يـُمــه . . . أدري أحيان واجد من وجودي تستـحين

[الحنان كله]

ماهو ذنبي
يوم ربي حطني بعالم إعاقة

ماهو ذنبي يوم ربي حطني بعالم إعاقة

أدري يمه أحيان واجد من وجودي تستحين

ناس واجد - ناس تحلم - ناس تتمنى وتبي

وأدري مثل الناس يمه كنتِ إنتي تحلمين

كان حلمك . . . .
طفل ينده ، يمه شوفي

شوفي يمه

( أوجعك ) وانا اتحرك داخل احشائك . . جنين . .

وانتِ حامل فيني يمه . . الألم يغلب عليك

ولما يطري الحلم لحظة

كنتِ يمه تفرحين

كان حلمك يمه طاير في فرح

كنه يقول :

باكر وليدي يجي . . يكبر . .

وأنسى . . الونين . .

كنتِ بلسانك تقولي :

راح يصير . . . . و راح يصير . . . . . . .

و راح يصير . . . .

مره ضابط ~ لا لآ . . مهندس . .

يمه كنتِ تحلمين

يمه كنتِ تحلمين

و انقطع حلمك . . يايمه . .

( لحظة الآم الولادة )

لما قالوا لك :

معآآآآآآآق

قمتِ يمه تصرخين

مات حلمك ِ

إيه أنا ادري

ماتت أحلام السنين . .

مات حلمك . .

مالي ذنب يموت حلمك
وأنتِ أصلاً تعرفين

حتى أبسط حلم عندك إنحرمتِ..

قول : يـــمه

و أدري إن كلمة ( يايمه ) ..

وش كثر ..كنتِ تنطرين

وأنا
انحرمت أبسط حقوقي..

لآربع … لا أصدقاء

عالمي كله إعاقة . .

عالمي كله ونين . .

الله اللي قدر إني أبتلي بهذي الإعاقة..

و بالصبر يمه الأجر عند رب العالمين.. إ

صبري يمه عشاني

إصبري ، والله كريم . .

والله
إن الموت أرحم ..

قبل أشوفك تدمعين ..
قبل أشوفك تدمعين ..

سفير المعاقين

الشاعر الكويتي . . عبدالكريم العنزي

[الحنان كله]

ليس المعاق معاق العقل والجسد ، إن المعاق معاق الفكر والخلق !

[الزهراء عشقي]

آللهم صلٍ على محمد وآل محمد
،
غاليتي
لكِ ريشه ترسم الابداع
رسمتِ لنا لوحه من الجمال لا يتقنها الا نبضكِ
رغم الالم النازف .. الا انكِ ابدعتِ بكل حرف هاهنا نثر
سلمت اناملك على هذا النثر الاكثر من رائع

لا عدمنا طلتك الراقيه
حماكِ ربي

[الحنان كله]

اقتباس: المشاركة الأصلية كتبت بواسطة الزهراء عشقي   آللهم صلٍ على محمد وآل محمد ، غاليتي لكِ ريشه ترسم الابداع رسمتِ لنا لوحه من الجمال لا يتقنها الا نبضكِ رغم الالم النازف .. الا انكِ ابدعتِ بكل حرف هاهنا نثر سلمت اناملك على هذا النثر الاكثر من رائع لا عدمنا طلتك الراقيه حماكِ ربي

لا عدمنا تواجدكِ في متصفحي لكِ ولي قلمك كل التقدير والأحترام