...: احكي لنا حكايه :....

[iAhmad]

السلام عليكم...

8 صفحات وأنا اقرأها... وملامحي تختلط بالتركيز و التعجب والبسمة...

قصص حلوة....ما شاء الله عليكم....

اكثر قصة ضحكنتي قصة ابو نور....

وشكرا للحكواتيه الماما "سلسبيل" ولكل من اسعدنا بحكاية....

متابع...

جل التحية

[سلسبـيل]

حياك الله يالفانوص شحوالك (رجعت تاروتيه )
يالله اذا عندك قصه لو موقف صار لك وانت صغيرون اذكره لنا او من خيالك الكمبيوتري مافي مشكله ..
يعني يوم خربت جهاز التلفزيون وانت تفكر انك تصلحه اصلا هههـ
انزين الحين اي قصه ضحكتك ابو نور ذكر قصتين اكيد الي مات في المقبره وهو يابس من الخوف اصلا تخوف مو حليوه تقول بس المغامرات تضحك ..
وحياك الله في اي وقت

[iAhmad]

السلام عليكم ورحمة الله وبركاته

قصة عشان سلسبيل...بس ما فيها كمبيوتر :قليل حيا

------------------------------------------------------------------------

تعشينا والحمد لله وحان وقت القصة

قصتي اسمها "الفانوص و الاسنان"

طبعا هالقصة حدثت على 3 مراحل يعني 3 في 1 <<شامبو مو قصة.....المهم....اولها لما كنت انا في الصف الاول الأبتدائي...كنت ولد شيطون...وفي يوم من الايام كنت في الفصل وجاني احد الطلاب المحترمين وصار "يتعيلف" يعني يحاول مضايقتي...وكنت احاول اتجنبه بس "عمك اصمخ" ما في فايدة....ولما طفح الكيل..انا تهورت وما شاف الطالب الا و أيدي في الهوى وجاية في بوزه "طااااااااخخخخخ" بكس و مع هذا البكس طاح احد اسنان الولد الامامية وما شفت الا الدم في ايدي والطالب يصيح وباقي طلاب الفصل يطالعوني بنظرات قوية (كـأنهم يقولو وش مسوي هذا) وطبعا ما لبث الخبر إلا ان وصل للسلطات العليى "المدير " وطلبت انا للمدير وطبعا حصلت على تهزيئة محترمة خلتني اصيح لنهاية دوام المدرسة....(1)

الجزئ الثاني...كان بعد سنتين..يعني انا في الصف الرابع الابتدائي...ويومها كنت طالع للفسحة...وكنت يومها جوعان...ورحت للمقصف وكان زحمة...بس عشان الفطيرة ام جبن كل شئ يهون...المهم...بعد عناء طويل في طابور المقصف...حصلت على فطيرة الجبن ومعها عصير برتقال "يا سلام" ولما جيت افتح الفطيرة...جاني احد اصحابي الحلوين...وكان في ايده رمل... ورماه عليي وصار نصه في الفطيرة...وقتها ما شفتوني تلون وجهي...عصبت وصاحبنا يضحك ولا على باله...عاد انا ما تمالكت اعصبي....ومثل المرة الاولى...طخيته بكس في بوزه....وكالعادة...طاح احد اسنانه...وبطبيعة الحال الخبر ما لبث نص دقيقة حتى وصل للمدير...وطلبت للمدير وانا ارتجف...وانا في بالي ان هالمرة ما راح تعدي على خير...لما وصلت للمدير ونظرات الخوف بادية على وجهي...استغل المدير هذا الموقف...وصرخ فيني..."يعني انت ترضى الحين اجيب زرادية واشيل ضرسك"...المدير زاد الطين بلة..انفجرت انا بالبكاء...وهو بعده معصب ويصورخ...والطلاب يطالعوني من النافذة والخوف على وجوههم....المهم...بعد نصف ساعة من البكاء المتواصل وتخويف من المدير...انصرفت إلى فصلي...ونمت بقية الدوام...ومن يومها احسست بحاجة غريبة داخلي...واصبحت إنسان ما يدوس نملة... "مسالم" (2)


