ابتعاث الطالب السعودي منحة ام محنة..!!؟؟

[روح المسك]

سعد شاب يسكن في قريه صغيره,, لديه حلم ان يبتعث بعد التخرج من الثانويه العامه للخارج,, لأكمال دراسته الجامعيه,,
لديه طموحات كثيره وامال كبيره ,, لكن هل يستيطيع مواجهة التغير اللذي سيحصل في حياته ,, من قرية صغيره ,شبه معزوله عن العالم إلى خارج الوطن في قفزه واحده حيث الحضاره والتطور والحريه الكامله,,
هذا ماسنكتشفه في احداث القصه..

المشهد الاول
سعد امام اللاب توب يبحث عن موقع لتسجيل للابتعاث,,
يجده يسجل ويكمل بياناته ,, بعد ان انتهى يتحدث مع نفسه هل من الممكن اكون سفير للوطن كطالب علم,,

**********

المشهد الثاني
المكان: الاستراحه
سعد يدخل على اللاب,, ويجد اسماء المقبولين للبعثه الى امريكا قد ظهرت ويتفاجأ انهم رازين اسمه معهم ..
سعد : ياعيال باركولي باركولي قبلت بالبعثه..
محمد : مبرووك مبرووك والله تبي تفلها يالتسلب يقولون الحريم برا مايتغشن ..
خالد : مبرووك وانت يامحمد وش تقول الله يرحم الغشوه يارجال يحلفون ان الحجاب بس شعر الراس والباقي دلاعي .. >> يقاله فااهم الكفت خخخخخ
سعد : الله يبارك فيكم ويتتممها ع خير,, ويكفيني شر نفوسكم..
قام خالد وطلع ذاكرة جواله وعطاها سعد ..
خالد : هاذي ذاكرة جوالي 1 قيقا ابغاك تعبيها لي مقاطع ثقافيه ..
سعد : ابشر بعزك .. بعبيها لك مقاطع ترفع من مستواك الثقافي .. ياشيخ ولا معسكر تدريبي مع منى امارشا ..

************
المشهد الثالث ..
المكان : المطار ..
خالد ومحمد معهم استريو شاقلينه على ظهورهم ومشغلين وداعيه صجوا العالم ..
وخالد صاح صاح حتى آخر شيء قام يسعبل ويحط بعيونه جفت دموعه على فراق سعد .. ويهشم وهو يقول الذاكره ياسعد لاتنسى الذاكره ياسعد..

***********
المشهد الرابع ,
المكان : الطائره
سعد يدور كرسيه ولقاه بسرعه وانقهر ..
يبي يتميلح على المضيفه يعنني مالقاه وانتم خابرين وش يبي السعودي من ورا هذا كله ..
سعد : سعد التفت جنبه ولقى جنبه واحد لابس جينز وتي شيرت عليه شخابيط العالمين ,,

سعد : افكورس .. بليز وير آريو قفرمنت ؟؟
ابو جينز : هاه؟؟

سعد : شكل ثقافتك الانجليزيه لايمكن الاتصال بها الآن.. ياعالم متى تدركون ان اللغه الانجليزيه هي الآن اهم حاجه بالدنيا..!
ابو جينز :بالله عليك؟ اجل طبعا وين الحكومه؟؟

سعد : شهق وعرف انه انقفط وقال ياولد تلايط ..

جت مضيفه تمشي وسعد يربط الحزام حتى عصر بطنه وبغى يفطس وهي ماجت وازرى يفكه ..
قام ابو جينز وفكه له وهو ميت ضحك .
سعد بينه وبين نفسه: لاعاده الله من تميلح بغيت افطس..
ابو جنيز التفت على سعد ,,
ابوجينز : ياخي ليتنا رحنا بخطوط ثانيه ياخي اقل شي ندرنكها ويمشي الوقت بسرعه ..
سعد : عاد والله يمديحون الخطوط السعوديه بس شكل اللي انت تقول ذولي عندهم قدوع طيب ..
ابوجنيز : قدوع .!! ايه عندهم رطب بعد يحبه قلبك خخخخخخ,, انت اول مره تسافر ..!!
سعد : ايه اول مره اطلع من ديرتنا وطلعت مره وحده برا المملكه
ابو جنيز : بالله.!! وعلى طول امريكا مره وحده اجل مرحبا بك في عالم الدشاره عزيزي!!
سعد : اعو ذبالله وش دشارته ان شاءالله بجيب الشهاده وارفع راس ابوي

