أنت من تيم قلبي فوق حد الممكن قصة روعة حصرياً على المنتدى

[شوق]

قصة حلووووووووة حيل
خيتو عفيه عاد كمليها
تسلم الايادي يازجوووووووولـــــــــــــــة
بليززززز كميلها بسرعة
تحياتي لكما أنت و الامورة زجولة
شوووووواقة

[Zain Ali]

السلام

انتضر الاجزاء الباقية ...

اختي لا تطولين عليي

مع تحياتي

[سيدة الأحلام]

ها............وش صار علقصه
يا الله له ..............شوقتينا وايد

[Zain Ali]

السلام

يالله عاد ... والله متشوقة اعرف وش راح يصير على ندى و مهند ,,,,

خيتوووه لا تطولين ....

مع تحياتي

[نور وضياء]

الجزء الخامس :-
***
وبعدها مسكت دفتر مذكراتها وكتبت فيه :
إلى حبيبي الذي نزع من قلبي كل ذرات الحب ووضعها في ميزانه ..
حبيبي يامن أشعل ناراً في قلبي لازالت تتأجج بانتظار عودتك
لماذا حبيبي رحلت من دون وداع لماذا تركتني أصارع أمواج حبك الذي كادت تخنقني .. نعم أني أختنق .أختنق شوقاً إليك
حبيبي مهند لا تجعل حياتي تائهة
عاشقتك : نور
وفجاء أنفتح الباب كانت ندى هي إللي داخله ..
ندى : ها نورواا كلميني عن سوريا شنو فيها شنو ما فيها كلميني من أول مارحتوا من البيت إللين ما وصلتي هنا
طبعاً ندى ما يهمها شيء غير المقطع اللي فيه مهند ..
نور : أنا تعبانه وماني قادرة أتكلم
ندى : نوروا شنو فيج من أول ما ييتي وأنتي مو على بعضج
نور : ما فيني شيء
ندى : ما فيج شيء وأنتي عيونج مليانه دموع
نور :قلت لج مافيني وأطلعي بره أحسن ألج يانديوا
ندى : زين زين لا تعصبي
طلعت ندى وراحت قالت إلى بيتهم اللي كانوا متيمعين من عماتها وجداتها وخالتها في الصاله : أكي هي نوروا تعبانه وتبجي ..
أم علي : شنو فيها
ندى : سألتها قالت لي أطلعي بره أحسن لج
أم علي : آه شنو فيها هالبنية من احنا في سوريا تغيرت
جدتها إلى أمها : روحوا زين شوفوها
ندى : على حساب تعصب
جدتها : ما بتعصب أعرفها أنا نواري ..
ندى :بأروح بس أبي أحد يقوم وياي ..
زينب بنت عمها : أنا أروح وياج ..
علياء : وأنا بعد
خلود : أنا بعد
وتجمع جيش بنات راحوا إلى نور ..
دقت ندى الباب ودخلت : شنو فيها نواره زعلانه شنو فيها القمر ..
نور: مو قلت الج ما بيج تجي لي غرفتي
ندى : أمي قالت أنزلي هنا عماتج وخالتج وجداتج
ها وهنا البنات كلهم متيمعين يايين يبونج تنزلي
نور بعد ملل ونفاذ صبر: زين بنزل

نزلت نور من غرفتها ومشت مع أختها والجيش اللي تبعها بإحسان .. وصلت إلى تحت سلمت على جداتها وعماتها وخالتها وجلست يم خالتها أم شادي..
أم شادي : يقولوا نواره زعلانه شنو فيها
نور : مافيني شيء خاله
أم شادي : بس شوفي عيونج كيف منتفخة كأنج ألحين مخلصة من البجي
نور : لا خاله ما فيني شيء
بعدها جلست نور تسمع كلام عائلتهم اللي كانت تسمعه وفكرها مو معاها عند مهند اللي ماتدري عنه شيء ..
أما في المجلس كانوا الرياييل متيمعين ويتكلموا عن الأخبار والسياسة وتتطورات الأحداث السياسية والشباب يتكلموا عن أخر الأغاني اللي نزلت ..
فجأة قطع الكلام دقت جوال علي ( جاني حبيبي .. )
علي بلهفة وشوق : ألو هلا مهند
مهند : الو ما أسمع
علي : لحظة رايح الغرفة زين .. زين باي
ومشى علي ومر على الصالة وتنحنح ومر إلا وهو يمشى على الدرج يدق ( جاني حبيبي )
(نور من سمعت النغمة عرفت أنه مهند اللي عذبها من زود حبها إله )
سمعت صوته وهو يقول : هلا مهند لحظة بقعد بالصالة إلي فوق
وجلس علي ع الكنب في الصاله وكان صوته مسموع إلى تحت لأن مهند ما يسمع وفتح مكبر الصوت ..
علي : هلا مهند تسمع
مهند : أي أسمع هلا
علي : وينك يا لقاطع لا دقه ولا رسالة
مهند : سوري علي كنت مشغول
علي : شنو اللي شغلك
مهند : موضوع و انتهى
علي : شنو هو الموضوع اللي خلاك تروح من سوريا ولا تقول لي لا وهربت بعد
مهند : موضوع وانتهى الحمد الله
علي : شنو هو .. ؟
مهند : ولا شيء خلك بحالك أحسن علاوي
علي: لا . لازم أعرف
مهند : شنو تعرف زين موضوع أمي عورت راسي فيه والحمد الله انهيته ..
علي : شنو هو الله يا عافيك قول مهندوا بلييز
مهند : بس أمي الله ياعافيها كانت مجهز ليي قوام أسماء بنات وتقولي أختار وحده منهم ..
علي بحماس : أيه شنو بعد كمل شنو الأسماء ومن أخترت
( نور كانت تسمع صوت أخوها وصوت مهند وكانت مركزة مرة على الكلام ومن سمعت بأن مهند بيخطب أشتعلت نيران الحب في قلبها وقامت تسمع بتركيز أكبر كلام مهند .)
مهند : أختارت لي بنت خالي وبنت خالتي وبنت ييرانا وبنات وايد لا تعور راسك بسماع أسماهم
علي : زين من هي إللي أخترتها
مهند : أخترت أحسن وحده فيهم أتسوقهم كلهم قمرهم كلهم
علي : من هي ؟
مهند : مصر تعرف ؟؟
علي : شور .. أكيد.
مهند : اخترت( وسكت )
علي : قول بليز قول
( نور هنا مرة تدودهت ومش عارفة شنو تسوي كانت دموعها قريب تتطيح وقلبها قريب يوقف )
مهند : أخاف تقول ماعندك ذوق .. أخاف تقول سخيف .
علي : قول مهندوا
مهند : اخترت العزوبية على العذاب هههههه
علي : هههههه سخيف حدك شوقتني يا سخيف
مهند : قلت لك لا تدخل في الموضوع بتلقى شيء ما يعجبك
علي : مهندوا تعال لي البيت بقولك موضوع مهم
مهند : ما ينقال بالتلفون
علي : لا طبعاً ما ينقال ..
مهند : اوكي يلا باي
علي: باي مو تطول
مهند راح غرفته جهز نفسه حتى يروح بيت علي
لبس بنطلون جنز ازرق فتحته واسعة من تحت
وقميص لونه ابيض نص كم
وساعته الانيقة اللي اهداه ايها علي يوم ميلاده
و جزمه رياضة بيضاء مخطط بالاسود
والنظارة طبعا
والنتيجة
طلع غاوي وفاتن احلى من كل مرة