الجزئ الثالث بعد فترة من الزمن...."روح يا يوم تعال يا يوم روحي يا سنة تعالي يا سنة" اقتباس من الحكواتيه سلسبيل
وصلت للمرحة الثانوية...بالتحديد في الصف الثاني الثانوي...كان احد الايام المشمسة...وكانت الحصة حصة رياضيات...وكنت انا لابس ملابس رياضة...بعد انتهاء الدرس المقرف وبعده3 تمارين....انتهينا...وحزم الاستاذ اغراضه في انتظار نهاية الحصة...وراح وقف عند باب الفصل، وصار يتكلم مع احد الاساتذة وطلع من الفصل من ودن شعور...وطبعا بعد خروج الاستاذ قام كل الطلاب من اماكنهم...والكل يتكلم ويسولف...المهم...جاني احد الطلاب عند طاولتي وجلس عليها...طلبت منه يقوم عن الطالولة...رفض...وقفت وانا امزح معاه واقوله قوم...وبدون قصد..دفعني هذا الطالب..وسقطت على وجهي واحسست بألم في اوسط رأسي وحنكي....طبعا سقوطي كان مدوي.."مع اني مو متين" لدرجة ان طلاب الفصل سكتو وصارو يطالعوني..يفكرو حصل خير...بعد قيامي من على الارض بصعوبة...رأيت قطعة بيضاء صغيرة على الارض ولون احمر حواليها والطلاب يقولو لي "ضرسك طاح" وانا مذهول وش صاير....وطبعا الجاني ما تحمل الموقف...وجلس على كرسيي..."مرة ثانية" وطلعت بسرعة ومعاي 3 طلاب وانا في نصف صدمة ما ادري وش صاير حولي..وصلت غرفة الوكيل وطلبت الخروج..طبعا بعد تحقيق عن الحادث سمحو لي بالخروج...وكان احد اقربائي من الطلاب في المدرسة...مسكين طلعوه من فصله....واخذني للمستوصف...بعد ما وصلت للمستوصف وبعد الفحص الي صار...اكتشفت ان احد اسناني الامامية انكسر نصفه...واحد شفاي انشقت...وانا اسأل الدكتور في المستوصف وش هو الحل الحين...رد عليي بكل برود...يا انك تخلي الضرس كذا وهو مكسور...او انك تشيله وتصير "بدون"...في هذي اللحظة وقف قلبي...وطلعت من المستوصف وهموم الدنيا فوق رأسي...اخذت تحويل لمستشفى الجش...وذهب اسعاف وتم اسعافي وانتهى الموضوع...وضليت تقريبا سنة وشهر بضرس مكسور...لانهم اخبروني في المستشفى انه يمكني تركيب تلبيسة للضرس ويرجع كما كان...ولما وصلت ثالث ثانوي في الاجازة بين النصف الاول والثاني...عملت التلبيسة والي يشوفني الحين ما يعرف ان عندي ضرس مكسور وملبس(3) ..

جل التحية

[سلسبـيل]

يالله صباح خير (صار الظهر
الله على القصه حليوة وااجد عجبتني والحكمه منها (ان الله يمهل ولايهمل ) هذا جزاءك كسرت ضروس البشر نزين والحين انت بعدك مالك خلق وبسرعه تتعصب هذا على هالسالفه كورس التايكواندو زين لاصحابك عشان يتفادوك ويدافعو اعن نفسهم ....شكله الضحايا السابقين ساده لأن النتيجه قويه
اشكرك يالفانوص على الحكايه الجميله وللاسف اني ماقرأتها في وقتها بس يالله ان تأتي متأخرا خير من ان لا تأتي
يالله اروح اشوي السمك الحين واذا رجعت من الحج قلتها الى ولدي عشان يتعلم كم حركه

[Zain Ali]

سلااام

ههههههههههههههههه

اما قصتك يالفانووص فله ...