**************
المشهد الخامس
المكان :ولاية فلوريدا مدينة ميلبورن _ المطار
سعد : الحمدلله والشكر ع السلامه مابغينا ناصل اخيرا ماني مصدق انا هاللحين بمدينة ملبورن بس مدري هي ملبورن ابيض ولا احمر..
ابوجنيز : عسى مامعك برامج ماهب اصليه فاللاب توب ترى فيها سجن هنا ..

سعد : الله يستر شرهتك ع اللي يعرف هي اصليه ولا تقليد..
ابو جنيز : والله تبي تاكلها ,,اهم شي لاترتبك يمكن مايفتشونك..
سعد : يالله تزينها ولا تخربها على الشعب كله,,
مضوا باتجاه التفتيش ومع كل خطوه يخطوها سعد كانت تزيد ضربات قلبه،،
وصلو لتفتيش لقى سعودي امامه,, وسعد يقول لرجل الامن هي از ماي فرند,, السعودي قعد يبتسم ويقول فكني من شرك انت وصداقتك,, فتحوا جهاز السعودي لقو خلفية الشاشه اسامه بن لادن ,,
سعد : ابو شكلك يابن اللذينا ,,
وهم يخمون السعودي ويلتفت ع سعد قال انت صديقه
سعد : اوووه شت اووه شت تيروريست نو ماي فرند ,, ذفيس بلاك ذفيس يعني الوجه من الوجه اسود زي اللستك طال عمرك ,,
فتشوا سعد بس ماافكرو بالبرامج وفكه الله ..

***********

المشهد السادس
المكان : منزل جراهام
قبل ان يصل سعد لمنزل جراهام كان احد الطلاب مضبط له السكن مع العائله اخذ العنوان وذهب اليهم,,
عند دخول سعد المنزل بدأ جراهام يعرفه على افراد اسرته المكونه من ثلاث افراد,, زوجته جيسيكا وابنته إيمي عمرها 21 (فيس يغمز)
سعد انصدم وفتح بوهته ولايدري كيف بعيش بهاالبيت وفيه هالمزيونه,,
مادرى الا جراهام يناديه بيعرفه باهم عضو بالاسره الكلب بولو,, ويجيه الكلب يقعد يتحكك فيه وهو يقشعر جلده ويعطيه سعد بوز يوم قام الكلب يتلوى وسط صدمه من الجميع,, وجراهام يقعد يصارخ يو كريزي يو كريزي ويطلع المسدس ,, واطلق النار على سعد وهو يدنق ع الرصاص ويزبن الباب,, ويقول افا والله ماهقيتها منك يبو ايمي ويحط رجله يمشي مليون لين طلع عن الحي كله ,,