توكل على الله وركب سيارته الكامري اللي مثل سيارة علي
وانطلق الى بيت صديقه علي..
وصل عند الباب ودق الجرس وريحة عطره تنشم عن بعد
فتحت الباب الخدامة
الخدامة : نعم بابا
مهند : موجود علي
الخدامة : موجود مين يبيه .
مهند : قولي له مهند .
الخدامة : زين بابا
دخلت الخدامة إلى البيت سألتها أم علي : من اللي في الباب
الخدامة : واحد يبي بابا ألي يكول أسمه ماند
( نور كانت تبي تطلع تدخل مهند داخل البيت كانت تبي تشوفه لانها تحس أنها بحاجة إلى أنها تشوفه كانت وايد مشتاقة إله )
علي تنحنح ومر وطلع بره إلى صاحبه مهند ..
علي : هلا
مهند : أهلين
حضنه وباسه على خذه ودخل وياه إلى المجلس ) )
مهند : السلام
الجميع : وعليكم السلام ورحمة الله وبركاته
علي وهو جالس يم أولاد خاله وهم يتكلموا عن
عن مواصفات زوجات المستقبل ..
ودخل مهند وشاركهم الحوار بس ماتكلم وايد لانه بطبعه ما يحب الكلام في هذه الموضوعات ....
شادي :انا حاط مواصفات لزوجة المستقبل وهي بتحديد من العائلة ...ماشاء الله عليها كنت ألعب معاها وأحنا صغار وكانت تناديني شادو
سمير: عرفتها
علي : من هي؟
سمير: في غيرها نور بنت عمتي لأن ما في غيرها كان يناديك بهذا الأسم ..
علي : لا والله لو خلت رجال الدنيا ما عطيتك أختي( وهو يضحك)
شادي بعد ما تغير لونه إلى أحمر وخجل من كلام علي اللي كان يهزأ فيه : أنا .. أنا .. أنا
قاسم : أيه شنو ورأك لا تستحي أكيد نور موافقة وش دعوى ماترضى عليك مو ناقصك شيء وسيم متعلم وجامعي وكل المواصفات فيك أخلاق أدب وين نوروا تحصل مثلك ..
( مهند قلبه كان يدق بقوة من سمع اسم نور وقال في خاطره
أكيد هذا شادي اللي قالت داك اليوم إلى صديقتها أنها تحب واحد و معذبنها ما في غيره آه كأنا الله كاتب علي العذاب طول عمري )
علي : مهند هي مهند هلو مهند آلو مهند ياهوووو
مهند : ها ..... نع ... نعم شنو تبي
علي : لابس سلامتك اشوفك مومعانا سرحان
اللي مااخذ بالك يتهنئ به
مهند : لامعاكم واسمعكم مو سرحان مااحد ماخذ بالي غيرك انت ياحلو
علي : احم ...احم " وهو يضحك "
مهند وهو يضحك بعد على علي اللي مبين انه يصدق حاله
وبعدين تفضلوا على العشاء وكانت السفرة عامرة بالاكل من جميع الاصناف وطبعا دارت حوارات اثناء جلوسهم على العشاء في شتى مجالات الحياة
اما عند النساوين والبنات الشابات في مختلف الاعمار
الاحاديث عن كل شي عندهم اخبار الفريج وسفرت ام علي الى سوريا ....وغيرها من سوالف الحريم اللي انتوا عارفينها
اما البنات الشابات الحديث عن الهدايا والازياء والمكياج .....
وطبعا ام علي مانست احد الكل يابت له هدية من الاقارب واليارات العزيزات على قلبها
الى حد مارحوا الكل من بيت ام علي اللي صار عفسة من اليهال وما بقى في البيت إلا مهند كان جالس مع علي في الميلس ..
أم علي وأبو علي راحوا ناموا ومحمود راح إلى صديقه
وندى جالسه مع نور يتكلموا ..
ندى : وين علي ؟؟
نور : ما أدري يمكن طلع مع صاحبه ..
ندى : ما أظن الريايل كلهم طلعوا
نور : أمشي نروح نشوف في الميلس ..
مشوا ندى ونور إلى الميلس وفتحت ندى الباب ودخلوا شوي عند الباب ..
ندى : عـــــــــــــــــــــــــــــــلي
نور : آوآوآوآوآوآوآوآو
ندى: آوآوآوآوآوآوآوآو
علي : أطلعي أنتي وهي بره بسرعة ( معصب )
طلعت نور وندى إلى الصالة وجلسوا ع الكنب
ندى : الله يلعنج
نور : وأنا شنو ذنبي ما للي من شغل
ندى : لا ما لج شغل مو أنتي اللي قلتي خلينا نروح الميلس
نور : بس أنا فكرته طلع
ندى : عموماً ما علينا بتروحي تنامي ..
نور : لا بشاهد شوي تلفزيون وبعدين يصير خير
ندى : عيل تصبحي على ألف خير( قالتها وهي هيمانه )
نور: وأنتي بعد ..
راحت نور تسرح بأفكارها وبصورة مهند اللي كان اليوم غاوي ومو بس غاوي ذباح ريحة عطره طالعه في المكان كله ..
أما عند الشباب في المجلس علي وصديقه مهند
مابين السوالف والضحك والعب الورق وهدرة الشباب
الفاضيه ....
والموقف اللي حصل اليوم مهند كان يتكلم مع علي وصورة نور مو مفارقة خياله خصوصاً وهي تصرخ..
علي : تصدق اليوم في شيء غريب يتكلموا فيه أبوي وزوج خالتي ..
مهند : مثل ؟؟
علي : أبوي يقول أسألها وأرد عليك
مهند حس أن قلبه بدأ يتقطع أكيد يتكلم عن أخته أكيد هالشادي بيخطبها ولا بشنو رح يسألها
مهند : ان شاالله خير ياخبر اليوم بفلوس بكرا ببلاش
علي : أي والله بكرا كل شيء ينعرف
مهند في قلبه يلي على البال تطري و الا ما تدري شنو ذنب قلب ...
مهند : طيب علي شنو الموضوع الضروري اللي يايبني من البيت ع حسابه ..
علي: ها بس كذا يايبنك البيت على حساب نتسلى
لاني من زمان ما شفتك
مهند : عيل أنا طالع لاني نعسان حدي
علي : بعد هي وقت أقعد .
مهند : لا يلا أنا طالع ..
طلع مهند ومعاه علي عند باب الميلس
وفي نفس الوقت نور كانت قاعده في الحديقة بس بجهة ثانيه هي تشوفهم بس هم ما يشوفوها طبعاً نور فكرت بفكرة حلوه وهي أنه إذا مر علي و مهند تفتح جوالها وتصور مهند على حساب إذا أشتاقت إله راحت شافت صورته ..
" سخيفة حدها " <<<<<<<
وفعلاً مر علي و مهند ونفذت خطتها ونجحت صورت مهند وهو يمشي مع علي ..
ودخلت بعدها نور وجلست تشاهد التلفزيون ..
علي : ها نواري ما نمتي
نور : ألحين أن شاء الله بعد ما ينتهي المسلسل
علي : نواري ماسمعتي الحريم يعني خالتي أم شادي وأمي يتكلموا عن موضوع معين ..
نور : ها لا ماسمعت شنو الموضوع ؟؟
علي : لا ولا شيء سلامتج
نور : زين أنا عيل رايحه أنام
علي : تصبحي على خير
نور : وأنت من أهله