مرره حليوه

المهم نبي قصه ثانبه

حيوو

[أنوار الأمل]

اقتباس: المشاركة الأصلية كتبت بواسطة الفانوص   السلام عليكم ورحمة الله وبركاته قصة عشان سلسبيل...بس ما فيها كمبيوتر :قليل حيا ------------------------------------------------------------------------ تعشينا والحمد لله وحان وقت القصة قصتي اسمها "الفانوص و الاسنان" طبعا هالقصة حدثت على 3 مراحل يعني 3 في 1 <<شامبو مو قصة.....المهم....اولها لما كنت انا في الصف الاول الأبتدائي...كنت ولد شيطون...وفي يوم من الايام كنت في الفصل وجاني احد الطلاب المحترمين وصار "يتعيلف" يعني يحاول مضايقتي...وكنت احاول اتجنبه بس "عمك اصمخ" ما في فايدة....ولما طفح الكيل..انا تهورت وما شاف الطالب الا و أيدي في الهوى وجاية في بوزه "طااااااااخخخخخ" بكس و مع هذا البكس طاح احد اسنان الولد الامامية وما شفت الا الدم في ايدي والطالب يصيح وباقي طلاب الفصل يطالعوني بنظرات قوية (كـأنهم يقولو وش مسوي هذا) وطبعا ما لبث الخبر إلا ان وصل للسلطات العليى "المدير " وطلبت انا للمدير وطبعا حصلت على تهزيئة محترمة خلتني اصيح لنهاية دوام المدرسة....(1) الجزئ الثاني...كان بعد سنتين..يعني انا في الصف الرابع الابتدائي...ويومها كنت طالع للفسحة...وكنت يومها جوعان...ورحت للمقصف وكان زحمة...بس عشان الفطيرة ام جبن كل شئ يهون...المهم...بعد عناء طويل في طابور المقصف...حصلت على فطيرة الجبن ومعها عصير برتقال "يا سلام" ولما جيت افتح الفطيرة...جاني احد اصحابي الحلوين...وكان في ايده رمل... ورماه عليي وصار نصه في الفطيرة...وقتها ما شفتوني تلون وجهي...عصبت وصاحبنا يضحك ولا على باله...عاد انا ما تمالكت اعصبي....ومثل المرة الاولى...طخيته بكس في بوزه....وكالعادة...طاح احد اسنانه...وبطبيعة الحال الخبر ما لبث نص دقيقة حتى وصل للمدير...وطلبت للمدير وانا ارتجف...وانا في بالي ان هالمرة ما راح تعدي على خير...لما وصلت للمدير ونظرات الخوف بادية على وجهي...استغل المدير هذا الموقف...وصرخ فيني..."يعني انت ترضى الحين اجيب زرادية واشيل ضرسك"...المدير زاد الطين بلة..انفجرت انا بالبكاء...وهو بعده معصب ويصورخ...والطلاب يطالعوني من النافذة والخوف على وجوههم....المهم...بعد نصف ساعة من البكاء المتواصل وتخويف من المدير...انصرفت إلى فصلي...ونمت بقية الدوام...ومن يومها احسست بحاجة غريبة داخلي...واصبحت إنسان ما يدوس نملة... "مسالم" (2) الجزئ الثالث بعد فترة من الزمن...."روح يا يوم تعال يا يوم روحي يا سنة تعالي يا سنة" اقتباس من الحكواتيه سلسبيل وصلت للمرحة الثانوية...بالتحديد في الصف الثاني الثانوي...كان احد الايام المشمسة...وكانت الحصة حصة رياضيات...وكنت انا لابس ملابس رياضة...بعد انتهاء الدرس المقرف وبعده3 تمارين....انتهينا...وحزم الاستاذ اغراضه في انتظار نهاية الحصة...وراح وقف عند باب الفصل، وصار يتكلم مع احد الاساتذة وطلع من الفصل من ودن شعور...وطبعا بعد خروج الاستاذ قام كل الطلاب من اماكنهم...والكل يتكلم ويسولف...المهم...جاني احد الطلاب عند طاولتي وجلس عليها...طلبت منه يقوم عن الطالولة...رفض...وقفت وانا امزح معاه واقوله قوم...وبدون قصد..دفعني هذا الطالب..وسقطت على وجهي واحسست بألم في اوسط رأسي وحنكي....طبعا سقوطي كان مدوي.."مع اني مو متين" لدرجة ان طلاب الفصل سكتو وصارو يطالعوني..يفكرو حصل خير...بعد قيامي من على الارض بصعوبة...رأيت قطعة بيضاء صغيرة على الارض ولون احمر حواليها والطلاب يقولو لي "ضرسك طاح" وانا مذهول وش صاير....وطبعا الجاني ما تحمل الموقف...وجلس على كرسيي..."مرة ثانية" وطلعت بسرعة ومعاي 3 طلاب وانا في نصف صدمة ما ادري وش صاير حولي..وصلت غرفة الوكيل وطلبت الخروج..طبعا بعد تحقيق عن الحادث سمحو لي بالخروج...وكان احد اقربائي من الطلاب في المدرسة...مسكين طلعوه من فصله....واخذني للمستوصف...بعد ما وصلت للمستوصف وبعد الفحص الي صار...اكتشفت ان احد اسناني الامامية انكسر نصفه...واحد شفاي انشقت...وانا اسأل الدكتور في المستوصف وش هو الحل الحين...رد عليي بكل برود...يا انك تخلي الضرس كذا وهو مكسور...او انك تشيله وتصير "بدون"...في هذي اللحظة وقف قلبي...وطلعت من المستوصف وهموم الدنيا فوق رأسي...اخذت تحويل لمستشفى الجش...وذهب اسعاف وتم اسعافي وانتهى الموضوع...وضليت تقريبا سنة وشهر بضرس مكسور...لانهم اخبروني في المستشفى انه يمكني تركيب تلبيسة للضرس ويرجع كما كان...ولما وصلت ثالث ثانوي في الاجازة بين النصف الاول والثاني...عملت التلبيسة والي يشوفني الحين ما يعرف ان عندي ضرس مكسور وملبس(3) .. جل التحية