************

المشهد السابع
سعد صار له ست ساعات يمشي ولا يدري وين يروح ولايعرف يهرج مع العالم,, وفجأه شاف ذاك المحل اللي انواره خافته ومكتوب عليه بار ودخل فيه..
سعد اول مادخل زبن اقرب كرسي فاضي وجلس جاه النادل,,
النادل : وت يو درنك ؟؟؟
سعد :الله يدرنكها بخير هذا وش بقوله هالحيين,, أي دو لايك كفي بس كثر المسمار لاهنت
النادل: وت !؟؟
سعد يسمع ضحكه بجمبه وصوت يقول ياهلا والله بسعوديا أريبيا ,, اجل كثر المسمار خخخخخ
سعد وتقل طايحن عليه من السما,, ولا تقول هندي مسلم شايفن سعودي بالهند وقايله انا من مكه وبجمب الحرم ويقعد يحبحب راسه ..
سعد : ياخوي الله جابك هلب مي تكفى
السعودي : ياخوي خلاص لاتبسي وصلت ابشر بعزك ,,معك مجزع وينادوني هنا ابومايكل وش قصتك انت وش جابك هنا..
سعد: ياخوي انا طالب مبتعث وجيت بسكن مع عايله وضربت كلبهم,, وراعي البيت طلع الله بالخير, وقام يطلق علي الرصاص
ابو مايكل : اجل طلع الله بالخير,, لا والله انت اللي الله بالخير ثلاث مرات ثنتين بالليل وحده بعد العصر ,, خبل انت الكلب اهم من عيالهم هنا
سعد : ياخوك انا وش يدريني لكن انت اللي وش قصتك هنا
ابو مايكل : انا جاي ادرس بس اكتشفت ان البزنس اهم من الدراسه,, وسحبت ع امها ,,واتصلت ع اخوي وقلت له يبيع الكامري ويحولي الدراهم ,,وبطلع ع اندوونيسا وابحط لي مرقص واشتري لي بيت ,,واحط راسي من راس ريسهم طراه انها رخيصه

سعد : ماعلي من افكارك اهم شي وش السواة بوضعي..
ابو مايكل : شف يالحبيب كل مشكله حلها الشراب,, انت بس اشرب وتزين امورك..

سعد: ياخوي اشرب وليه مااشرب لوتجيب لي حليب بقر شربته ,صدز انه منقود عندنا بالديره نشربه بس ماهي مشكله,,
ابومايكل : وش اللي حليب بقر صادز انت من عقلك ولاتستهبل ,, ابيك تشرب من هذا (فيس واحدن يرفع البطل)
سعد : وشووووو منكر لاوالله مابقى الا هي ,, حنا بالديره قاطعنا البقاله حقتنا عشانهم يبيعون بايسن تبيني اشرب منكر ..
ابومايكل: الله يلعنك بس اسكت ذكرتني بالسعوديه وفككت جوي..
سعد : حتى لوتنازلت عن مباديء وش يضمن لي ماافقد واجيب العيد ..
ابومايكل : يارجال اشرب وماجاك عندي عيال الحمايل مايفقدون ( صوره مع التحيه لواحد من الزكرت لا قام يقربع,, قعد يهايط عيال الحمايل مايفقدون خخخخخ ويحلفون ذيك الساعه مضيع اسمه ههههههه)
سعد : لا ياخوي دور لي حل غيره..
ابو مايكل : يارجال والله اني عارف انك ماانت كفو شراب,, لكن شف ياشنب عشان احطك بالصوره اكثر وتفهم صح ..هنا لازم يكون لك جوّك عشان تقدر تعيش وعشان يحترمونك الناس ..
بالسعوديه مثلا الله لايذكرها بالخير .. انك تكون كريم وراعي فزعات وراعي مواجيب وتذبح وتصلخ وفندق للحموله لاطبوا الرياض ..
هنا .. لازم تصير راعي شراب ولك صديقه عشان ماينقدون عليك الرجاجيل .. كبر الجدار ولا عندك قيرل فرند؟؟
يعني انا بسنعك ابخلي الامريكان يحترمونك ابخلي تمثال الحريه يدق لك تحيه ..
اول حاجه لازم نشبك لك بنت ولا تقولي ارسلها رساله خاصه ولا اقيّمها ثم اطلبها صداقه وكل مانزلت موضوع ارد فيه وبس بملفها واقتبس ردودها واقول +1 .. كل شغل سعوديا انساااااااااااااااه
هنا كل ماتصير نشيط ومفتول العضلات وعريض المنكبين شلولخ ورجال ماتتعب وتطيّب الخواطر بأي حزه كل ماتكون فرصتك اكبر وترا لازم تدخل بكم هوشه لو انك تصفق عادي بس اهم شيء تكوّن انطباع عن نفسك انك قوي وقلبك ميت .. ترا شغل اشحن لي وحاسب عني مايمشي هنا زي ربعك ..
اقول ياسعد ..
سعد : سم
ابو مايكل : ايمي مزيونه مره ولا نص نص؟؟
سعد : جرررررررررررررح قطططططططعه ملعونة الوالدين .
**********
يتبع