[نور وضياء]

الجزء السادس

وراحت نور إلى غرفتها وقفلت الباب على نفسها وراحت تشاهد مقطع الفيديو اللي صورته اللي كان فيه مهند يمشي وكانت باينه وسامته زيادة ..
مسكت نور القلم وكتبت مذكرة من مذكراتها ..
اليوم كان مهند مثل القمر لا كان أحلى من القمر كأنا القمر مأخذ من وسامة مهند جزء ..
غسلت أسنانها وراحت تفكر فيه .. زيادة
وبعدها نامت ..
وما جلست نور إلا على صوت دق الباب ..
نور : نعم من ؟؟
ندى : أنا
نور : خير شنو فيج مفزعتني من نومي
ندى : قومي من النوم ..
نور : خير
ندى : بتضلي على هالنوم الحين الساعة 3 العصر
نور : صحيح
ندى : يس
نور : أوكي قايمة
ندى : قومي بعد ساعة يايه خالتي أم شادي
نور : زين روحي
نزلت نور بعد ما صلت وسبحت وبدلت ثيابها طبعاً نزلت كل وصلوا بيت خالتها لا وأم مهند كانت يايه بعد بس مهند ما
يا ومو هو اللي يابها إللي يابها ماهر ..
جلست نور يم بنت خالتها سارة بعد ما سلمت على الحريم ..
أم شادي : مثل ما قلت لج أختي أحنا اليوم يايين نخطب نور بنتج إلى شادي ولدي ..
نور انصدمت ومن دون ما تحس إلى نفسها ركضت إلى غرفتها ..
يت لها ندى أختها ..
ندى : شنو فيج هربتي
نور: وأنا اقول مو عادتها خالتي تيي يومين متواصلين ..
ندى : شنو عليج يا نوروا بتتزوجي
نور : أسكتي عني وروحي
ندى : أوب أوب عروستنا
نور وهي تصرخ : روحي بره
ندى : زين زين باي
....
رجعت أم مهند وراحت قالت إلى ولدها مهند أن أخت صديقه نور أنخطبت على ولد خالتها شادي ..
مهند : نعم ها .. نعم شنو قلتي يمه ..
وركض مهند إلى غرفته وقفل على حاله الباب وقام يبجي بعذاب ..
دق عليه علي عدة دقات ما رد عليها ..
حس أنه بيموت وأنا الدنيا قافله بوجهه
....
أما عند نور شيء من العذاب ما كانت تبي شادي هو اللي يخطبها كانت تبي مهند هو اللي يبدأ بهادي الخطوة ..
دخلوا إليها أمها وأبوها الغرفة ..
أم علي : نور سمعتي أنتي أن شادي ولد خالتج خاطبنج ها موافقه ولا . لا
نور: ......
أبوعلي : شنو فيج ساكته تبيه ولا ,لا
بيت خالتج حاطين لج مهله أسبوع تبيه ولا , لا
تبيه قولي من ألحين ..
نور: يمه أنا .. أنا .. مابي شادي ولد خالتي ..
أم علي : ليش ماتبيه شادي ما ينعاب
نور : أدري أنه ماينعاب بس أنا ما أبيه ما أرتاح إله
أم علي : أنا ما بي أحرج نفسي مع أختي
نور : بس أنا ماأبيه وما أحد يقدر يجبرني على إنسان أنامابيه ..
أبو علي : كيفج حقج ترفضي وترضي بس هذا قرار نهائي إلج ولا تقوليه الحين لانج مستحيه
نور : نهائي يوبا مابيه
أم علي : نور ولد خالتج ما ينعاب ويكفي أنه جامعي وموظف ..
نور : ما يهمني شيء إذا أنا ما أرتاح إله ..
أبو علي : كيفها خلاص ردي على أختج وقولي ليها مافي نصيب ..
أما في بيت مهند كان مهند مريض وحالته حاله صابته أفلونزا دامت معاه أسبوع ..
قرر علي يعرف سبب غياب صديقه اللي جاء فجأة من دون مايحسب إله لا قام يرد عليه ولا يجي له أكيد فيه شيء ..
وصل علي بيت مهند ..
علي : موجود مهند ..
ماهر : أيه تفضل أدخل إله لانه شوي ما يقدر يقوم
علي : خير شنو فيه
ماهر : مريض
علي : سلامات
ماهر : الله يسلمك
ودخلوا إلى غرفة مهند اللي كان الحزن جزء من أركانها لا كان هو عمادها ..
علي : سلامات مهند
مهند :........... ( سبقته دموعه قبل أي شيء )
علي : شنو هذا ليه لحيتك طالعه إلى فوق
مهند : علي .. (وقام يبجي)
علي : شنو فيك ..
مهند : علي أنا .. أنا ..
علي : أنت شنو فيك .
مهند بعد ما حس أنه لازم يقول إلى علي يمكن يقدر يأثر بقرار نور ويخليها ترفض ولد خالتها ..
مهند : علي أقولك شيء بس ما تقول إلى أحد ولا تعصب مهند :علي ..
علي : قول
مهند : تدري شنو اللي متعبني شنو اللي مرضني واللي خلاني طول الأيام اللي مرت أفكر وايد
علي : شنو؟؟
مهند : علي .. علي .. أنا .. أحب ( وهو خجلان ومتردد يقول طبعاً أصطبغ إلى أحمر )
علي : تحب من ؟؟
مهند : أنا ... أحب .. أختك ..
علي وهو مصدوم ..: أختي أي أخت ؟؟
مهند : أختك .. نور ..
علي : من متى ؟؟ وكيف ؟؟ وين صار هذا ؟؟
مهند : من يوم شفتها في بيتكم يوم مرت بلغلط ونادت وحده بأسمها وعرفت أنها أختك ..
علي : مهند تدري أنك تقول كلام خطير ..
مهند وهو يبجي : أدري بس خلاص ما أقدر أكتم اللي في قلبي أحس اني بنفجر ماعندي أحد أتكلم إله إلا أنت وأنت قلت لي قبل أن بجي يوم أقولك فيه هذا اليوم جاء علي أنا بأموت ..
علي بعد ما هدت ملامحه من الصدمه : مهند أنا فاهم موقفك لو أني ما أنا فاهمه كان ذبحتك ..
مهند : عيل حاول تمنعها تتزوج ولد خالتك ..
علي بهدوء : أطمنك نور رفضت شادي من أول يوم خطبها فيه ..
مهند : علي ...
علي : نعم" بصوت هادي ومصدوم "
مهند : أنت ما أنت زعلان مني على الكلام اللي قلته لك ألحين
علي : مهند أنت مثل أخوي لا أنت أكثر أنا يفرحني أن أختي تأخذ واحد مثلك لأن قليلين إللي بمواصفاتك .. " بجديه "
مهند : علي عندي لك طلب ..
علي: لبيه
مهند : ما أبي أحد يعرف بالموضوع غيري وغيرك
ولا حتى أختك نور نفسها
علي : أوكي أبشر من عيوني الثنتين ..
مهند : علي أسف إذا ضايقتك بس هذا اللي بقلبي
علي : عادي بالعكس أحنا أخوان وما نخفي على بعض شيء مهند ألحين أنا أستأذن يلا مع السلامة وبسرعة أرجع لنا وأنت سالم وهادي اللحية شيلها لا تخلعنا فيها ..
مهند والدموع أثارها بعيونه وبصوت مبحوح من البجي : مع السلامة ...
وطلع علي من بيت مهند ولا زالت أثأر الصدمة فيه .
وصل علي بيتهم وشاف أمه وأخته ندى جالسين سلم وراح إلى غرفته وراح يفكر بمهند والكلام اللي قاله .. ( معقوله أنت يا مهند أنت تحب أختي لا ومش أي أخت نور وكل اللي كان يجيك منها مستحيل ... )
علي ضحك ضحكة هستيريا على الكلام اللي سمعه من مهند هذا اللي خلى محمود وندى ييون إله وهم يركضون ..
محمود : سلامات ع شنو هالضحك
ندى : خرعتنا ليه تضحك ..
علي : ههههههههههههههه ولا شيء هههههههههههه
محمود : نديوا الظاهر أن علي عقله بح خلاص أنتهى
ندى : آه آه عليك يا أخوي ما أتهنيت في شبابك هههههههه
محمود :ههههههههههههههههه
علي : هههههههههههههه
ندى : الظاهر صحيح كلامك ..
محمود : أروح أقول إلى أبوي خليه يلحق على عقل علي لايوصل إلى أخر نقطة من الينون ..
ندى : أمشي ..
مشوا ولحقهم علي وهو يضحك عليهم ...
وصلوا وكانوا أم علي وأختها أم شادي اللي لا زالت تكرر الطلب على أم علي وتجبر أم علي على أنها تقنع بنتها وتقول لها أن البنت المفروض ما تعصي كلام أهلها ..
ندى : شخبارج خالتي ..
أم شادي : الحمد لله أنتي يا ندى شخبارج
ندى :زينه الحمد لله
علي : هلا خالتي
أم شادي : ياهلا علي شخبارك ؟؟
علي : الحمد لله زين ..
محمود : هلا خاله ..
أم شادي : أهلين بمحمود ..
سكت الجميع إلا بسؤال من أم شادي ..
أم شادي : عيل وين نواره.. ؟؟؟
ندى : مع صاحبتها صفاء ..
أم شادي وين في بيتكم ..
ندى : أيوه ...
أم شادي : خلاص أنا بأروح أشوف نور ..
ومشت تشوف نور ..
كانت نور جالسة مع صفاء يتكلموا عن مهند إللي أسر نور إلى درجة الينون ..
صفاء : نوروا أنتي مضحكتني
نور : ليه ؟؟
صفاء : حبيتيه بعد ما كنتي تكرهييه ...
نور : شنو أسوي القلب هههههههه
صفاء : هههههه عجبتني هادي القلب ..
نور : صفيــــ ....
كل أنفتح الباب كانت أم شادي داخله ...
تغير لون نور أهي تعرف ليش خالتها كل تجي هادي الأيام بيتهم بس تبي تقنعها بولدها غصب ...
أم شادي قربت من نور وراحت حضنتها .. ( هلا شخبارج بنت أختي أن شاء الله زينه ؟؟ )
نور : الحمد لله زينه أنتي شخبارج خالتي ؟؟؟
أم شادي : زينه الحمد الله ..
نور: الله يصبر قلبي ع الكلام الي كله هم وغم ع القلب " بكل حرقية تقوله "
أم شادي : شنو تقولي بنت أختي
نور : لا سلامتج خالتي ماقلت شيء بس أكلم نفسي
أم شادي : لتكوني مسخنة بنت أختي واحنا ماندري ...
نور : والله مابيييب الي السخونة ألا ولدج هالقرد قصدي الشادي ..
أم شادي : أوه آسفة ماسلمت عليج صفاء .
صفاء : لاعادي ويج دعوى أنتي سلمتي ع نور أنا نور واحد لأنا علاقتنا قوية مثل الصخرة ماتنكسر بسرعة . وأحنا جسدين في روح واحدة ...
أم شادي : يابعد جبدي وياخلف أبوي صفاء بس باخد نوراه في بيني وبينها كلمة راس .

[نور وضياء]