تشرفت الصفحات بطلتك أخوي الفانوص وأمتعتنا بالقصص
الحلوة >> والله وطلعت :قليل حيا قووووووووووي :كشافات:
بس الله ما يطق بعصا >> كما تدين تدان
تسلم أياديك على القصص وننتظر المزيد ...
تحياتي ...

[iAhmad]

حياكم الله أعزائي...ومشكورين على مروركم :)....

جل التحية

[أنوار الأمل]

يا هلا بالمتابعين للحكاااااااااااايا :حيو:
وينك خيووووووووه سلسبيل من زمان ما شفناك والله لك وحشة كبيرة أفتقدك صراحة
وتركتي فيني بصمة من حبك ... أتمنى تكوني بخير ...
من زمان ما حد بين في هالصفحات الحلوة فحبيت أحكي لكم حكاية صارت معاي ...
ذكرني أخوي الفانوص بقصصه الشيطونية بقصة حصلت لي يوم كان عمري خمس
سنوات >>> يعني شطانة بشطانة
المهم نبدأ بالصلاة على محمد وآل محمد وما يحلى الكلام إلا بذكرهم ...
( اللهم صلي على محمد وآل محمد وعجل فرجهم وأهلك أعدائهم أجمعين ) ..
في يوم من أيام الشتاء القارص وأمي العزيزة أم محمد مهتمة بصحة أولادها ومدفيتنهم
عن البرد وملبستهم ملابس خوووووووووش ضد البرد >> حلووووووة هذي ..
المهم كان وقت آذان المغرب وكنت ألعب مع خواتي >> وحده أكبر مني بسنتين
>>> ووحدة أصغر مني بسنتين ،، عااااااااااد كيف كانت لعبتي توقعووووووووووا ؟
كنت ألعب بأعواد الكبريت وأبغى أحرق خواتي >>> شيطووووووووونة خخخخخخخ
المهم كنت أركض وراهم وهم ينحاشون من طريقي عشان لا يحترقوا بالشخاااااااااط
وبعدين مروا بالقرب من البوتوغاز ( القز الأسود إلا يكون حق القلي والشوي ) ...
وكان موقعه على الأرض ومحطوط فوقه حليب بقر يغلي حق العشاء في صفرية كبيرة
فمروا خواتي بسلام وما صار لهم شي ...
ولما مريت بالقرب منه تشربكت ملابسي فيه وبعدين >>>> انكب الحليب كله على
رجوووووووولي ولكم تتخيلوا الموقف المحزن ...
صابتني بعض الحروق في ساق رجلي اليسرى :امايي: وما شالوا الملابس إلا عليه من سروال
وغيرها إلا الحرق طغى على رجلي أه أه أه ..
وتصوروا العلاج >>> معجون أسنان و صلصل طماطم >> كان أبويي يخاف من سالفة
المستشفيات ذيك الفترة وللآن يخاف ..
يالله جزات لعبي بالنار ، الحمد لله على كل حال ...
وألحين الحرق مبين آثره شوي في ساقي حتى صرت
ما ألبس ملابس قصيرة عشان لا يبين >> متعقدة شويااااااااات ...
ها ويش رايكم بالقصة الشيطونية ؟
إن شاء الله اعجبتكم ..
تحياتي لكم ...