[روح المسك]

المشهد الثامن
سعد وابومايكل يمشون باتجاه بيت جراهام ويحملون صندوق شراب ,, يدخل مايكل وينهي المشكله اللتي حدثت ويشرح الموقف لاابو ايمي وسعد عيونه بس تلاقط خايف تجيه رصاصه ولا شي
جراهام : اوكي اوكي نو بروبلم
سعد : أي والله اوكي ولا ثم لا بروبلم
سعد يوادع ابومايكل ع امل انه يلتقون فيما بعد

المشهد التاسع

بعد مرور شهر وكم أسبوع كون سعد علاقة مع الأسرة كلها وتعرف عليهم جيداً مع الأب والزوجة والابنة ، وكان تعاملهم لطيف وأصبحوا جميعاً مثل الأصدقاء له ,,ودراسته في المعهد ماشيه ولغته بدأت تتحسن ,
سعد كان يشوف صديق ايمي كل ليله وهو عندها وهو مو قادر يصبر وهو يشوف هالمزيونه
وفي ليله تزاعلت ايمي مع صديقها ضبطته خاينها مع وحده..
لقاها سعد تبكي
سعد :وت هابن
ايمي : الذيب بالقليب ياسعد ( طبعا سعد اخذ من ثقافتهم وهم اخذو ثقافته لاتستغربون خخخخ)
سعد : نو نو الذيب فالقليب وانا مووجود
ايمي شرحت السالفه لسعد كلها وقالت انا لازم اخونه مع احقر شخص عشان ينقهر,,
ومن شان كذا انا لجئت لك ..
سعد : اصلن انا بالسعوديه كانو يدلعوني الواطي
قام سعد وصك الباب يبي الجو يضبط وجاب له كم شمعه ..
سعد : ممكن اطلب منك طلب
ايمي: افكورس
سعد : انا لابغيت اخش جو رومنسي اتذكر بنت عمي صيته وكنت دايم اغني اغنيه ابيك تغنينها
ايمي : اوكي نوبروبلم
سعد يالله قولي معي
يامل قلب بنات البدو تلنه--- وانا على دربهن سرداد مردادي
احب بنت تسوق السقس والدنه—ياجعل يفدا البنيه كل سرمادي

المشهد العاشر
سعد في وسط الجامعه يتمشى ومعه واحد من اخوياه سعودي يدرس معه وشاف وحده مزيونه
سعد : شف شف هالمزيونه ياويلي ويلاه هذا الحب اللي يقولون من اول نظره
خويه : اقول تلايط ترى ذي انت حبيتها قبل شهر بس صابغه شعرها

مع هالكلام الا يسمعون صوت انفجار وناس تكبر وتقول الله اكبر والعزه للاسلام
سعد يلتفت على خويه
سعد: ماشاءالله على المسلمين الفتوحات وصلت امريكا
خويه: حط رجلك ذولا تنظيم القاعده
سعد وهو مبقق عيونه من الروعه ..
الا يشوف واحد طالعن من نص الدخنه وهو لابس عسكري ومتعمم بشماغه ولحيته وشعر راسه مسوين دويتو متشابكااات وهو يكح ويقول لابارك الله فيكم من تنظيم بغيتم تذبحون القايد ياكلاب ..
على هالكلام والجريه الا واحد من جنود القايد حذف عليه علبة موية صحه والقايد يتناول رشاشه ويرميها وهي بالهوا الا هو مفتتها سبعين قطعه وهو يتمسمس ويقول عرفتوا ليش صرت انا قايد.؟؟ عطني وحده ثانيه ذي كنت اجرّب فيها مهاراتي ..
ويعطي اوامره للجنود بخطف رهاين والانسحاب التكتيكي بس انه لزم عليهم في انهم يعدلون وينوعون بحيث يخطفون اثنين عيال وثمان بنات ..
قشوا الرهاين وانسحبوا من المكان بأنفاق حافريها تحت الارض قبل العمليه بست سنين (واضح انهم متحمسين من بدري اجل انفاق وآخرتها رهاين خخخخ)

