مساجلة الابيات الشعرية ( الحسينية )

[بلاقيود]

أمر عند الحسن افدي مقامه ..... وأشوفه للأبو يقلب عمامة
وينادي وينه لباسج تركنا .... قضى وخلى منابرنا يتامة

يبو محمد .. ياضيا السادة ... اشجرى بيكم وانتو القادة
صرخ يبني .. سيد السادة .. ترك فينا جمرة وقادة

أبونة ما اله عادة .. يغيب ويترك اولاده

وعلى نور الحسين ادخل واقله ... يبو اليمة عن احزانك تخلى
وينادي يبني فرقة بوية صعبة ... وقلبي شلون من بعده يتسلى
على راسه .. وضع ايمينه .. ومن حزنه غايره عينه
وعلى اشماله .. دمعه مهتونة .. ومن همه منخطف لونه

[ليث الديرة]

هاك العهد عهد الوفى من زينب أختك هاك
لمّن يحل منّي الأجل يبن أمّي ما أنساك
و بكربلا اشعندي أمل ع الغبره عفته اوياك
دم القلب خويه نزف بالمصرع اويا دماك
و لأني سبية ,, وي آل أمية
طول الوكت ,, دمعي يكت
يبن الزجية

[الدانــــــــة]

تهيج جروحي وآلام القلب تلهب
بمان الله ياباقي جسمي المترّب
دمايا بفرقتج بالحسرة تتصبب
وكل ذرة بكياني تنادي يازينب

[ليث الديرة]

بقت هالليلة و افّادي
يضخ ناره بشراييني
عسى عيوني العمى يحسين
و لا تتلاشى عن عيني

[سر هدايتي أئمتي]

يامهر الألم شللي سويته ،،خيالك علي وينه وديته
رحت وين يابو المصايب ،،علي وين رد علحبايب
اصعب احساس انخلق،،يغمرك حسرة وندم
وانت تركض للأمل توصله ويطلع ألم
يافرس الاكبر علي،،ماتنميت العدم
وانت رايح للعدا واعلى بالك للخيم
ياقاسي ألومك انا وقلبي يتعب
ياقاسي ذبح فعلك حسين وزينب

[الدانــــــــة]

بعد أكثر أريد أدخل وأخوض بعالم القدرة
دخلت بروضة نفّاحة وجتني على الورد فكرة
شفت بين الزهور ألوان وكل لون بوجه زهرة
وحين تمعّنت بيهن جذبت ناظري الحمرة
ذكرتك وذكرت دمّك تطافح موجه ع الغبرة
مثيلك ماشفت مذبوح يلوّن الزهرة من نحره

[ليث الديرة]

هملت الروح من عيني
بدل الدموع يا ضنيني
شتفيد الروح .. يهالمطروح
بعد فقدك ما تعنيني

[بلاقيود]

يايتامى .. يانساوين .. شيلو تراب القبر بنظر حسين
باشوفه متكفن لو بقى من غير تكفين
ولجلس معه ولاريد هالدنيا الدنيه

[بلاقيود]

تمشي يخيتي للحرب وتحمر حومة الميدان
مثل النجم شباني تتهاوى على التربان
بالمثلث يضربوني .. واخر من ظهر ميموني
وتشوفيهم يذبحوني
واظل مطروح يازينب وجثتي يجري دماها

[بلاقيود]

ان جان تريدني انسى ... وابطل النوح وونيني
اخذ ذكراك من قلبي .. واخذ صورتك من عيني
أيام العشت وياك .. اناغيك وتناغيني
اشبيدي عايشة عندي .. من ذيج ليام اشباح

ياثغر الرضعت وياه .. الأخوة من ثدايا امي
ياوجه العلا بملقاك .. يزول وينجلي همي
ياروح الذي برداه .. ريحة والدي وعمي
جم دوب يبن امي .. دمع جاري وقلب ممرود
امني القلب يبن امي .. يمكن للديار تعود
ومن محرابك الخالي .. اسمع صوت اخيج راح

[بلاقيود]

حنيت ..
يجاسم اني شعر راسي من دما نحرك
بعد فرقاك ضلعن ضلع حنيت
شبيدي وانهدم بيتي عليه

[بلاقيود]

هوت عينه اعلى باب الدار
وراح بعيد يدير افكار
جن يشبه على المسمار
يعرفه لو شبه بس مار