عطونا سوالفكم

[سحايب شوق]

هلا وغلا فيكم حبيباتي
صراحه ودي أحكي خرافة أم المواقع لأنها عن جد روعه لكن بشرط يساعدني فيها أخوي باب العين وأنا في انتظار رده والطريقه اني أبدأ بالجزء الأول وهو الثاني لأني بصراحه أعتقد اني نسيانه منها وايد بالذات الأحداث الآخيره لكن بحاول أعصر مخي لمصدي لعل وعسى أتذكر ..
وتسلمون حبيباتي على المرور والشرطه... يبدو دخلنا في السياسه..ههههه

تحياتي..

[ميثاق]

[align=center]اهلا خيوه سحايب
انتي ابدي وان شاءالله اخوي باب العين مابيقصر..
<<< المتحدثة الرسمية عنه
<<<بلا لقافة
وش نسوي من كثر ما احنا مشتاقين لسوالفكم صرنا نتلقف :)

اختكم ميثاق [/align]

[سحايب شوق]

صلوا على محمد وآل محمد
عنكم وعن ذيك السالفه
كان في رجال ماتت زوجته وخلت عنده ابنيه زي الورده يطالع الله ويطالعها اسمها فاطمه مرت لسنين كبرت هالبنيه والرجال صار يفكر يتزوج مره تعينه على آخر أيامه وتاخد بالها من هالبنيه لو مات وبالفعل الجال تزوج حرمه عندها بنت وصارت هالمره تعامل بنته بطيبه وحنيه اذا كان موجود واذا طلع توري هالبنت المسكينه لنجوم في عز الظهر والبنت على نيتها ماكانت تقول لأبوها عشان لاتضايقه ولعل وعسى الله يهديها ومرت لسنين ومات الأبو وخذت مرت الأبو فرصتها في هالبنيه وسوتها خدامه ليها ولبنتها وطبعا كانت البنت آيه في الجمال وكل يوم الخطاب سرى عند بابهم وبنتها ماحد ينشد عنها صارت اتفكر الملعونه كيف تتخلص منها وسمعت عن وحده يسموها أم المواقع ساحره اللي يدخل بيتها مايطلع منه
راحت قالت للبنت أبغاش تروحي بيت أم المواقع تقولي ليها تسلم عليش خالتي مرت أبويي وتقول لش اعطينا (ميقعتكم)(حسب علمي ان الميقعه هي المشخال مال العيش) المهم..
طلعت البنت وصارت تمشي في الطريق وهي تردد وتقول (أم المواقع اعطينا ميقعتكم) وعلى طول الطريق وهي تردد هالجمله لين شافتها مره أجوديه قالت ليها ويش تقولي يابتي تبغيها تقتلش ماترضى أحد يقول ليها أم المواقع قولي اليها أم احمد واذا رحتي ليها بتطلب منش حاجات انتين سوي عكس اللي تقوله!!
راحت لبنيه دقت الباب وقالت أم احمد ..أم احمد .. شحوالكم .. ردت عليها بصوت يخوف حياش الله ويش تبغي ؟؟ قالت ليها تسلم عليش خالتي مرت أبويي وتقول لش نبغى ميقعتكم.. قالت ليها انزين أول تعالي كسري مواعيني قامت لبنيه غسلت المواعين ونظفتهم ورتبتهم قالت ليها والحين أبغاش تجيبي الوصخ والرملات في الحوي (حوش البيت) أخذت لبنيه المخمه وخمت الحوي ونظفته وغسلته .. قالت ليها والحين أبغاش تعفسي شعري وتقصصيه أخذت لبنيه المشط ومشطتها ودهنت شعرها وعجفته ورتبته.. قالت انزين أني باخذ اليي غفوه واذاجت الغيمه السوده قعديني !! انتظرت لبنيه لين جت الغيمه السوده طنشتها ويوم جت الغيمه البيضه راحت جلستها .. قامت أم المواقع وطالعت في الغيمه وقالت : ياغيمه البيضه أعطيني أشر أشر جلابش (يعني كلب مسعور) عطت البنت الكلب والميقعه وقالت ليها تيسري يابتي الله يسر لش ..