الجزء السابع :-
صفاء : أخدي راحتج البيت بيتك وأنتي ........
وتدخل نور في الخط وتقاطع خويتها صفاء وتقول لخالتها يابعد عمري خالتي ما سمعتي صفاء ويج تقول أنا وهي جسدين في روح واحدة مايفرق اثنين .
أم شادي : مادام جدي يبنت أختي قولي الي أنتي موافقة على ولدي شادي ولا لا...........
نور : على مأعتقد أنا أمي كلمتك وقالت لك مافي نصيب ...
أم شادي : أنتي عطيني الأسباب الي خلتج ترفضي ولدي ليكون أحد في البال ..
نور : ويج تقولي خالتي ...
أم شادي : مثل ماسمعتي
وتعالت الأصوات مابين نور وخالتها وقام تحريك اليدبالأيادي وصارت الضحية على قلبي صفاء وحاشها الطشار وماوقفوا من الصراخ إلا الأسد علي طالع من عرينه وهو يزئر وقام كلم خالته وقال الها خالتي الدنيا أرزاق وكل واحد ما ياخذ ألا رزقه والله مو كاتب لها شادي والزواج مايجي بالغصيبة والأجبار ( طبعاً علي قال الكلام على حساب صاحبه اللي هو يبيه يكون إلى أخته لأنه يحبه ويبي يكون قريب منه )
أم شادي : ولدي مو ناقصه شيء
علي : خالتي ترضي أنها تأخذه شهر وبعدها تتطلق منه مو حلوه بحقه ولا بحقها ...
وهدت الأوضاع في البيت وأقتنعت أم شادي بكلام علي بس خايفة من المفاجئة الي ناطرة ولدها وراحت أم شادي بيتهم
واصطبغ وجها بكل لون موب عارفة شنو تقول لشادي وصلت أم شادي البيت وبينت أنها مافيها شي بس وعلي عليها متقطع قلبها على ولدها واخدت تتنفس بقوة ودقت الجرس وفتح الها الباب ولدها شادي والبسمة شاقة الوجه وسأل أمه ها يمه عسى وافقت الغالية علي
أم شادي وقلبها يدق بقوة ومن كثرة سرعته زين ماصابتها سكتة قلبية
شادي : يمه مارديتي علي .
أم شادي : مافي نصيب ياوليدي .
شادي : ويج تقولي يمه " والدموع أربع أربع "
أم شادي : ولا يهمك ياولدي اخطب الك الي أحسن منها هي الخسرانه خسرت جوهرة ماتنباع بثمن .
شادي : مابي غير الي بنيت أحلامي معاها .
أم شادي : أقولك البنية ماتباك ماتفهم " ودمعتها على خدها تسيل " ....
وطلع شادي وهو معصب وركب سيارته ال بي أم دبليو موديل السنة ولا بعد فول أوبشن "
شادي : وين أروح اروح لعلي لا أروح الى صاحب علي مهند وخليه يقول لعلي عني لأنا هم مع بعض دائما وأكيد علي مايرفض له طلب .
وسار شادي لين وصل بيت مهند وشاف شلة مصبنة عند بيت مهند وسألهم مهند موجود رد ماهر وقله أيوه موجود بس أقوله من يبيه
شادي : قول له ولد خالة علي شادي ...
ماهر : لحظة بانادي عليه ....
ودخل ماهر بيتهم وشاف مهند " اللي بعد ماخبر علي ردت له صحته " في الصالة وقال له مهندوا واحد يبيك عند باب البيت ويقول أنه شادي ولد خالة علي
مهند : منو منو !!!!!!!!!!!!!!!
ماهر : شنو هذا بو هنده صمخت لاحول شيبت وانت بعدك صغير السن طيشاني ...
مهند : أكيد علي قاله وجات ساعة الأنتقام وجا يبي يخلص علي الله يهديك ياعلي أنا قلت لك لاتقول إلى أحد "الله يهديك " قالها بصوت عالي "
ماهر : يلا لصبي يبيك بره بسرعة ...
مهند : زين لا تزامخ .......
وطلع مهند عند باب البيت وسلم على شادي وقال له تفضل وهو مرتبك
شادي : لا أنت تفضل معاي السيارة ابيك على انفراد .... بعيد عن الخمة الي جالسين عند الباب وهو يأشر بصبعه
ألا واحد من المصبنة قام ياهي ديك عضلات ولا كأنه مصارع ويج قلت لأهر الك ضروسك ....
شادي وهو خايف : قلت خمة ...
المصبنة : ماخمة : ألا أنت والي جابوك ...
وجت الصفعة قوية على وجه شادي حتى من قوتها طلع أثرها ...
مهند : ماجد خلاص ما عليك كبر عقلك ... خلاص .
ماجد : عشانك بس ولا هو مو كفو الواحد ينجس يده عليه .
" طبعاً كان بيت مهند في حي من الأحياء الفقيرة وهذا اللي خلا شادي ابن الطبقة الغنية والمعروفة في المجتمع يتكبر على أهل هادي المنطقة "
وركب مهند مع شادي السيارة وهم في الطريق فتح شادي السالفة ودخل في الموضوع بسرعة أخوي مهند ابيك تتوسط لي عند ولد خالتي عليوي .
مهند : أنت ولد خالته اقرب له ...
شادي : بس هو قالي مرة أنه يرتاح لك أكثر . وملاحظتي لك أنت معاه كله مع بعض هو الي شجعني على أني أفتح معاك الموضوع ...
مهند : خير أن شاء الله .
شادي : السالفة وما فيها أنا خاطب بنت خالتي نور وهي رافضتني وموب عارف الأسباب وبحكم أنك قريب من علي أبي تكلمه وتخليه يكلم أخته ويقنعها أنا ماحد في الدنيا يستاهلها غيري وعاد أنت تدري أنا أحنا لعبنا في الرملة مع بعض وكانت تحبني وأنا أ حبها والعشق باين علينا كانت تسميني الحبيب وأنا سميها الحبيبة وصفينا أنا ويها نتحضر وعالزواج أحنا نوينا وبعدين اتجي لينا غيمة سودة وضيع كل أمانينا ...
مهند : لا حشى مو شادي ماجد المهندس " وهو منقهر قال الكلام " .
شادي : مو وقت المزح أنا أتعذب في اليوم ألف مرة من كلام أمي كل مره تقول أهي رافضتك .... ماتفهم ...
"وبكل شموخ وكبرياء يقول شادي" وين بتحصل واحد أحسن مني علم وأدب وأخلاق وتواضع .
مهند يقول في قلبه المادح نفسه يبي له رفسه .