سعد كان من ضمن الشابين اللي خطفوهم مع ان واحد مع جنود القايد يقول ان هذا بوهته بوهة ضب من ضبان الصمان والقايد يقول اشقله بس ضبان الصمان خليناهم بالرياض وش يجيبهم هنا يالذهين ..

******************

المشهد الحادي عشر

غمموا الرهاين ومن ضمنهم سعد ولا يدري وين ودوه..
بعد فتره .. فكوا الغطاء عنه الا هم وسط جزيره من جزر هاواي ..
على هالكلاام سمع القايد يقول اجمعولي الرهاين وخصوصا الرهينات لبا قلوبهن ..
اجمعوهم وسط برحه والقايد على المنصه ..
القايد : السلام عليكم دار قوم مؤمنين انتم السابقون وانتم بعد اللاحقون ..
سعد : الله آبووك يالجريه من انت ووش تبي بنا
القايد وهو يفرك آذونه برصاصة الرشاش : هااه ..! انا تسني سمعت نغيط سعوديا اريبيا .. ياربيييه وش جابه هنا هالحين .. محسوب علينا رهينه ولا احد طق له خبر ..!
القايد : أي كلب سعودي هنا يسمعني نباحه ..
سعد : انا السعودي ياجريه يانكبه الله ابو شكلك..
القايد : والله والكوبه والله ماقالت وش جابك معنا ياللزقه؟ الا تقطون يالسعوديين في كل شيء؟؟

سعد : انا جابتني القراده وحظي الشين .. انت من؟؟
القايد : هههههااي ..انا ابو الوليد .. يعني يصير بطل القصه علي بطل القصه حسين عندكم دوري ولا ماعندكم طالع طالع وقاط قاط ..

سعد : ياخوي فكني من شرك ماابي هدايا
ابو الوليد : انا ماني فاضي لك هالحين بروح افتح المسن اشوف اوباما قبل الاضافه ولا لأ عشان اقوله عن مطالبنا ..
سعد : وانتم وش مطالبكم ..
ابو الوليد : والله ابد بس نبيهم يفكون معتقلين قوانتونامو وابيه يدخلني انفايت مع هيلاري كلنتون ودي اضيفها باللهي به..
سعد : ياكبر شرهتك
ابو الوليد .... ... وطلع من خيمته لاهو جاز اللحيه والشنب موس ويقول للجنود انا متنكر بروح وارجع لكم بس لازم اخذ معي هالرهينه عشان احمي نفسي ا ويوم ابعدو عنهم ويتصل يبلغ عليهم ويلتفت عليها قال لعيونك يالحلوه بعت القضيه وبعت جنودي

*****************
المشهد الثاني عشر
الاف بي اي والسي اي ايه يداهمون الجزيره ويلقون القبض على جميع من فيها ولقو سعد اللي كانت جنسيته تكفي لجعله مجرما وارهابيا في تنظيم القاعده

********************

المشهد الاخير
صورة سعد ع احد المنتديات يناشد الحكومه السعوديه بانقاذه من تهمة الارهاب المنسوبه اليه

القفله

وهنا أنتهي أنا ولكن قصة سعد وكثيرون مثل سعد لم تنتهي ..
هل كان سعد وغيره جناه؟؟ ام ضحايا ؟؟ ألا تتفقون معي وقد يختلف البعض ان سعد وامثاله هم ضحايا وجناه في نفس الوقت؟؟

