وما زالة المرأة متمسكة في حلمها بأن يمسك زوجها يدها وهم طالعين

[فتى الشرقيه]

Friends

اصحاب

'أنت ليش ما تمسك ايدي واحنا طالعين '

'لا ...أفرضي احد من أهلك شافنا؟ ولا احد من اهلي؟ على الاقل كذا نقدر نرقع , إن

‏شاالله يا حبيبتي باكر آخذك وامسك إيدك قدام الدنيا كلها '.

............ ......... ......... ...

Engaged

مخطوبين ‏

'أنت ليش ما تمسك ايدي واحنا طالعين ؟'

'علشان مابي احد يتطنز علينا ويقول صايرين زي الكناري لان توهم مالكين...وبعدين

بصراحة ما ارضى احد يتطنزعلى حبيبتي...

............ ......... ......... ...

Married

متزوجين

'أنت ليش ما تمسك ايدي واحنا طالعين ؟'

'يا حبيبتي إحنا مو مراهقين عشان نمسك إيد بعض في الشارع وكذا....إحنا اثنين

متزوجين ومحترمين وعندنا بيت نسوي فيه اللي نبيه'..

............ ......... ......... ....

Married with Children

متزوجين وعندهم عيال

'أنت ليش ما تمسك ايدي واحنا طالعين ؟'

'يعني امسك إيدك ولا امسك إيد البزر ولا اشيل الاكياس هذي كلها؟!'

............ ......... ......... ...

Married for 25years

بعد 25 سنه من الكفاح المسلح

'أنت ليش ما تمسك ايدي واحنا طالعين ؟'

'أي إيد هذي اللي بمسكها الحين! إنتي تبين رجل بنتك يقول عنا كبرنا وخرفنا؟!

............ ......... ......... ...

Married for 50years

بعد 50 سنه من الحياة

'أنت ليش ما تمسك ايدي واحنا طالعين ؟'

'أي أيد أمسكها يا حرمة، خلني أقدر أشيل نفسي أول وأتوكأ على عصاتي بعدين أقدر أدفع عربتيك وأنا ماسكاً يدك"

وما زالة المرأة العجوز المسكينة متمسكة في حلمها بأن يمسك زوجها يدها وهم طالعين

فمن يحقق لها حلمها؟؟

وجهة نظــــــــــــــر ..........

[ربما نلتقي]

صح لسانك وشكرا

[ذوق وخيال]

اقتباس: فمن يحقق لها حلمها؟؟

عزرائيل

[سر البتول]

اقتباس: المشاركة الأصلية كتبت بواسطة ذوق وخيال   عزرائيل

يا دافع البلى

[الخنفروش]

وما زال الرجل يخجل بأن يمسك بيد زوجته امام الناس
والزوجة مُصرة على ذلك الأمر

**
ولكنني اعتقد وخاصة هذه الأيام
بأن الشباب وخاصة المخطوبين
كل واحد منهم يمسك ليس بكف اليد
إنما باليد كلها خوفا على بعضهم البعض
***
يالفتي شكرا لك
نحن نرى في الأماكن العامة وخاصة الأسواق عكس هذا الكلام
فنرى كل واحد يمسك يد خطيبته زوجته
صديقته

[تراتيل]

صحيح اني مستقبلا ما اتمنى اني اتمشى مع زوجي و هو ماسك يدي احسها فشاله و ضحك
بس اذا تمب الصراحه
انت بينت لنا اشقد ان الرجال حجاجييييييييييييييييييييين

[الخنفروش]

اقتباس: المشاركة الأصلية كتبت بواسطة سيده بأخلاقي   بس اذا تمب الصراحه انت بينت لنا اشقد ان الرجال حجاجييييييييييييييييييييين

خخخخخخخخخخ
من زمان الرجال حجاجييييييييييييين
وما راح نتغير
ليش ما ادري

[ام مهدي]

هههه حلو الموضوع

انا بالنسبة لي اقول مصختوها يا مخطوبين خلاص لا تمسكوا يد بعض ...
هذا دليل على ان الرجل يدللها فقط ايام الخطوبة ويمسك يدها وبعدين .....

[ولاية محمد]

اى والله كل واحد يطلع فيه

[زهراء الصفار]

رضاء الناس غاية لاتدرك

أن الزوج مسك يد زوجته قالوا (مصدقين حالهم)
وأن تركها ومشى قالوا ماشي وياها وماجاب خبرها

أني بالنسبه ألي الموضوع مررررررررة عادي مافي مشكلة ..(كل واحد يسوي اللي يريحه وهدرة الناس ماتخلص)

[الخنفروش]

اقتباس: المشاركة الأصلية كتبت بواسطة زهراء الصفار   رضاء الناس غاية لاتدرك أن الزوج مسك يد زوجته قالوا (مصدقين حالهم) وأن تركها ومشى قالوا ماشي وياها وماجاب خبرها أني بالنسبه ألي الموضوع مررررررررة عادي مافي مشكلة ..(كل واحد يسوي اللي يريحه وهدرة الناس ماتخلص)

نعم أهم شيء القناعة
ولا يزيد الموضوع عن حده
حتى لا ينقلب ضده
صح

[بستان]

السلام عليكم

أتوقع المرأة العجوز أمي وأمك الله لايحرمنا منهم وما أتوقع أن احد يقدر أقارن أمهاتنا بجيل اليوم المتربي على الدلع والولع أبكل شي جديد ، يعني الممثل الفلاني ماسك أيد زوجته أنت اليوم لازم تمسك ايدي يعني تبغ تدلع قدام صاحباتها لكن أنا من الناس إلي أقدس الحياة الزوجية وبطريقتي وفبيتي يعني ما أقدس الحياة الزوجية إلا في الشارع وأنا مسكها من أيدها قدام الناس وأنا أخوك ما أتوقع أن هدا حلم أمك الله أيخليلك أمك ياحبيبي اتمني انا احنا الشباب نفهم ان الحياة الزوجية مهي مسكة يد نتباها ابها قدام فلان وفلان في الشارع .الحياة الزوجية شي ارقى من هذا .

افهموني ياشباب وانت بالذات يافتي الشرقية ...........

تحياتي للجميع

[شموع الامل]

اقتباس: وما زالة المرأة العجوز المسكينة متمسكة في حلمها بأن يمسك زوجها يدها وهم طالعين فمن يحقق لها حلمها؟؟

الله يعينها شكلها بتروح للقبر وهي لسه تتمنى زوجها يمسك ايدها كل منها ما دلعته كفاية
والله الموضوع يعتمد على الزوجين

[ام الاقمار]

الموضوع يحمل اراء عديده ومختلفه ولكل ومنا قناعته وارى الموضوع عادي ولو مسك يدها اثناء قطع الشارع ويش راح يصير؟ ويظل هذا الموقف يشغل بال الكثيرين

[اسير العشق]

موضوع حلو

أنا صراحه مع الاخت زهراء في الراي
هذا الزمن الواحد إذا مسك يد زوجته قالوا شوفوا مخطوبين جدد او او
وإذا تركها قالوا تراكها ولا هو جايب خبر صج ماعنده سالفه
والحقيقه مجتمعنا غير مهيئ لمثل كذا مواقف

ولك مني اجمل تحية ,,,,