رجعت البنت وعطت مرت أبوها الميقعه استغربت وانقهرت وقالت ليها من وين بعد الش هالكلب قالت ليها من عند ام المواقع .. استانست وقالت في نفسها : أي أكيد عطتها وياه عشان ياكلها ونفتك منها .. قالت انزين دلفي عن وجهي وخذي وياش الكلب وسكري عليش باب غرفتش ولاتطلعي منها اليوم..
أخذت عمرها المسكينه ودخلت غرفتها ،، وشوي انقلب الكلب رجال احليو وقال ليها آمري وتدللي الحين أنا زوجش استحت لبنيه ونزلت راسها قال ليها ألحين أبغى البسش شبكتش بس أبغاش تصارخين قالت كيف وليش قال ليها ماعليش بعدين أفهمش السالفه !!
بدأ يلبسها التراكي صرخت وقالت ويلي ياأذوني << فرحت مرت أبوها وقالت : أكل أذونها أكلها أكلها أكلها
لبسها الخواتم صرخت وقالت ويلي يا ايدي << ومرت أبوها تردد أكلها أكلها أكلها
وعلى هالحال لين مالبسها ذهبها هدأوا واستانسوا وناموا .. ومرت الأبو مفكره ان لبنيه خلاص ماتت ويوم ثاني جلست من النوم وهي فرحانه ماشافت الا لبنيه قدامها عروس وملبسه الذهب من راسها لين ساسها .. انفجعت وقالت فطموه من وين لش هذا كله قالت ليها شفتي الكلب اللي عطتني وياه أم المواقع انقلب رجال وتزوجني ولبسني هالذهب هذا كله،، المره احترقت حمصتها وراحت تزعق على بتها زهرووه زهروووه الحين أبغاش تروحي لأم المواقع وتقولي ليها كذا وكذا...
راحت زهروووه تركض ويوم وصلت قالت أم المواقع تقول لش أمي ...الخ... قالت ليها انزين سوي كذا وكذا مثل ماقالت لفاطمه بس هذي الهبله قامت كسرت مواعين المره وصخت بيتها وقلبته سماده وقصصت شعر المره ونتفته ماتدري ان الكلام بالعكس وبعدين قالت ليها أني باخد غفوه واذا جت الغيمه البيضه قعديني ويوم جت الغيمه البيضه قعدتها ورفعت راسها وقالت ياغيمه البيضه أعطيني أخير أخير جلابش وراحت زهروه مستانسه والكلب طول الطريق يعضض فيها وصلت بيتهم وقالت ليها أمها يالله دخلي الغرفه قالت بس هذا غير قاعد يعضض فيي قالت ليها ماعليش دخلتها الغرفه وقفلت عليها الباب وشوي سمعتها تصارخ تقول : ويلي ياأذوني << فرحت الأم وقالت لبسها لبسها لبسها
قالت ويلي ياايدي << وصارت تردد لبسها لبسها لبسها ..الخ.. لين ماهدأ المكان راحت نامت وهي مبسووووووووطه
جلست يوم ثاني وراحت تركض فرحانه وفتحت على بنتها الباب ماشافتها الا اعظامه مكسكسه ضربت على راسها وشققت اثيابها من الحسره..
ومثل ماتقول أمي العوده في النهايه (والخير لينا والشر اليهم)
على فكره أعتقد أن باقي جزء ثاني للخرافه اذا كان الأخ باب العين يذكره يكملها انشالله عجبتكم أنتظر ردودكم واسمحوا لي ترى ماأعرف أسرد قصص لكنها محاوله
أنتظر تشجيعكم ورد الأخ باب العين والأخت ميثاق والأخت شروفه والأخت نور الشمس ومبروك الأشراف تستاهلين
تحياتي

[نور الشمس]

هلا بالغالية سحايب شوق ..

