شاركنا....أطباقكم في شهر رمضان

[نورت دنيانا]

السلام عليكم ورحمة الله وبركاته




مساء الخيرات والبركات ..متباركين ياأعضاء بالشهر الفضيل ..أسأل الله أن يبلغنا وإياكم وجميع المؤمنين صيامة وقيامة و أن يجعلنا من المرحومين ..

طبعا كعادتنا السنوية نفتح هذه الصفحات الملونه بأطباقكم وإبداعاتكم المطبخيه وماتجود به سفرتكم ..إن شاء الله تكون صفحات عامرة خبرات متبادله...

وهذي بعض الأطباق من فطورنا ..



وهذي حشوة السمبوسه قبل اللف



وهذي بعد اللف



وهذي بيتزة البيض


وآخر شي عصير الفواكة قبل التقديم ..للأسف ماصورته بعد التقديم



وبس ننتظر ابداعاتكم

[القلب السليم]

ياااسلاااام تسلم يدك ...مشهي مرة ..

وشو طريقة الصورة الثانية ...!

بالعااافية عليكم ..
وكل عااام وانت بالف خير ...

[القلب السليم]

عاااد اسمحي لينا نورت دنيانا ..
ما ادري كيف حجم الصور ..هههه
تقدري تحرري المشاااركة وتعدليهم اذا حجمهم مو لهنااك...

[ياوديعة علي]

عوافي على قلبكم والله يعطيكم العافيه

[نورت دنيانا]

اللهم صل على محمد وآل محمد

ماشاء الله عليكم بالعافيه ..

القلب السليم طلع الإنجاز قيمات بنجاح..

ياوديعة علي فن وترتيب الله يسلم الأيادي..

[ياوديعة علي]

الله يسلمك نورت
اني مو مصدقه عيوني اشوف طباخ ام زينب تشوقت آكل منه صراحه

اليوم ماسويت طبخات بس ثريد فقلت اتفنن بالشوربه الي نفسي فيها

وتحتاج اعداد شوي بس تستاهل والله لكن ماتناسب رمضان


قلت ماببخل عليكم فيها وبنقل لكم الطريقه

اول شي العجينه وهي السر الي يخليك ادوخي على الشوربه ماتتحملي ماتاكليها

لانه هالنوع من الخبز مو متوفر عندنا بسهوله
لقينا طريقته من النت

اول خطوه
سويها باليوم الي قبل
[IMG][/IMG]

اساس العجينه الحامضه وطريقته
كوب طحين وكوب وربع ماء وملعقتين سكر او عسل ووربع ملعقه خميره وخلطيهم ودخليهم الثلاجه ليوم ثاني بمده لاتقل عن ثمان ساعات
[IMG][/IMG]

بعد ماتطلعيها من الثلاجه
تضيفي لها كوبين طحين والباقي حسب الحاجه وثلاث ارباع ملعقه صغيره خميره وملعقتين صغار ملح
نعجنها زين لين نحصل على عجينه ناعمه وكدا تشكلينها وتخليها تخمر ساعه
ادهني طوايس صغار بالزيت والطحين وحطي قطعه مكوره من العجينه بحيث تكون اصغر من الطاسه لانها بتخمر وبتكبر
بعد ساعه
حمي الطاوه او الصينيه وقلبي العجينه فيها وشرطيها بالمشرط
وادهنيها بنشاء مخلوط بماء
ودخليها الفرن فرني حار خليت النار هاديه والشبك وسط بس تحت ماشغلت من فوق
ولما تحمرت شوي دهنتها ببيض مخلوط بزيت ورديت دخلتها لين صارت حمراء ذهبيه كامله
وحطت شريحة جبن عليها وطفيت النار وخليتها بالفرن ترتاح نص ساعه وبعدين طلعتها وقصيت الجزء الي فوق وحفرتها وخليتها بوجه التكيف حتى تيبس
والي شلته حمرته بالفرن
للزينه
[IMG][/IMG]

طريقة عمل الشوربه
المقادير
بصل
قطع دجاج مسحب
كوسا
بطاطا حلو او هندال الي تسموه
نخج مفلق او دال او عدس كبار الي تسموه
كويكر
طماطم
ماء وملح وبهار
الطريقه
حمرت البصل مباشره مع الدجاج والخضار وقلبت مع البهار والملح والكويكر وصبيت الماء واضفت الدال
خليها تطبخ على نار هاديه بعد ماتغلي
وقلبيها من فتره لفتره حتى لايلق الدال بقاع القدر
وبس تدوري الملعقه تلاقي كل شي انطحن وياك ماعدا الكوسا يعني استوت
اسكبيها وقت التقديم وصبي عليها زيت زيتون
صراحه
ماكانت تدخل مزاجي غير شوربة الول هههه بس غيرت رأي لما صرت اجرب الشوربات
وبس يالله جربوها لاتفشلوني

[القلب السليم]

شكرا نورت وشكرا وديعة ....

وديعة ......عليكم بالعاااافية ...شكلها الطريقة صعبة ..

[تمسحك جرة قلم]

هذا الي فالحييين فيه

بس تحرمصونا بهالزين

كأنكم ما تعرفون بيتنا وينه


دخيل الله صحن قيمات ع الطاير

زين عاد ودوا لينا صحن قيمات في مسجد الإمام علي عليه السلام الليلة راح أصلي فيه ونذوق طبخاكم

وبعدين نحكم على فنكم في الطبخ

[الزهراء عشقي]

[نورت دنيانا]

عليكم بالعافيه ..

قلوب ..طريقة الطبق .. بيتزة البيض

نكسر في المقلاة كمية البيض المناسبه , وبعدين تضيفي عليه البهارات والملح ,وقطع الطماطم ولفليفه والزيتون وتتركيه على النار يتماسك , وبعدين تدخليه الفرن بس تحمري الوجه ولما يتحمر طلعيه وحطي عليه الجبن أني استخدمت جبن سلايس وترجعيه مرة ثانيه للفرن يتحمر الوجه وبس..
إن شاء يكون واضح

[نورت دنيانا]

خبزات البيـــــــت

نحشيها باللبنة والزعتر

[نورت دنيانا]

قوالب التمر

سنبون

[محد راح يضاهيني]

ما شاء الله
سُفرة داايمة يارب
المهم
أني معزومة عدكم
ما أبغى فطور بس حلى

[ياوديعة علي]

عوافي على قلبكم

[القلب السليم]

ياااسلاااام ...

بالعااافية عليكم ...

وتسلم الايااادي ..