شادي : ها رح تخبره .........
مهند : أنا مالي دخل أنتوا عائلة وحدة أنا إذا تكلمت ماراح أثر بشيء كلامي لا يودي ولايييب وماراح أهدم العلاقة الي بيني وبين علي على حساب رفض نور لك أحنا بانيها لبنة لبنة ....
شادي : الشره مو عليك الشره على الي ياي لكم يا زبالة .
مهند وهو كاظم الغيض: يجي منك أكثر ومشكور ع الكلام الي يدل على حسن أخلاقك يامتواضع ...
وفتح مهند باب السيارة بكل عصبية وهو يقول مع السلامة .
ودق شادي سلف ومشى بدون مايعطي مهند أي أهتمام .
مهند وهو منقهر : قليل الأدب ناس ما عندها أصل كيف هذا القرد يصير ولد خالة علي لا والقهر يجي يقولي كلم علي على حساب توافق نور يحلم هو اللي جابوه يبيني أشيع قلبي ولا أقول لعلي هذا الكلام ..
مهند فكر يدق على ماهر أخوه على حساب يمر عليه ويأخذه إلى البيت ..
مهند : هلا ماهر
ماهر : هلا مهند
مهند : ماهر تقدر تجي لي عند بقالة الربيع
ماهر : نايبه شنو وصلك هناك
مهند : ما عليك بسرعة تعال .
ماهر : وين اللي جاء لك ليش ما جابك ..
مهند : تعال ولا عليك ..
ماهر : زين نص ساعة وأنا عندك " يقصد مسافة الطريق "
وصل ماهر إلى مهند عند المكان اللي حدده ..
ماهر : ها شنو السالفة
مهند : بعدين أقولك خلينا نركب بالأول
ماهر : يلا
ركب مهند وماهر السيارة ..
ماهر : ها مهند شنو الموضوع ؟؟؟
مهند : بعدين في البيت سوق وأنت ساكت
ماهر : زين نوصل ونعرف ...
وصلوا البيت وجلسوا بالصالة كانت أم رضا وأبو رضا وليلى و مؤيد جالسين يتعشون ..
دخل مهند وماهر بصوت واحد : السلام
الجميع : وعليكم السلام
جلس مهند يم مؤيد وماهر يم ليلى ..
ماهر : ها شنو السالفة ؟؟
مهند : قلبك بيحترق إذا ما عرفت ..
ماهر : يلا قول شنو يبي منك هالشادي
مهند : يبيني أكلم علي على حساب علي يقنع أخته وتوافق عليه لانها رافضته ..
ماهر : يعني هو خاطب أخت علي هذا المتكبر
مهند : أيوه ..
أم رضا : شنو قلت له ..
مهند : قلت له أن أنا مالي دخل وهم عائلة وحدة وأنا ماأبي أهدم علاقتي بعلي صديقي ..
أم رضا : شنو قال ؟؟
مهند : قال لي الشره مو عليك الشره على اللي يجي لكم يازباله "قالها وهو يقلد عليه "
أم رضا: وليه زباله هالمتكبر من حقها لبنية ترفضه ..
مهند : علي أصلا ً ما يبيه إلى أخته ..
أم رضا : من اللي يبي واحد متكبر
مهند : ما علينا منه ..
ماهر : هذا مينون أول ما شافنا يقول عنا خمه
مهند وهو يضحك : هو من العوائل الهاي الكلاس..
ماهر: بس ما توصل لدرجة التكبر اللي هو فيه على الأقل يحترمنا على حساب الواسطة اللي هو يبيها ..
أم رضا : أكم عائلة بو علي مرة متواضعين..
مهند : عائلة بو علي غير .. و علي غير .. و في قلبه و نور غير.. آه.
..............................
في بيت بو علي .. كان العشاء سبسيال خصوصا ً و أن نور بعد فترة طويلة تعشت معاهم فكانت السفرة عامرة بالأطباق الشهية من جميع الأصناف اللي تشتهيها نفسك ..
علي: تسلم أيديج يام علي
أم علي : الله يسلمك
علي وهو يطلع بنور عاد اليوم شيء ثاني العشاء نواره معانا
ندى : أيه والله غير
محمود : أي غير سحبت الأكل نصه
أم علي : وش دعوى أنت مقصر تأكل عن عشرين شخص ألحين وقفت على نور اللي تأكل قليل وتقوم ...
بو علي : أهم شيء أن اليوم متيمعين وهذا هو أحسن حاجه ...
نور كانت عيونها كله ع تحت ماتبي تتطلع في أمها اللي تحس أنها جرحتها اليوم بعد اللي صار مع خالتها ...
أم علي : علي متى بتروح تسافر ؟؟؟
علي : بعد أسبوعين ..
أم علي : زين ..
ندى : بتروح أنت ومن ؟؟؟
علي : مع مهند أكيد والباقي عوائل ما أدري عنها ...
أم علي : يات أمه هداك الأسبوع
علي : أي أدري بس مو مهندوا اللي يابها ماهروا هو اللي يابها ..
محمود : تصدق هذا ماهر شفته من كم يوم كان جالس مع كم ولد بس طالع رزه ...
علي : من زمان صاحبي وأهله رزه
ندى : بس هادي الملسونه ليلى بالمره تييب الضغط والسكري ...
علي : عاد هادي اللي ما يرضى عليها مهند ..
ندى : يابت الضغط لي
علي : ليش ؟؟؟
ندى : أسألها أي صف رايحه تقول لي" رايحه إلى البيت هههههه "عورت راسي الله لايرويك وش قد غثيثه ..
علي: بالعكس مهند يحبها وايد لانها أخته الوحيدة و إذا ما لقى أحد يتكلم إله قال ألها كل اللي بقلبه ..
نور سمعت أسم مهند حست بفرح بقلبها ودها تشوفه وده تقول له عن حبها إله تحس نفسها بتتعذب ..
علي : نور شنو فيج ماتتكلمي
نور : ها ... لا مافيني شيء
علي : نور أنتي متغيره وايد من يوم أحنا في سوريا لحد ألحين ..
نور : ما فيني شي
علي : متأكدة غيرك قالوها بس بعدين طلع فيهم أشياء وأعترفوا بعد ما حسوا أنهم بيتحطموا ويموتوا وقلوبهم بتنشلع منهم .. ( علي كان يقصد مهند في كلامه )
نور : أنا ما فيني شيء مستعده أتنافس ويا محمودوا بقيم قوي بلىبلىاي ستيشن ... ( كانت تصطنع القوه وعدم الضعف والسرحان)
محمود وهو متحمس : تقومي ..
نور : يلا