أولا .. الله يبارك في أيامك وعمرك ويخليك لنا يارب

ثانيا .. الخرافة ,, تجننننننننننننننننن .... مرة مرة مرة

عجبتني أول مرة أسمعها ,,

عليها بالعافية العروسة .. أما زهروووه وأمها يستاهلوا حوبت فطومه ..


كثري من هالسوالف يالغالية .. واحنا ان شالله متابعين ..

تحياتي

نور

[ميثاق]

[align=center][align=center]اللهم صل على محمد وآل محمد..
تستاهل مرة الابو الي صار لبنتها ..
لانها كانت تبغى الشر حق هاليتيمة المسكينة
بس السحر انقلب على الساحر وصار الشر
حق بنتها والخير لبناوتها(فاطمة)..

وزين سوا الكلب لو هو ماكل لعضامه بعد كان احسن..

الف الف شكر لك خيوه سحايب بصراحة القصة مرة حلوة
واذا عندك اكثر لاتبخلي علينا ترانا متعطشين حق سوالف
وحزايات الاولييين ..

ميثاق :)[/align][/align]

[سحايب شوق]

هلا وغلا فيكم حبيباتي نور الشمس والأخت ميثاق على التشجيع جبرتوا بخاطري الله يجبر بخاطركم.. واذا أحد فيكم حصل في طريقه الأخ باب العين وباقي الشله اللي يحبوا الخراريف والهرابيد اسحبوهم معاكم..
وبكره انشالله عندي ليكم خرافة (هش الهشاش)
تابعونا ولاتحرمونا مروركم الجميل..
تحياتي..

[باب العين]

نحن هنا عزيزتي سحايب .

هش الهشاش هي بيض السمني وبيض الهزلي على ما أظن .

ننتظر منك الخراريف ، في موضوع مستقل .

حتى لا يزعل أخونا فتى تاروت العزيز ، فهو مجرد اقتراح حتى يتجد العطاء والأخذ والرد .

[سحايب شوق]

شكرا لمرورك أخي الفاضل
وشكرا لأقتراحك ولكني لاأرى من داع لنقل الموضوع في قالب مستقل هذا اذا لم يكن لدى الأخ فتى تاروت أي مانع لأن الموضوع لم يخرج عن نطاق موضوع الأخ الأساسي (عطونا سوالفكم)
وكلما تعددت هذه الصفحات وازدانت بالمشاركات والردود اتضح جمال الموضوع وتقدمه وما على الأخ العزيز سوى الفخر بما قدمه وفي انتظار مروره الجميل له الشكر والأمتنان ولك أيضا أخي العزيز لاحرمنا الله مرورك..
وهذا من وجهة نظري المتواضعه..

تحياتي..

[باب العين]

لا مشكلة يا بنت الأجاويد .

نيست اقول أن سالفة أم المواقع جداً روعة وأشكرك لأني كنت ناسيها . وأنت رائعة بعد لأنك لم تغيري شيئاً وأحسنت أداءها.

على ما أظن أن المواگع جمع ميگعه . وهي مثل الهاون الحديدي بس هي مصنوعة من الخشب .

[سحايب شوق]

سلمت يداك أخي باب العين
لاحرمنا الله مرورك ونحن بانتظار جديدك
وشكرا للتوضيح
هاون لو مشخال مافرقت بالتالي هي خرافه

تحياتي..

[ترانيم]

حليوه سوالفكم أتجنن
الشكر لواضع الموضوع فتى تاروت والى الاعضاء المشاركين كلكم مشكوو وو وو رين

[وردة تاروت]

