر) ولا (حسني) غني

بس طلب..!! زوجوني ام الوشاح
اللي تقلب (أنا) إلى [أني]

النحيس

لحفظ الملف الصوتي {على الجوال فقط و لن يعمل على RealPlayer 11 }
اضغط بزر الفأرة الأيمن على الرابط أدناه واحفظ الهدف باسم ..
(حجم الملف = 569 كليو بايت )
http://3ashaaq.o-f.com/etha_qalat_any.rm
أو إضغط على هذا الرابط للإنتقال إلى صفحة تحميل ملف MP3
( حجم الملف = 2195 كيلوبايت )
http://www.4shared.com/audio/fjlhx-NA/etha_qalat_any.html