[نور وضياء]

هاي
مشكورين أخواتي أ خواني ع الرد
وآسفة ع التأخير لأني كنت مريضة " أنفلونزا"
وهادي 3 أجزاء وأتمنى تعجبكم
وأكرر أسفي

[نور وضياء]

الجزء الثامن :-
راحت نور ومحمود يلعبوا بس في قلبها تقول : بلشتي نفسج يا نور الحين كيف العب وأنا ما لي نفس ..
لعبت مع محمود شوي بس يوم دق جوال علي (جاني حبيبي)
ما عرفت تلعب وقالت لمحمود أنها ملت ..
وراحت تسمع علي وهو يكلم مهند ..
علي : هلا مهند , نعم , أوكي خلاص رح أجي لك بيتكم بس ها خلي أم رضا تسوي لي شايها الحلو .. يلا باي ..
ونور حزتها كان ودها تروح مع أخوها بس صعبة وكل اللي سوته إنها سألت أخوها عليوي وين بتروح ؟؟
علي : خيتوه يهمك وين أروح
نور : ها .. لا .. بس سؤال ولا حرام
علي : لا مو حرام بس أشوفج مهتمة ..
نور : لا ماني مهتمة بس خيوه تقدر تودني بيت صفيـــــــوه
(( بس في قلبها شي ثاني ))
علي : طلب مرفوض لا يمكن الأخذ به وبعدين أنا رايح إلى هنودي "مهند"
وهنا نور من سمعت أسم مهند تغير لون بشرتها صارت حمره أخوها علي لاحظ التغيير الي صار إلها
علي : شنو فيج نوروا تعبانة
نور : أقولك ما فيني شي تفهم عربي ولا أفهمك وثانياً لاتختلق لي سوالف ما لها أول من ثاني
علي : واضح واضح أنج مو متغيرة كفاية بشرتج الله خلقها حمره
نور : خلاص أسكت عني
علي : خلاص فارقي عني
ركبت نور الغرفة خافت إن أخوها أكتشفها إنها تحب مهند من كثر الخوف قرت أدعية ما خلت دعاء ما قرته وكل هذا خايفة من أخوها يكشفها
ندى طقت باب الغرفة طقت وطقت لزين ما عيت وتعبت
عودت مرة ثانية وطقت وألحين أستجابت نور طقة الباب
ندى : صخرة مو إنسان
نور : نعم خير شنو تبي
ندى : أعطيني أكسسوار من عندج
نور : ليش ؟؟
ندى : باروح عرس أخت صديقتي .
نور : لحظة أنتظري برة وباييبه لج .
ندى : خليني أدخل وأشوف
نور : مافيه .
ندى : ليش ما أدخل
نور : أولا ً عندي شغلة بسيطة وبادخلج
ندى حبت تعرف شنو هاشغلة أنقضت على الباب وكأنها تقولوا ثور ينطح
وهنا ندى أكتشفت إن نور كانت تقرى دعاء تكلمت ندى ياه ويليييي ماكنت متوقعة إن نوروا أختي تصير لنا شيخ أكيد في شي عاد أنتي ماتقري إلى إذا تبي حاجة
نور : أنا أقرأ أنتي ماتشوفيني
ندى : زين وين الصندوق الأكسسوارات حقج ييبيه
نور : تفضلي هانم
ندى : يلا باي يالعابدة التقية
نور : روحه بلا رده
ندى : روحه تروحج ...
نور : نديوا تعالي لحظة ..
ندى : نعم أم الشباب
نور : نديوا من اللي بوديج العرس ..
ندى : في غيره أبو الشباب عليوي
نور وهي منقهرة : وش دعوى أنتي أيه وأنا لا ما برضى أعترض
ندى : رضيت ولا أنرضيتي عليو يحبني وما يرفض لي طلب ..
نور : زين دلفي عن ويهي أنا أروح أقول له ..
نزلت نور إلى علي ..
نور : عليووو
علي : هلا
نور : عليو ليه بتودي نديوا عرس أخت صديقتها
وأنا مابتوديني إلى صفيوا
علي : كيفي
نور : مو كيفك
علي : لا عيل كيف من
نور : كيفي بتوديني يعني بتوديني
علي : بس أنا ما بوديج ..
نور راحت تستعطف إلى أخوها وسوت نفسها تبجي ..
نور : علي يعني أنا ما ني أختك أنا أدري يوم يخطبني هذا القرد شادي كنت فرحان تبي الفكه مني بس يوم رفضته زعلت لاني خيبت آمالك
علي : لازعلت ولا شيء بلعكس كنت أبيج ترفضيه
نور : خلاص بافكك من ويهي وباخلي أمي تقول إلى خالتي أني وافقة خلاص أنا رايحه "ومشت كم خطوة إلى قدام" ..
علي هنا ماعرف شنو يسوي إذا خلاها تروح تقول إلى أمها أمها مابتصدق إلا بتمسك التلفون وبتخبر أختها و هو مايبي ينقض العهد اللي عاهد صاحبه مهند عليه ..
علي : خلاص نوروا ألبسي وبوديج في طريقي ..
نور : ياي أخيراً رضيت تسلم يا أحلى أخو في الدنيا
علي : مو تفرحي وايد لا ألحين أغير رايي
نور : لالالا كل شيء ولا تغير رايك وراحت صعدت الدرج وراحت إلى غرفتها ولبست ثياب كشخه وحطت عطر وايد تبي مهند يدخل سيارة علي ويقول هادي ريحة نور ..
انتهت نور وانتهت ندى ونزلوا إلى علي اللي كان ينتظر ..
علي : انتهيتوا
ندى : أيوه
علي : طبعاً مثل الجدول اللي قبل لا تقولوا لي وصلني قبل أولاً بمر مهند ورح يصعد معانا وبعدها أوصل ندى إلى العرس وأخر شيء نور إلى بيت صاحبتج .. زين
ندى & نور : زين
ومشوا بالسيارة وصلوا عند بيت مهند ..
ودق علي على مهند يخبره أنه وصل ..
طلع مهند كاشخ لابس ثوب وشماغ أحمر وطالع غاوي بالثوب ملك جمال السعودية قمر وأحلى من القمر
ودخل وسلم على علي ..
نور : أشتعلت في قلبها وهي تقول ياربي طالع فاتن ذباح آسر وين أروح من هواه ..
ندى كانت بتموت تمنت أن علي يغير مشواره وما يوصلها العرس كانت تبي تقعد تناظر مهند ..
علي : ها شنو الموضوع ..
مهند : بعدين ..
علي : ما في أحد غريب هدولا أخواتي ..
مهند : أقول بس بدون زعل ولا عصبيه عائليه
علي : قول ..
مهند : اليوم ياني ولد خالتك شادي وقال لي أنه يبيني أكون واسطه بينك وبينه على حساب تقنع أختك أنها توافق عليه ..
علي : أيوه بس هذا اللي قاله ؟؟ !
مهند : لا بس قال كلام ماينقال
علي : مثل ؟؟
مهند : وايد يقول أنه كان يلعب معاها على الرملة وأنه أتفق معاها على الزواج ..
فجأة صرخت نور قطعت كلام مهند : أنا تواعدت وياه على الزواج أنا من متى تواعدة وياه هذا أكيد ين ..
علي : يمكن حلمان هههههههه
نور : حلمان وبس إلا وصل إلى حد لينون ..
مهند : أسمح لي علي ولد خالتك إنسان متكبر لا وما عنده أخلاق
علي : شنو قال ..
مهند : يقول عنا أن أحنا خمه لا وزباله وزين ما قتله ماجدوا
ولد جيرانا ...
علي : صحيح ؟؟!
مهند : أيوه صحيح أتصدق أنه بالمره بدون أخلاق حتى ماهروا يقول كيف هذا ولد خالة علي ..
علي : أكيد في فرق بينا ...
مهند : لا واللي يضحك أنه يقول أنه أخلاق وأدب وتواضع كيف أختك ترفضه ضحكني بكلمة تواضع لكن ..
علي : حلوه هادي تواضع أنا أموت ولا أعطيه نواره صحيح نوار ..
نور : واضح ..
علي : لا .. لاتقولي أني مارحت كلمت خالتي وأنقذتج من أجبارها إلج على حساب تأخذي شاديوا
نور : أيوه تكلمت ...
ووقفوا عن الكلام لما وصلوا إلى مكان الزواج .. ونزلت ندى من السيارة ..
علي : ألحين بقى علينا بيت صاحبة الست نور
نور : علي لحظة وقفني عند محل ورود .......
علي : لا حلفي قولي والله
نور : وقفني الله يخليك ...
علي : أحمدي ربج أني باوديج بيت صديقتج
نور حاولت تستعطف أخوها مرة ثانية : خلاص بتصل بأمي تكلم خالتي وتقول إلها أني وافقة على شادي ...
علي بدون أهتمام : دقي ..
هنا مهند ما أستحمل راح ضرب علي ضربه ينبهه فيها بس ما لحق كل نور دقت على البيت وفتحت مكبر الصوت طبعاً طاحت أماله في الحظيظ ..
نور : ألو هلا ماري ..
ماري : هلو ماما نور
نور : ماري ماما هنا
ماري : أيه لحظة وأناديها ..
نور : سرعي الله يخليج
قطع عليها علي : هي أنتي خلاص بوديج إلى محل ورود خلاص ..
نور : بعد ما فات الوقت ..
علي : ما فات الوقت أنتي حتى ما قلتي إلى أمي ..
نور : خلاص زين ماني قايله ..
وفجأة جاء صوت أم علي...
أم علي : ألو هلا نور
نور : هلا يمه
أم علي : شنو تبي ؟؟
نور : ...... ( كانت تفكر بكذبه تختلقها إلى أمها )
أم علي : شنو فيج ساكته شنو تبي ...
نور : أي صحيح .. ندايوا تقول أحتمال تتطول شوي في العرس عادي ..
أم علي : عادي بس مو وايد
نور : زين أقول إلها .. يلا ماما باي
أم علي : مع السلامه ..
وقفلت أم علي بس علي أستلم نور على الكذبه اللي كذبتها على أمها : شنو هالكذب تقولي إلى أمج أن نديوا بتطول حرام تكذبي
نور : شنو أسوي أنت بلشتني قعدت أفكر ما لقيت أحسن من كذا ..
علي : وتكذبي على أمج يا لعينه ..
نور : اللعين أنت ..
وصلوا محل الزهور وعلي قال إلى نور :
علي : يلا شنو تبي من محل الزهور ..
نور : أنا اللي بختار ..
علي : قومي ..
نزلت نور وعلي ومهند إلى محل الزهور وأختارت نور ورود حمراء وبيضاء في باقة وحده وباقة ثانية صفراء وبيضاء وخلته ينسقهم ..
ورجعت السيارة .. كانت ناويه تعطي صفاء الصفراء وتخلي في سيارة أخوها الحمراء اللي كانت تبي أخوها يعطيها مهند بس علي أكيد ما بصدق حاله وبيقول أختي تحبني وتاركتنها لي ..
ومشوا في الطريق وقربوا يوصلوا بيت صفاء ..
و هم في الطريق
علي: لمين الباقة الثانية ؟
نور : لي، يعني لمين؟؟
علي : وبأي مناسبة تهدي نفسج ورد ؟؟؟
نور :يعني حرام أهدي نفسي ورده ..
علي : مو حرام بس يعني ..
نور : أقول عليوي شنو رأيك تأخذها إلك الورده ..
علي : مابي وردتج ..
نور : وش دعوى ماني أختك لا ورده حمراء بعد ..
علي : عيل هاتيها ألحين لي ..
نور : ها خد (وعطتها وياه )
علي : الله مشكورة أختي بس بعطيها مهند عادي ..
نور بفرح : عادي
مهند : مشكور حبيبي وهو يطلع بعلي ويبتسم (يقصد نور بكلامه )
المهم وصلت نور بيت صاحبتها صفاء ونزلت وقالت مع السلامة.....
مهند في هذه الدقيقة حس ان قلبه نزل مع نور ....اه ..اه ياقلبي
وبعد كذا راح علي ومهند القهوة يقضوا وقت على ما يخلصوا اخوات علي
في القهوة السوالف والشيشه
علي : ها مهندوا عجبتك الوردة الحمراء (قالها علي وهو يبتسم بخبث )
مهند : ايه والله وايد حلوة " قالها بدلال " وأضاف : الله يخلي حبيبتي اللي يابتها .
علي : هيه مهندوا نسيت روحك ها أحترم نفسك هي لاتييب طاري أختي كذا .. فاهم عيب أستح ياولد ..
وبعد ما مر الوقت من السوالف والضحك
دقت ندى
ندى : الو

