دعاوي أمهات لول

[القرمبع]

بسم الله

تدرون أو اسمعتون عن دعاوي أمهاتنا أيام زمان أنا بضكر ليكم بعض منها ونتون عليكم الباگي .

الأم الأول اتگول لولدها إذا حمگت عليه :

روح جعلك الحننه والمننه ورياح وبول امية سنه

روح جعلك قهر وسهر وعمى بصر

روح جعل ربي يكسر ساگك وينشف أرياگك

روح جعلك استضرابه بين أصابيعك :eek:

روح جعلك من گوم لا راحوا ولا جو :(

ورغم هاالدعاوي لكن نرجع ونگول ام داك الزمان أرحم من أم هاالزمان اسأل مجرب (( وجهة نظر خاصه لا يطلع ليي واحد ويشابگني ))

عندي وايد دعاوي من اهنيه الى لحضور بس بترك الباگي عليكم .

عندي سؤال وين المشرفين على هالواحه ؟؟؟؟؟


الگرمبع :ملاكمه:

[أم حُسين]

بس احنا عنا دعاوي غير شكل كلها صواقع و حرايق و كناور أمريكية بس الحين مقاطعينها وما يدعوا بها

[القرمبع]

بسم الله

مع الأسف يبنتي ريمي هاالأيام الأم صحيح ما اتدعي بدعاوي أول صدگ ...

لكن يبنتي ريمي الأم في هاالأيام حتى دعاويها صارت حضاريه كيف حضاريه ياالگرمبع ؟؟

أنا أگول لش يريمي ... الأم هااليومين إذا زعلت على ولدها اتگول له شوف حمودي ( حمودي يعني محمد ) إذا ما اتصير زين ترى أحرمك من الروحه الى مطعم ماكدونالدز ... ماأدري كتبتها عدل لوعلط ماعلينا ..

وبعد اتگول له إذا ما اتصير زين ترى أحرمك اتسافر مع الشغاله الى الفلبين ترى أخلي اختك الكبيره اتسافر معاها لحالها ...

((( خوش أم وخوش تربيه ))) بنتي ريمي والله لو ما أخاف من الناس ايملشوني _چان ضكرت لش سوالف اتشيب الراس عن أم هاالزمان .


ولكن أرجع وأقول لو خليت خربت

الگرمبع

[ليمونه]

طيب اسمعوا دعاوي امي العوده الا مادري من وين تجيبهم

حريقة ضو اتنضجكم
ياابليسة ابو مره
هيسه
طايرة الندبه
طاعون يتفتفكم
حريقه اتشب فيكم سريع مافيه بطى ... مادري ايش المهم ان كانت سريعه والا لا المهم بنحترق ههههههه
قوية اعيون
ام اعبر

هههههههه
وغيرها انتظروا اذا تبغوا المزيد اذا رحت الى بيت ابويي العود هالخميسيه
بقعد اعاند امي العوده واخليها اتسبني وادعي عليي وانا اسجل دعاويها وراح اجيبها لييكم
ههههههههههههههههه

وانشوفكم على خير

[القرمبع]

بسم الله

بنتي ليمونه انتفتي لروحش ترى هااليومين حر وايد وصيف والناس اتدور على اللومي انتفتي لروحش لاايعصروش ويسووش شربيت ويشربونش .

بنتي ليمونه اتأكد من يدتش عدل ونگلي الدعاوي عدل انداع بطنش من ريح يالبعيده مو انتين .

ما گصرتي بنتظار باگي الدعاوي من يدتش

الگرمبع :ملاكمه:

[باب العين]

اما احنا ما تدعي علينا أمنا ، كنا ادا رحنا سنابس في الحر ومرينا على السيبة ومايها نضيف ، تگول لينا اشربوا منها ترى عن دعاوي الام.

ومن داك اليوم صارت امنا تدعي لينا ، وتگول الله يوفگكم ، وعساكم السعادة ، وعساكم تعرسوا على نسوان حليوين يحبوكم.

وعساكم ولاد مطيعين وبارين بكم .

[القرمبع]

بسم الله

أگول يباب العين المكسور ودي أصدگ كلامك ... أما أمك ما اتعي عليك انته وأخوك م..... والله لول يوم احنا يرانكم نسمع دعاويه كل دعوه أكبر من الفانيه خل عنك الشلاليخ .

ويش أخبار الحواسين هاليومين ايگولو سمين وايد ويش رايك هالسبوع انروح نلگي ؟؟



الگرمبع

[باب العين]

ياليت ، ياليت عزيزي ، داك المنى لو يحصل نروح اللقية. والله جاهزين اللقايا ، بس عليك تجيب گبگب وتمر عليي.

[القرمبع]

بسم الله

أگول يباب العين أمر عليك بس شرط ما اتگول ليي نحدگ في خور دارين للحواسين


الگرمبع

[..صاحبة السمو..]

والله ضحكتوني على هادعاوي القويه وتعور القلب الله يساعد الي دعو عليه بهذي الدعاوي


اختكم .......صاحبة السمو.......

[dr_lonely]

حلوة هالدعاوي والله وأتمنى لكم التواصل أتمنى أن أكون عليكم عضو خفيف
ساند بيل

[ذو الفقار]

من الدعاوي اللي نسمعها من أمهات أهل لول :

خناگه تخنگك .

عساك سايبه دور بك .

نايبه ادمرك


وإذا طلبت منها اريال تگول : تمبى اريال عساك أم اريال تكسر ظهرك .

انشاء الله عجبتكم هالدعاوي

[ضـــوء القمــر]

حلو واااااااااااااايد الدعاوي بس قويه شوي

ضـــوء القمــر

[القرمبع]

بسم الله

أختي صاحبة السمو لاتضحكي وايد تالي ايعورش بطنش ويودونش التختر ويگضش ابراه .مشكوره اختي وعساش على الگوه .

ساندبل هاالاسم ايضكرني ابفلم كراتين ادا مانا غلطان ... هاديك الصحفيه صح ؟؟

ذو الفقار خوش اسم بس انتفت للناس لا اتدبحهم مسرور ابتعقيبك .

ضوء القمر لو امسمي روحك ضوء الشمس چان أقوى بس يالله هم ضوء القمر زين فيه الهدوء والجو الشاعري .:)


الگرمبع :ملاكمه:

[طيف]

رائع جدا جدا يأخ القرمبع أنشاء الله نشوف المزيد

أختك طيف :عروسه: :فرفشه: