الخراااافة السابعة : بو درياااااه
محد قدر يشوفه لأنه مخفي الملامح
وكانت هالخرافة منتشرة غالبًا عند أهل البحر
وفي حقيقة الأمر ... بو دريااااه هي اللفظ الدارج لهالخرافة في البحرين
لكن هي في الأصل "بابا درياه"
وهي كلمة فارسية الأصل تعني (( أبو البحر ))
وهذي الخرافة طبعًا مو لليهال
بل إن هذي الخرافة كانت بنظرهم حقيقة وليست خرافة
كانوا يخافون من شي ماله وجود ولا أساس !!
المهم
انيي لبودريااااه
كانوا يصورونه كأنه من الجن وما يطلع إلا في الليل
يتسلل إلى البوانيش واللنجات ..
مابين صلاة العشاء والفجر
يخطف أحد البحارة ويتعشى فيه ويغرق البانوش
فمن جذي اهمه يخلون حارسين حق كل بانوش
عشان إذا سمعوا صوته
يقولون كلهم بصوت عالي : "هاتوا المشيارة والجدوم"
فيسمعهم ويشرد
وفي رواية أخرى
إن يسمعون صياحه في البحر وكأنه واحد غرقان
فإذا راحوله يساعدونه ياكل واحد منهم ويغرقهم !!
خلوكم معانه ... ما خلصنه
يــتــبــع...
تحيااتي
أوراق خريفية