بعيداً عن كلام الحب
ما يسوى العمر لو عدّى .. بليّا صاحب توده
يشكي لك و له تشكي .. إذا همّك وصل حدّه
صديقك فرحة الأيام .. شريك الفرحة و الشده
بوجوده الحياة تحلى .. أنيس الغربة و الوحده
يصون بغيبتك طاريك .. و من يغتابك يصده
يسولف لك عن الدنيا .. و يوعدك باجر الرده
و تنطر موعدك وياه .. و تلقى اِنه وفى بوعده
و من تشوفه تتبسم .. هلا بالصّاحب الورده
و إذا سافر إله تشتاق .. وتدعي ربك يرده
و إذا ربك خذه منك .. تحس العيشة من بعده
غربة و انتَ متغرب .. و شعورك بالحياة تبدّى
و إذا ربه خذك منه .. يموت و ينتهي سعده
حلاة الصاحب الوافي .. تشوف عيوبك بخده
إهداء لصديقي أحمد القلاف
و لكم أهدي التحية
ل ي ث