اقتباس: المشاركة الأصلية كتبت بواسطة سحايب شوق  صلوا على محمد وآل محمد عنكم وعن ذيك السالفه كان في رجال ماتت زوجته وخلت عنده ابنيه زي الورده يطالع الله ويطالعها اسمها فاطمه مرت لسنين كبرت هالبنيه والرجال صار يفكر يتزوج مره تعينه على آخر أيامه وتاخد بالها من هالبنيه لو مات وبالفعل الجال تزوج حرمه عندها بنت وصارت هالمره تعامل بنته بطيبه وحنيه اذا كان موجود واذا طلع توري هالبنت المسكينه لنجوم في عز الظهر والبنت على نيتها ماكانت تقول لأبوها عشان لاتضايقه ولعل وعسى الله يهديها ومرت لسنين ومات الأبو وخذت مرت الأبو فرصتها في هالبنيه وسوتها خدامه ليها ولبنتها وطبعا كانت البنت آيه في الجمال وكل يوم الخطاب سرى عند بابهم وبنتها ماحد ينشد عنها صارت اتفكر الملعونه كيف تتخلص منها وسمعت عن وحده يسموها أم المواقع ساحره اللي يدخل بيتها مايطلع منه راحت قالت للبنت أبغاش تروحي بيت أم المواقع تقولي ليها تسلم عليش خالتي مرت أبويي وتقول لش اعطينا (ميقعتكم)(حسب علمي ان الميقعه هي المشخال مال العيش) المهم.. طلعت البنت وصارت تمشي في الطريق وهي تردد وتقول (أم المواقع اعطينا ميقعتكم) وعلى طول الطريق وهي تردد هالجمله لين شافتها مره أجوديه قالت ليها ويش تقولي يابتي تبغيها تقتلش ماترضى أحد يقول ليها أم المواقع قولي اليها أم احمد واذا رحتي ليها بتطلب منش حاجات انتين سوي عكس اللي تقوله!! راحت لبنيه دقت الباب وقالت أم احمد ..أم احمد .. شحوالكم .. ردت عليها بصوت يخوف حياش الله ويش تبغي ؟؟ قالت ليها تسلم عليش خالتي مرت أبويي وتقول لش نبغى ميقعتكم.. قالت ليها انزين أول تعالي كسري مواعيني قامت لبنيه غسلت المواعين ونظفتهم ورتبتهم قالت ليها والحين أبغاش تجيبي الوصخ والرملات في الحوي (حوش البيت) أخذت لبنيه المخمه وخمت الحوي ونظفته وغسلته .. قالت ليها والحين أبغاش تعفسي شعري وتقصصيه أخذت لبنيه المشط ومشطتها ودهنت شعرها وعجفته ورتبته.. قالت انزين أني باخذ اليي غفوه واذاجت الغيمه السوده قعديني !! انتظرت لبنيه لين جت الغيمه السوده طنشتها ويوم جت الغيمه البيضه راحت جلستها .. قامت أم المواقع وطالعت في الغيمه وقالت : ياغيمه البيضه أعطيني أشر أشر جلابش (يعني كلب مسعور) عطت البنت الكلب والميقعه وقالت ليها تيسري يابتي الله يسر لش .. رجعت البنت وعطت مرت أبوها الميقعه استغربت وانقهرت وقالت ليها من وين بعد الش هالكلب قالت ليها من عند ام المواقع .. استانست وقالت في نفسها : أي أكيد عطتها وياه عشان ياكلها ونفتك منها .. قالت انزين دلفي عن وجهي وخذي وياش الكلب وسكري عليش باب غرفتش ولاتطلعي منها اليوم.. أخذت عمرها المسكينه ودخلت غرفتها ،، وشوي انقلب الكلب رجال احليو وقال ليها آمري وتدللي الحين أنا زوجش استحت لبنيه ونزلت راسها قال ليها ألحين أبغى البسش شبكتش بس أبغاش تصارخين قالت كيف وليش قال ليها ماعليش بعدين أفهمش السالفه !! بدأ يلبسها التراكي صرخت وقالت ويلي ياأذوني << فرحت مرت أبوها وقالت : أكل أذونها أكلها أكلها أكلها لبسها الخواتم صرخت وقالت ويلي يا ايدي << ومرت أبوها تردد أكلها أكلها أكلها وعلى هالحال لين مالبسها ذهبها هدأوا واستانسوا وناموا .. ومرت الأبو مفكره ان لبنيه خلاص ماتت ويوم ثاني جلست من النوم وهي فرحانه ماشافت الا لبنيه قدامها عروس وملبسه الذهب من راسها لين ساسها .. انفجعت وقالت فطموه من وين لش هذا كله قالت ليها شفتي الكلب اللي عطتني وياه أم المواقع انقلب رجال وتزوجني ولبسني هالذهب هذا كله،، المره احترقت حمصتها وراحت تزعق على بتها زهرووه زهروووه الحين أبغاش تروحي لأم المواقع وتقولي ليها كذا وكذا... راحت زهروووه تركض ويوم وصلت قالت أم المواقع تقول لش أمي ...الخ... قالت ليها انزين سوي كذا وكذا مثل ماقالت لفاطمه بس هذي الهبله قامت كسرت مواعين المره وصخت بيتها وقلبته سماده وقصصت شعر المره ونتفته ماتدري ان الكلام بالعكس وبعدين قالت ليها أني باخد غفوه واذا جت الغيمه البيضه قعديني ويوم جت الغيمه البيضه قعدتها ورفعت راسها وقالت ياغيمه البيضه أعطيني أخير أخير جلابش وراحت زهروه مستانسه والكلب طول الطريق يعضض فيها وصلت بيتهم وقالت ليها أمها يالله دخلي الغرفه قالت بس هذا غير قاعد يعضض فيي قالت ليها ماعليش دخلتها الغرفه وقفلت عليها الباب وشوي سمعتها تصارخ تقول : ويلي ياأذوني << فرحت الأم وقالت لبسها لبسها لبسها قالت ويلي ياايدي << وصارت تردد لبسها لبسها لبسها ..الخ.. لين ماهدأ المكان راحت نامت وهي مبسووووووووطه جلست يوم ثاني وراحت تركض فرحانه وفتحت على بنتها الباب ماشافتها الا اعظامه مكسكسه ضربت على راسها وشققت اثيابها من الحسره.. ومثل ماتقول أمي العوده في النهايه (والخير لينا والشر اليهم) على فكره أعتقد أن باقي جزء ثاني للخرافه اذا كان الأخ باب العين يذكره يكملها انشالله عجبتكم أنتظر ردودكم واسمحوا لي ترى ماأعرف أسرد قصص لكنها محاوله أنتظر تشجيعكم ورد الأخ باب العين والأخت ميثاق والأخت شروفه والأخت نور الشمس ومبروك الأشراف تستاهلين تحياتي