[نور وضياء]

الجزء التاسع :-

علي : الو هلا ندى
ندى :هلا عليان
علي : هلا والله يا أم عبد الله
ندى : ها علوي متى بتمرني ؟؟
علي : خلصتي ؟؟
ندى : أيه خلصت متى بتيي ؟؟
علي : خلاص ألحين ..
ندى : يلا باي
علي : باي
علي : يلا قوم
مهند : وين ؟؟
علي : بنمر على اختي ندى من العرس
مشوا ودخلوا السيارة
علي : خليني اكلم نورو اختي
مهند : دق عليها ..
علي : شنو رأيك أنت اللي تدق عليها ..
مهند : يلا هات
علي : لا والله أحلف
مهند : أيه والله
علي : هات جوالك أبي أخرعها وبدق عليها منه ...
مهند عطى علي جواله ودق علي على نور وحط مكبر الصوت ...
دق الجوال عدت دقات وماردت نور دق المره الثالثة وردت نور : ألو نعم مين معي ..
علي غير صوته : ألو هلا يسلم لي هالصوت
نور بعصبيه : نعم شنو تبي
علي : أبيك يا عمري
نور : أحترم نفسك يا قليل الأدب ...
علي : حبيبتي شنو أسمك
نور: أسمي أنك تتأدب لاأوريك يا منفلت ياعديم التربية ...
علي : حبيبتي شنو فيك معصبه ...
نور : أنقهرت وقفلت الخط بويهه ...
علي يقول إلى مهند بل شنو هاللفاظ اللي عليج يا نورو
مهند : حلوه هادي تبيه تسايرك ما شاء الله عليها أختك قويه يم الأغرات ..
علي : أكيد تربية بو علي ..
مهند : النعم بتربية بوعلي ..
علي : أعود أدق مره ثانيه ..
مهند : دق
علي : يلا
ودق علي على نور من جوال مهند ..
في البداية نور ماردت بس بعدين ردت بعصبية ...
نور : نعم شنو تبي خير ..
علي : أبيك يا ختي
نور : أنت بتشوف شغلك يا قليل الأدب ..
وقفلت الخط بويهه من جديد وبعدها حاول علي يدق بس ما قامت ترد نور ..
وراح علي دق عليها من جواله ..
علي : هلا نور
نور : هلا علي
علي : نويره جهزي نفسج أنا مار على ندى أختج وياي إلج زين ..
نور : زين ..
علي : باي
نور : بايات
ومر علي ع ندى ومر على نور.. ركبت نور السيارة ..
نور : السلام ..
علي & ندى & مهند : وعليكم السلام ..
جلست نور يم ندى وقالت نور إلى علي: علوي في رقم أذاني من كثر الدق ..
علي يصطنع أنه مايدري : شنو هو الر قم
عددت نور الرقم على علي وقالت له رح أدق على الرقم وأنت رد زين
علي : خلاص أنا بعد شوي أدق عليه خيه
نور: لاأنا أدق ألحين وكلمه هذا سخيف ..
دقت نور على الرقم وكل يدق جوال مهند .. مهند حس بالفشله ..
نور أنصدمت هذا مهند اللي كان يدق ..
علي بعد ماحس إلى حرج صاحبه: نوري هذا أنا كنت ألعب عليج من جوال مهند كنت أبي أخرعج هههههههههههه
نور : يعني عاشوا والله تلعب علي ..
علي : بس كنت أبي أمزح
ندى وهي ترقق صوتها : علي ليش سويت بنور كذا
علي وهو يقلد على طريقتها بالكلام : كنت أمزاح وياها
نور : علي أسألك سؤال ؟؟؟
علي : اسألي ...
نور : ترضى أحد يسوي لك كذا ؟؟؟
علي : شنو هذا نوري ماصارت هادي مزحه مزحتها وياج...
مهند : علي طبعه كذا ...
علي : وبعدين ليه أنتي ما نتي متقبله المزح مهندوا أيننه من مزحي ويعجبه صح مهند ؟؟؟
مهند : صح
علي : سمعتي ...
نور : أيوه
علي : مهند ليه ما تييب أختك تقعد ويا خواتي يتسلوا
مهند :ليش تبيني أييب أختي
علي : قلت لك تتسلى ويا خواتي ياغبي
مهند : ما أدري أسألها وأشوف ..
علي : أسألها شنووف ..
وضلوا يتكلموا بمواضيع ممله لين ما وصلوا بيت مهند ونزل مهند بيتهم ...
وبقى في السيارة علي وندى و نور
وصلوا بيتهم راحت نور غرفتها جلست تتطلع رقم مهند وراحت حفظته عندها بالجوال بأسم "عذابي "
ونفس الشيء سواه مهند حفظ رقم نور بس بأسم " حبي "
مهند فكر يدق على نور بس ما حب يفضح نفسه .......
قرر يطلع له رقم جوال ثاني " سوا"
طبعا ً قال كذا بس على حساب يسمع صوتها و هي تهزأ قتلته نبرتها بس في نفس الوقت حس أن الفكرة غبية هو مؤدب و هي مؤدبة مستحيل يكلموا بعض ...
بس مع هذا بيطلع له شريحة جديدة بس موبايلي من دون اسم..
في اليوم الثاني طلع مهند له شريحة .. و دق على نور منها وهو راكب السيارة طبعا ً ما تكلم نهائيا ً خلى العنان لنور و هي تسب و تلعن ..
بس قعد يبوس في الجوال .. وقال لازم ايننها كل مرة نزلت
نور لعلي و عيونها تتطاير شرار ..
نور : عليو لايكون انت اللي تينني بهذا الرقم ..
علي: و الله تبت من لسانج ديج المرة..
نور : عيل مين؟؟
علي: ييبي أدق عليه..
نور بعد تفكير: أوكييييييييييييييي..
علي رن على الجوال بس طلع له..
أن الهاتف المطلوب لا يمكن الاتصال به الآن ..
علي: مغلق..
نور: لا يكون صفيوه مطلعة رقم يديد وقاعدة تلعب علي أوريها ..
علي بكل حماس: تحيا أختي..
علي ما صدق على الله ركب سيارته و راح لمهند و أول ما وصل دق هرانة على مهند عقبها رنات جوال
طلع مهند بملابس البيت ..
مهند : صجيتني من كل ناحية شنو تبي؟
علي: بسرعة أركب ..
مهند : أركب و أنا بهالشكل " قالها وهو يأشر على هدومه " .. لا تأبى المروءة..
علي: أوكي بسرعة بدل و تعال..
...................
طبعا ً راحوا الكورنيش يتمشوا على البحر..
مهند : شنو صاير يالنسيب..
علي: خير ايش تكرمت من الحين عاد يالقوطي..
مهند : أقول أخلص
علي: هذا في رقم يدق على نوري أختي قلت يمكن الحبيب هو اللي يدق..
مهند : شنو تقول انت انا أينن أختك أينن كل العالم بس ما أينن قلبي و حياتي..
علي مقاطع مهند : أقول شايل الكلفة..
مهند : عذبني الحب ما أقدر.. ما أروم..
علي: عدال لا يطيح حلقك..
مهند : اسكت واللي يعافيك ..
علي: صحيح ولد قليل أدب (باللهجة المصرية)
و مرت الساعة بطيئة...
في بيت بو علي دقت نور على صفاء اللي كانت شاكه نور أنها هي اللي تلعب عليها ..
نور : ألو صفيوا
صفاء : هلا شنو فيج معصبه؟؟
نور : تبيني ما أعصب وأنتي مأذيتني بالدق مطلع إلج رقم يديد ...
صفاء : أنا والله مو أنا ..
نور: عيل من صفيوا ..
صفاء : والله شنو دراني ..
نور : صافي من يعني اللي حاب يينني ..
صفاء : كم الرقم ..
نور عددت الرقم على صفاء ..
صفاء : ما أعرفه ..
نور : عيل من هو اللي ناوي يأذيني ..
صفاء : كلمي شركة موبايلي وخليهم يطلعوا إلج الأسم ..
نور : اشوف بس يخوفي يطلع بدون أسم ..
صفاء : جربي وما بتخسري .
نور: أوكي يلا باي
صفاء باي
قفلت نور من عند صفاء وراحت تفكر من اللي يبي يلعب عليها وليش ...
نزلت تبي أخوها علي يروح يكلم موبايلي ما لقته موجود راحت دقت عليه ...
نور: ألو علي
علي : هلا خير ..
نور : عندك الرقم إللي يدق علي
علي : أيه موجود .. طلعت صاحبتج
نور : لا
علي : منو عيل ؟؟؟
نور : ما أدري أبيك تدق على شركة موبايلي وتشوف منو صاحب هالرقم ..
علي : أوكي
نور : يلا باي عيل ..
علي : بايات ..
كان علي لسه جالس مع مهند على الكورنيش طبعاً قال إله اللي صار بالمكالمة وقرر يدق على شركة موبايلي ..
هنا مهند فرح وايد وحمد ربه أنها بدون أسم ولا كان ألحين هو منبلش ...
كلم علي شركة موبايلي وقالوله أن هذا الرقم بدون أسم ..
علي يقول إلى مهند : تصدق الرقم بدون أسم يخوفي يطلع شاديوا ولد خالتي يبي ينتقم منها ..
مهند : ما أظن ..
علي : ليش ما تظن ؟؟؟
مهند : ما أظن لان ليش بينتقم منها ....
علي : لانها رفضته ..
مهند : ما أتوقع ..
علي : عموماً أدق عليها وأقول إليها ..
مهند : دق
علي : أكيد بأدق أخذ الأذن منك يعني ..
مهند : أيوه عيل من منو تأخذ الأذن ::
علي : من نفسي ..
وراح علي دق على نور ..
علي : هلا نور
نور : هلا شنو صار ؟؟
علي : الرقم بدون أسم ..
نور : أحلف
علي : والله ..
نور : من هو هذا اللي يأذيني ..
علي : ميبي واحد من الشركة نفسها ..
نور : وليش يدق وما يتكلم طيب ..
علي : يطمش .. شوفي أتركيه ولا تردي وهو بيمل وبيقفل ..
نور : أشوف بس أنا يعورني راسي من كثرة الدق ...
علي : ماعليش .أتركيه سايلنت
نور : أوكي .. وين أنت ؟؟
علي : أنا في الكورنيش مع مهند
نور : متى بتيي البيت ؟؟
علي : ما أدري ..
نور : زين يلا باي
علي : باي ...

[نور وضياء]