[Zain Ali]

سلام ..

خيوه انوار .. ما توقعت .. احسج هادئه خخخ

بجد قصه مره اكشن

ثانكس

[أنوار الأمل]

اقتباس: المشاركة الأصلية كتبت بواسطة بنت العلي  سلام .. خيوه انوار .. ما توقعت .. احسج هادئه خخخ بجد قصه مره اكشن ثانكس

عليكم السلام خيووووه بنت العلي :حيو:
والله لك وحشة :بالحضن: غناتي
لا ...بس... هالموقف سويته وبعدها تأدبت
ومشكووووووووووورة على المتابعة لا عدمتك
تحياتي القلبية لك ..

[iAhmad]

هههههه وش هالموقف...شكلش شيطونة هذي جزات الي يلعب بالنار...

جل التحية

[أنوار الأمل]

اقتباس: المشاركة الأصلية كتبت بواسطة الفانوص  هههههه وش هالموقف...شكلش شيطونة هذي جزات الي يلعب بالنار... جل التحية

هههههههه ضحكتني أخوووووووووي الفنوص
>>> إنته بعد لك مواقف شيطونية >>> لا تنسى
شاكرة مرورك الجليل ,,
تحياتي القلبية ...

[هولك]

السلام عليكم ...

قصة الفانوص والاسنان ( وبالتحديد المرحلة الثالثة ) كنت موجود <<< لكن مو أنا المجرم ^_^

يالله يامشرفنا تعيش وتاكل غيرها ومبروك الضرس الجديد

[iAhmad]

حياك يا هولك....:)

"تعيش وتاكل غيرها" <<< فيه العافية....ما فيني شدة خلاص..توبة :)


جل التحية

[دانيال]

بناءا على الدعوة الكريمة من الأخت الغالية سلسبيل حبيت أشارككم بهالقصة المفيدة لينا جمعياً ان شاء الله

علماً بأنه يمنع قراءة الأطفال لا يتحلموا في الليل


كان جدي الحاج الوجيه المرحوم رضي الشايب قبل عشرات السنين هو المتعهد بالصلاة على الميتين و تلقينهم اذا حطوهم في قبورهم الله يحفظنا واياكم ...
عاد من ضمن السوالف اللي يحكيها لينا واحنا جهال ومثل ما تعرفوا الجهال يحبو يسولفو ويا الشيبان اجدادهم اقصد خاصةً اذا كانو الشيبان يحبو الجهال ... تمام
واللي عنده أجداد من هالنوع يعرف ... الله يحفظهم جميعاً

ما علينا ... ايه ... من ضمن السوالف اللي يحكيها في ايام شبابه يعني تقريباً هالسالفه قبل شي 50سنه واكثر ان واحد من تاروت توفى الله يرحمه وكان سئ السمعه عند جيرانه وعند اهل تاروت عموماً ما يحبوه لأنه يسوي اشياء مي عدله ..