دعونا نتكلم عن الشريحه المستهدفه في الاونه الاخيره من برامج الابتعاث وهم حملة الثانويه العامه ممن لاتتجاوز اعمارهم التاسعه عشره وهي اخطر مرحله لتكوين الذات والفكر,,
انا لست ضد الابتعاث ولا يكون ضده شخص عاقل..
لكن راينا الكثير ممن ذهبوا وليس لديهم خلفيه عن المجتمع اللذين هم ذاهبون اليه سواء ألمام بسيط لايكفي لامن حيث اللغه ,, ولا من حيث العادات ..
ايضا هل توافقونني الراي ان طلابنا في الغرب يواجهون ازمة ثقه ,, واننا نحن بنظرهم مصدر الارهاب ..
هل توافقونني الراي ان مشكلة الانحلال الاخلاقي هي اخطر المشاكل التي يواجهها المبتعث من انتقاله من مجتمع مغلق إلى مجتمع مفتوح !!...
ما سبب هذا الإنحلال الأخلاقي لبعض المبتعثين ؟؟؟
هل هو انحلال أخلاقي فعلا ؟ أو تقليد أعمى ؟ أو سوء تربية منذو البداية ؟ أو هو نتيجة حتمية للكبت الموجود في مجتمعنا كما يقول البعض !! ...

مع انطلاق المرحله السادسه لبرنامج خادم الحرمين الشريفين للابتعاث ,, اردت ان اطرح هذا الموضوع لنبحث سويا عن الداء وسبل الدواء

منقول

[اوان الورد]

صحيح اخوي صلاح اكثر الشباب والبنات عندهم انحلال اخلاقي .. مشكله كبيره وايد بغض النظر عن المجتمع اللي عايش فيه حتى في الدول العربية لاعبين لعب والسبب......
المجتمع السعودي >>> جدا خاااااايس
أعني في كلامي واتمنى تتقبلوا وجهة نظري
الشباب محرومين من كل شي في السعوديه ماااقصد ان المفروض اشياء تتتغير

البنات نفس الشي تحس انها تحتاج من يسمعها وخاصة من الجنس الاخر وهذي مشكله كبيرة يعاني منها اكثر البنات وبعضهم يلجأوا للحرام

بس في النهاية يمكن الوعي ناقص في السعوديه ليش نسبة شباب الدول الثانيه مايلعبوا
السعوديين معروفة سمعتهم احترامي لكم شباب وماااقصدكم اذا راحوا مكان فيه بنات أأأوووه ......>>>> مجربة الغربه في عدة دول
والبنات بعد
وجهة نظر لاغير...
ويسلموووو صلاح على المناقشه المفيده نسمع فيها اراء بعض الاعضاء

[أسيل]

هههـ,, شر البلية مايضحك.
أوافق الرأي أختي اوان الورد لكن أظن أن البنت أكثر تحفظا من الشاب حتى في الغربة!
البنت مهما كتمت النية السيئة أو الرغبة لكنها تظل خائفة من شي ما, يحدها من الحركة على نطاق واسع. على عكس الشاب فهو غير مبالي خاصة القادم من بيئة بسيطة و عائلة مغلقة. و طبعا لكل قاعده شواذ.
باختصار شديد و مع حبي ل وطني و فخري به,, لكني في أحيان كثيرة انحرج من كوني سعودية خصوصا في الجامعة. جميع الجاليات أخذت فكرة أن هذا الشعب كسول وغبي إلا ماندر.

تشكرات صلاح

[روح المسك]

اقتباس: المشاركة الأصلية كتبت بواسطة اوان الورد  صحيح اخوي صلاح اكثر الشباب والبنات عندهم انحلال اخلاقي .. مشكله كبيره وايد بغض النظر عن المجتمع اللي عايش فيه حتى في الدول العربية لاعبين لعب والسبب...... المجتمع السعودي >>> جدا خاااااايس أعني في كلامي واتمنى تتقبلوا وجهة نظري الشباب محرومين من كل شي في السعوديه ماااقصد ان المفروض اشياء تتتغير البنات نفس الشي تحس انها تحتاج من يسمعها وخاصة من الجنس الاخر وهذي مشكله كبيرة يعاني منها اكثر البنات وبعضهم يلجأوا للحرام بس في النهاية يمكن الوعي ناقص في السعوديه ليش نسبة شباب الدول الثانيه مايلعبوا السعوديين معروفة سمعتهم احترامي لكم شباب وماااقصدكم اذا راحوا مكان فيه بنات أأأوووه ......>>>> مجربة الغربه في عدة دول والبنات بعد وجهة نظر لاغير... ويسلموووو صلاح على المناقشه المفيده نسمع فيها اراء بعض الاعضاء

::
بقيتي شيء خيووه لعبتي في الشباب لعب ههههه >>أمزح

وجهة نظرك أحترمها خيو وعلى عيني وراسي..

بس هل تتوقعي المشكله في المجتمع المنغلق الى عايشين فيه الناس هذه او في التربيه والجفاء العاطفي من الاب والام في البيت ...

س/ هل الوزارة تتحمل مايحصل من الطلاب المبتعثين ام هي معفيه من ذلك؟

[روح المسك]

اقتباس: المشاركة الأصلية كتبت بواسطة أسيل  هههـ,, شر البلية مايضحك. أوافق الرأي أختي اوان الورد لكن أظن أن البنت أكثر تحفظا من الشاب حتى في الغربة! البنت مهما كتمت النية السيئة أو الرغبة لكنها تظل خائفة من شي ما, يحدها من الحركة على نطاق واسع. على عكس الشاب فهو غير مبالي خاصة القادم من بيئة بسيطة و عائلة مغلقة. و طبعا لكل قاعده شواذ. باختصار شديد و مع حبي ل وطني و فخري به,, لكني في أحيان كثيرة انحرج من كوني سعودية خصوصا في الجامعة. جميع الجاليات أخذت فكرة أن هذا الشعب كسول وغبي إلا ماندر. تشكرات صلاح

::
لاعدمناك أختي ..
بس يمكن علمك بالبنات الي يكتمو النيات السيئه قديم شوي...
لأنهم بدأو يظهروا ذلك علناً..

يسلموا

[اوان الورد]

لا والله اخوي وربي مااقصد شي ماذميت الشباب وتركت البنات بس لاني شيفه بعيني في الدول اللي رحتها..
يعني رحت البحرين ورحت امريكا والاردن وماكانت مجرد زيارات يعني عشت عيشة دراسه وخالطت وايد منهم واشوووف اتفشل صحيح اذا شفت بعضهم مسوي حركه بيخه ياعلي ينقص وجهي

وشفت وااااااااايد محترمين ومماعليهم كلام

ومن جهة ثانيه اهالينا متعودين على تقاليد لول جيل الحين يختلف تماما عن جيل اول والاهالي تجبر اولادها يتربوا على تقاليدهم ونفس الشي مااااقصد ان المفروض تتغير مثلا الاب يشوف ولده او بنته يحاول يفهمه عشان يكسبه وقلت الاب لان في نظري تربيه بدون اب مايمشي الحال لان الام عاطفيه ومو قد المسؤوليه >>> احترامي للبنات

والله بعض الاهالي لازم نزوجك عشان تصون نفسك >>>> مااحسه حل او يمكن ماحسه فعال وايد مع انه ناجح في بعض الاحيان

والبنات بعد تحصل ليها كلمة من واحد تخليها تحس بأمان وتوثق ... بنت وافهم عقليات وتفكير البنات ويالله الله اعلم وش يصير بعدين

الوزارة ماتقدر تسوي شي او دائما توقف في صف الطالب السعودي حتى لو كان غلطان ونفس الشي شفت كذا موقف الطلاب تكون غلطانه والوزارة كلمتها اللي تمشي .. والله أعلم

اتمنى شباب بنات تتفهموا وجهة نظري وربي مااذم فيكم يعني بالمختصر اللي على راسه بطحه يتحسسها واللي واثق من نفسه يرفع راسه هع

وكل ماكتبته عبارة عن وجهة نظر فقط لااااااغير
سوري ع الاطاله*^_^*

مناقشه جدا شيقه أخي صلاح

[روح المسك]

اقتباس: المشاركة الأصلية كتبت بواسطة اوان الورد  لا والله اخوي وربي مااقصد شي ماذميت الشباب وتركت البنات بس لاني شيفه بعيني في الدول اللي رحتها.. يعني رحت البحرين ورحت امريكا والاردن وماكانت مجرد زيارات يعني عشت عيشة دراسه وخالطت وايد منهم واشوووف اتفشل صحيح اذا شفت بعضهم مسوي حركه بيخه ياعلي ينقص وجهي وشفت وااااااااايد محترمين ومماعليهم كلام ومن جهة ثانيه اهالينا متعودين على تقاليد لول جيل الحين يختلف تماما عن جيل اول والاهالي تجبر اولادها يتربوا على تقاليدهم ونفس الشي مااااقصد ان المفروض تتغير مثلا الاب يشوف ولده او بنته يحاول يفهمه عشان يكسبه وقلت الاب لان في نظري تربيه بدون اب مايمشي الحال لان الام عاطفيه ومو قد المسؤوليه >>> احترامي للبنات والله بعض الاهالي لازم نزوجك عشان تصون نفسك >>>> مااحسه حل او يمكن ماحسه فعال وايد مع انه ناجح في بعض الاحيان والبنات بعد تحصل ليها كلمة من واحد تخليها تحس بأمان وتوثق ... بنت وافهم عقليات وتفكير البنات ويالله الله اعلم وش يصير بعدين الوزارة ماتقدر تسوي شي او دائما توقف في صف الطالب السعودي حتى لو كان غلطان ونفس الشي شفت كذا موقف الطلاب تكون غلطانه والوزارة كلمتها اللي تمشي .. والله أعلم اتمنى شباب بنات تتفهموا وجهة نظري وربي مااذم فيكم يعني بالمختصر اللي على راسه بطحه يتحسسها واللي واثق من نفسه يرفع راسه هع وكل ماكتبته عبارة عن وجهة نظر فقط لااااااغير سوري ع الاطاله*^_^* مناقشه جدا شيقه أخي صلاح

::
على عيني وراسي خيو..

عندنا وعندكم خير من هذه النوعيات...
وصعب جدً أن نضع الملامه على شعب كامل لوجود عينات فاسده..
هذه العينات موجوده في كل مجتمع في كل مكان...
وبيني وبينك أنا ما أحط لهم أي إعتبار.. لام نتذكر دائماُ الجانب الايجابي في كل شيء ..

الوزارة مستحل ان يكون بيدها شيء تسويها اكثر مما هي تتبعه الان من قوانين خاصه في هذه الامور..

بالنسبة لبعض الاولاد فان تربيتهم من الصغر أنهم أفضل مخلوقات الله وان كل شيء عندهم هو الصح من الدين والاخلاق والفلوووووس..
والكلمه السيئه الي تعلموها من الصغر (( بفلوسي اسوي كل شيء ابغاه)) متناسياً فيها الاخلاق والدين الي تربى عليهم ... ونتيجة للكبت الداخلي في السعودية مع تمسكه بهذه الفكره يسوي فيها الهوايل... متناسيا سمعته الخاص وسمعة الوطن..
بالنسبة لبعض البنات ... أغلب البنات السعوديات محرومات من العاطفه داخل المنزل .. وفجأه بتلاقي لها واحد يقول له كلمه حلوه بعيد عن اهلها وناسها اكيد بتلعب وتتطرب..

من رأيي التهيئة النفسية والعاطفية والدينية قبل السفر من الوالدين والاخوان هو اهم شيء

سعيد بتواجدك خيووو