حلوى من عمان

[أم حُسين]

ويش حالكم يا أجاويد..
عندي ليكم سويلفة مو من زمان وايد يعني يجي 20 سنة..
يا طويلين العمر هذا واحد بحار رايح يصيد سمج و وياه بحاحيره على البحر في السعودية و كان داك الوقت شتا و هم عاد مقرقفين من البرد و قعدوا من الغبشة يتريقوا على ديك حليبة البقر الصاخنة وياها خبيصة...و كان وياهم ناس من عمان..
النوخذا القطيفي قال ليهم:
والله الحين مع هالمرابعين الواحد شافي على حلوى و خبز خباز..

رد عليه العماني:
أنا أجيب لك..

و قام الريال يضحك مع ربعه..المهم غب الريال حوالي خمس دقايق بالكفير و ماشافوا الا وهو معود و عنده خبز خباز صاخن توه طالع من الفرن و الحلوى الحمرا تلهب..

طبعا الريال انرعب و ما مد ايده أبد لفطور الينانوه..

[ملامح مقروءة]

[ALIGN=CENTER] بسم الله الرحمن الرحيم[/ALIGN]

يا ساتر ..

قصة جميلة .. يا ليت نلاقي لنا جني و نطلب منه إللي نبي ولا بنخاف منه ولا شئ
بس هو يجي

شكراً أختي الفاضلة ريمي

ملامح

[أم حُسين]

خلي بس اليني يطلع و أنا أوريه..

[نوري]

السلام عليكم ورحمة الله وبركاته
اجل اخر شي طلع يني... خفت مرة ثانية لا اتقولي الينا قصص اتخوف
تسلمي خيووه على القصة

[أم حُسين]

نوري
هو مو يني.. الرجال انسي بس عنده اتصال بالجن..