اللهم صل على محمد وآله محمد
فطستني هالسالفة من الضحك ماااني قادرة
بصرااحة سوالفكم حلوووووووووووة
ان شاء الله نسرد لكم بعض السوالف القديمة من جدتيالله يطول بعمرها ان شاء الله

[بنت القرآن]

موضوع رائع تشكر عليه فتى تاروت
عندي سالفة قالتها ليي أمي وأمي قالتها ليها أمي العودة
وطبعاً السالفة صارت في بيت أمي العودة يوم كانت صغيرة
يعنو وهي مو متزوجة في بيت أبوها

كانت في بيت أمي العودة وهي صغيرة { شجرة كبيرة } وضخمة
وتوصل إلى كل الجيران جذعها الواحد متنه متن تقريباًَ شجرة وعآد هي كبيرة
لكن مزروعة في بيت أمي العودة
وهذه الشجرة فيهآ سر خطير !
تدروا وشو هو ؟؟
هي كل سنة .. في عاشوراء يصير فيها دم .. وكل سنة وكل سنة صار ليها واجد
يعنو من ولدوا جداتي وهي موجودة
وطبعاً الله ينعل البلدية .. دائماً تمر على البيوت وتشوف إذا فيه أشجار يبي لهم قطع
وطبعاً شافوا الشجرة اللي في بيت أمي العودة .. وطبعاً أستغربوا لأن واجد كبيرة
وقالوا : بنقطعها .. لأن تصلح نسوي بهم لنجات {{ سفينة }}
وقطعوها وسووا بها لنجات واجد ... واجد واجد لأن هي كبيرة واجد واجد
وبعدين كل اللنجات غرقوا ..

هذه الشجرة شكلها مباركة وحتى اللنجات اللي سووهم غرقوا ..

[وردة تاروت]

سبحان الله