هالرجال توفى وجو اهله الى ابويي العود وقالو له فلان مات دحنا بنوديه المغيسل بنغسله ونبغاك تصلي عليه وتلقنه في القبر ...

عاد ابويي العود قاليهم ان شاء الله وقام وياهم وطبعاً كانو اللي يشيعوه قلال بس اهله لأنه مثل ما قلنا سمعته مو كويسه والناس ما تحبه فما شيعوه ... كأنهم افتكو منه يعني ...

غسلوه وكفنوه وجا ابويي العود وصلى عليه وودوه القبر ونزلوه ... نسأل الله السلامة والعافية واياكم ...

جا ابويي العود وبدا يلقنه وطبعاً في التلقين فيه عبارات معينة يقولوها لرجال يعرفوها بحكم انهم يروحو المقبرة وقت الدفن ( النسوان والبنات سايلو عنها ضروري تعرفوها ... زين ... )

من ضمن الكلمات واللي يقرا لا يخاف لأن الموت حق وكلنا سايرين في هالطريق الملقن يقول الى الميت ويناديه باسمه ( يا فلان يا فلان يافلان ثلاث مرات ... اذا جاءك الملكان وقالا لك من ربك ... فقل ربي الله ... ومن نبيك ... فقل نبيي محمد صلى الله عليه وآله ويكمل شغلات ثانية ).

المهم نرجع لموضوعنا وكنا طولنا واجد واستمليتو

جا ابويي العود وقام يلقنه فقال له والكلام على لسان ابويي العود ( يا فلان ... يعني نادى باسمه وطبعاً الملقن لازم يقترب من راس المتوفي يكون جنبه على طول
... الميت سبحان الله رد وقال ( نعم )
رجع ابويي العود وقال ( يا فلان )
الميت يرد ( نعم )
ورجع مره ثالثه قال ومثل ما ذكرنا ثلاث مرات يناديه باسمه ( يا فلان )
الميت رد ( نعم )

وطبعاً الميت يرد بصوت خفيف يعني ما يسمعه الا ابويي العود ...

خلص ابويي العود التلقين ودفنو الميت وخلفو على الناس وطلعو من المقبرة ...

الحين عاد ابويي العود كتم الموضوع في نفسه وقال سبحان الله هالرجال هذا وش مسوي في حياته ... مو معقوله يرد وهو ميت ...

عاد ابويي سأل عن موضوعه واتقصى اخباره مزبوط وعلى قولتنا 100% وعرف الموضوع وعرف ليش الرجال يرد ...

طيب ليش الميت يرد ... واهنيه زي ما يقولو مربط الفرس )

يرد لأن الرجال متهوم زور وظلم وان الرجال كان من الصالحين المؤمنين والناس كلهم كانو ضده وكانو يتهموه ولا يسلمو عليه ولا يبغوه ... وهو مثل ما قلنا برئ وبالعكس رجال بينه وبين ربه مؤمن ورجال صالح ...

فالله جل شأنه يبغى يطلع ظلامته وحقه في الدنيا قبل الآخره وكأنه يقول يا ناس يا عالم لا تتهمو الناس جزافاً ولا تاخدو كلام الناس وانتون ما شفتو شي واتحققو بانفسكم ...

وهذي من عدالة رب العالمين

فانتبهوا يا اخواني ويا اخواتي مو اذا سمعتو حاجه تصدقوها على طول لازم تتحققو وتشوفو الموضوع وتتأكدو منه يأنفسكم وبعدين تبنو احكامكم ... مو كأني قلبت شيخ له

يقول الإمام أمير المؤمنين سلام الله عليه ( ما بين الحق والباطل أربع أصابع ... لا تقل سمعت بل قل رأيت ).

هذا والسلام عليكم ورحمة الله وبركاته ... اللي يبغاها ياخدها حق خطبة الجمعة ...

طةلت عليكم واااااااااااااااااااااااااجد حد حد حدي بس ما عليه استحملوني ان شاء الله تستفيدو من هالقصة الطويلة اللي اخذت يجي 20 ورقة من دفتر لمسطر :ضحكتني: