تجربة أخرى من تجارب الجبس واللي غالبا يسووها الأولاد في المدراس مع أستاذ التربية الفنية
لكن طبعا مايمنع نتعرف على هالتجربة الرائعة ونطبقها بعد
تأكدوا أنها جميلة وممتعة وجددددا سهلة
تعالوا نتعرف على الخامات المطلوبة
1- جبس
2- طين (ممكن طينة الداز الجاهزة ،أو حتى رمل مخلوط بماي -عجينة الرمل-)
3- علبة شماغ أو ثوب رجالي أو عباءة نسائية أو حافظة طعام أي علبة طفيحة شوي بتكون مناسبة
(راح نستخدمها كقالب)
4- خيش مقطع أو ألياف لاعطاء ملامس عشوائية
خطوات الجربة
1- وضع الطين في علبة الثيابثم طبع
أي جسم على الطين دلة ، مفاتيح ، يد 000الخ
أييييي جسم
يعني بعد وضع الطين في القالب (ممكن الى نص ارتفاع القالب فقط)
راح نختارالمجسم المرغوب ونضغطه في الطين حتى ياخذ الطين شكل
المجسم
هكذا مع نثر الخيش أو الألياف على الطين
بعد كذا بنجهز الجبس بالطريقة اللي
تعلمناها سابقا على هذا الرابط
بنصب الجبس على قالب الطين مباشرة ،وبننتظر
من ربع ساعة الى نص ساعة الى أن يجف
(عامل الوقت شتاء أو صيف يتحكم في
وقت الجفاف ،طبعا في الصيف أسرع)
بعد جفافه تماما00بنقلب الكرتون حتى
يسقط قالب الجبس منه (شوي شوي عليه هاه)
الحين وبكل بساطة بنتخلص من الطين اللي حطيناه في البداية 00طبعا مازال طري ونقدر نزيله
ياترى شنو النتيجة ؟؟؟
وأكيد حاضرين لأي سؤال