الجزء العاشر :-

بعد ما أنتهى علي قاله مهند :
عليو اليوم يمكن أخلي ليلى تروح إلى خواتك تجلس معاهم على حساب تتغير جو شويه ..
علي : حياها
مهند : أوكي يلا وصلني بيتنا ما مليت من القعده هنا
علي : لا
مهند : قوم علوي
علي : طيب
مهند : قمنا
وقام علي و مهند وراحوا السيارة
في السيارة
كان الجو ثاني كان علي حاط صوت المسجل على العالي
وحاط أغنية (عادل محمود ) " قلت إلهم يعود "
( قلت إلهم يعود .. قلت إلهم يعود... قالوا نساك وراح قلت إلهم يعود وبقلبي يا لمحبوب بس أنت موجود ... قالوا نساك وراح قلت إلهم يعود وبقلبي يا لمحبوب بس أنت موجود...
****
مهند سرح يفكر بكلمات الأغنية فحس إله علي ..
علي : هييييييي بو هنده وين رحت
مهند : ها .. لا وياك موجود
علي : ما أظن أنت وياي
مهند : لاموجود وياك
علي : معاي جسد بلا روح وقلب
مهند : لا وياك بجسد وروح وقلب وكيان يا حياتي
علي : هذا قبل تقول لي هالكلام ألحين بعد ما دريت باللي يشغل بالك صار شيء ثاني ..
مهند : خلاص علي فك عني ..
علي : أوكي
مهند : خليك كذا
علي : أن شاء الله أستاذ
مهند : جيد
وصلوا بعدين بعد هالكلام الممل إلى بيت بورضا ونزل مهند بيتهم
....
وبعدها حرك علي وراح إلى بيتهم ووصل البيت ..
علي دخل وسلم كان في البيت بو علي وأم علي وندى ونور .
أما محمود كان مع ولد الجيران حيدر ..
علي : يمه اليوم بتجي أخت مهند
أم علي : حياها
ندى : أنا هاربه هادي تعور الرأس ..
علي : عيل وين بتروحي ؟؟؟
ندى : باروح إلى فريحان صاحبتي ..
علي : ومن اللي بوديج ؟؟
ندى : في غيرك أكيد أنت ..
علي : لا والله ..
ندى : الله يخليك علي تدري عني ما أحبها ..
علي : مو شغلي
ندى : خلاص أفشلك أول ما بتيي بطردها إذا ما وديتني
نور : وديها
علي : أسكتي من اللي بيقعد مع البنت
ندى : نور وأمي ..
أم علي : أنا اليوم بأروح بيت خالتكم ..
نور : أوكي خلاص أنا أقعدمعاها بشوف الغثيثه اللي قلتي عنها ..
ندى : جربي بييج المر ..
علي : أعتمد نور ..
نور : أعتمد
وعلى الساعة 4 العصر كان بيت بو علي فاضي ما فيه إلا نور وعلي والخدامه إللي بعد دقايق بيطلع مع مهند بعد ماتوصل ليلى أخت مهند ...
وعلى الأربع ونص كانت ليلى ومهند واصلين ..أستقبل علي مهند ودخلت ليلى إلى نور .. طبعاً علي طلع مع مهند وبقت نور وليلى والخدامه في البيت ..
أول ما دخلت ليلى إلى نور ..
نور : هلا
ليلى : أهلين ..
نور : أمشي نروح غرفتي ..
ليلى : أوكي
ومشت نور وليلى إلى غرفة نور .. نور كانت كاشخة على الأخر لأنها جالسه مع أخت مهند والمفضلة بالنسبة إله ..
كانت لابسه تنوره سوداء قصيرة تحت الر كبة بشوي وبلوزه حمراء "كت" باينه تناسق جسمها الضعيف ..
كانت فاكه الشعر اللي مقصوص فراوله وطويل من تحت
...
جلست نور وليلى في غرفة نور ..
نور : ها ليلى شخبارج؟؟ ..
ليلى : الحمد لله أنتين شخبارج ؟؟ ..
نور : الحمدالله تمام ..
ليلى : وين أمج وندى ...
نور : أمي وأبوي في بيت خالتي وندى مع صاحبتها أفراح
" فريحان ".. الأسم المتعرف عليه عند عائلة ندى ..
ليلى : أها ..
نور : شنو مسويه هالأيام ..
ليلى : ما كو ولا شيء
نور : مثلي ولا شيء كل قاعده أشاهد تلفزيون أو مع صفيوا أو أروح ألعب ويا محمودوا بلاي ستيشن ..
ليلى : بس أنتي على الأقل عندج أخت مو مثلي كل أولاد لا وأكبر مني ..
نور : كيف عايشه بينهم ..
ليلى : ملل بس متحمله ..
نور : ومع من تجلسي في البيت وكلهم أولاد ..
ليلى : يعني أكثر شيء أجلس مع مهند وهو بعد يحبني وايد عكس أخواني الثانيين ..
نور وهي متحمسه من سمعت أسم مهند : بس هو ولد مش كل شيء رح تقوليه له ..
ليلى : أيوه هو يقول لي إللي بقلب وأنا بعد بس مو كل شيء يعني أقول إلى صاحبتي اللي هي مثل الأخت لي
نور : أنا بعد مو كل مع ندى أنا أكثر شيء مع صفاء وكل شيء أقوله لها ما أخبي عليها شيء ...
ليلى : مثلي أنا وفاطمة
نور : حلو أنا يكون عندج صاحبة تفهميها وتفهمج ..
ليلى : أكيد ...
وأنقضى الوقت بين نور وليلى بدون ما يحسوا أنهواه بالسوالف والهدره ...
وجاء مهند يأخذ ليلى إلى البيت ..
في السيارة كان الأستجواب ..
مهند : ها ليلى شنو سويتي هناك ومع من جلستي ؟؟؟
ليلى : جلست مع نور وقعدنا نهدر ولا حسينا بالوقت
مهند : عسى تسليتي معاها ؟؟
ليلى : وايد .. وتواعدت معاها أنها تيي بيتنا ..
مهند : متى بتيي إلج ؟؟
ليلى : ما أدري ..
مهند : زين صارت عندج صاحبة يديدة
ليلى : أيوه أحسن أصلاً أنا أحب أجمع لي صاحبات مو مثلك ...
وصلت ليلى بيتهم وراحت تكلم فاطمة صاحبتها عن اللي صار بينها وبين نور ... ونفس الشيء سوته نور دقت على صفاء وقالت لها عن ليلى اللي قالت صفاء بعد تبي تتعرف عليها " طبعاً من ذاك اليوم ونور وليلى صاروا صاحبات "
...
رجعت ندى من عند صاحبتها "فريحان "..
ندى سألت نور : ها شنو سويتي ويا الملسونه ...
نور : ياي تينن تسلينا ...
ندى : حلفي أنج تسليتي ويا هادي ..
نور : والله وايد تسلينا ...
ندى : لهدرجه عجبتج هدرتها ...
نور : وايــــــــــــــــــــــــــــــد
ندى : لانج مينونه مثلها ..
نور : المينونه أنتي
ندى : أروح زين إلى غرفتي أسمع لي كم شريط ..
نوروهي تضحك : أسمعي زين ها " توصيها "
ندى : روحي زين لاتتطمشي علي
نور : أقول شنو سويتي ويا فريحان ؟؟؟
ندى : أكيد أستانست فريحان ما تنمل سوالفها ..
نور : واضح ..
ندى : لاتضحكي على فرحون
نور : زين أنا رايحه غرفتي..
ندى : روحي ..
مشت نور إلى غرفتها وراحت تكتب في مذكرتها ..
كتبت : اليوم جلست مع ليلى أخت مهند وكتبت كل اللي صار كله اليوم ...
في بيت مهند كان مهند جالس في غرفته حاط له أغنية
"أنا حبك وأحب اللي يحبك وأحب الكون لأنه به وجودك " (لحاتم العراقي )وجالس يدندن معاه كل تدخل ليلى أخته وبأيدها ورقه صغيره ...
ليلى : هلا مهندان
مهند : هلا ليلى خير ...
ليلى : تقدر تعطيني جوالك ...
مهند : ليش ؟؟؟
ليلى : أبي أكلم نور ...
مهند : ليش بتكلميها وأنت اليوم جالسه معاها ؟؟
ليلى : أبي أكلمها على حساب أعرف متى بتيي لي ..
مهند : أوكي بس هيه مو تطولي ..
ليلى : أوكي ..
مهند عطى ليلى الجوال اللي يستخدمه دائماً مش اليديد ...
مهند : هيا هيا هيا إلى الخارج
ليلى : أوكي ...
وراحت ليلى غرفتها ودقت الرقم إلا تنصدم طلع لها رقم نور مسجل لا وبأسم "حــــــــــــــــــــبي "...
أما نور يوم دق الرقم أنصدمت وايد وحست أنها بتموت مهند ليش يدق علي وليش يكلمني ...
قررت ترد ...
نور : ألو ..
ليلى وهي مصدومه : ألو هلا نور ..
نور : هلا ليلى ..
ليلى: ها نور أخترعتي ...
نور : وايد شفت الرقم غريب...
ليلى : أيوه أنا ماخذه جوال مهند ...
نور : زين ..
ليلى : نور متى بتيي البيت ؟؟؟..
نور : وقت ما أفضى أن شاء الله ..
ليلى : ومتى بتفضي؟؟؟ ..
نور : ما أدري ..
ليلى: وكيف ماتدري ؟؟؟
نور : يمكن أيي يوم الخميس بس لا تستغربي إذا ييت مع صفيوا ..
ليلى : حياج و حياها..
نور : الله يحيج..
ليلى : يلا نوري ما أطول معاج لا يتوعد فيني مهندوا ..
نور : باي لا يذبحج وأبتلج هههههههه
ليلى : بايات سلمي على اللي في بيتكم ..
نور : يوصل وأنت بعد سلمي على اللي في بيتكم ..
ليلى : أوكي باي
نور : باي ...
طبعاً راحت ليلى إلى مهند وهي تبي تقوله عن اللي شافته ..
ليلى : مهند
مهند : هلا
ليلى : مهند شفت شيء غريب اليوم في جوالك ..
مهند : خير ؟؟
ليلى : شفت رقم جوال نور عندك بأسم " حبي "
مهند : ها نعم ...

[نور وضياء]

مرحبا
هادي عدة أجزاء نزلتها لكم لأن أحتمال ما أدخل هذا الأسبوع بسبب المدرسة والأختبارات

[Zain Ali]

السلام

يسلموووو خية ,,,

والله يعطيج العافية يا رب

مع تحياتي

[نور وضياء]

الله يعافيج
بس أتوق تظزفي الأجزاء لأسبوع تقرونها

[Zain Ali]

السلام

اختي الغاليــة

صراحة القصة روعة وايد

لازم تكمليها ,,,

حتى لو بمسج خااص

مع تحياتي