عندما يضرب الحُب عمق القلب .. ويأسر العقل ويسطر عليه
يتحول الحُب إلى جنون يطيرُ بالعقل و يُبحر بالقلب
أما قصيدتي هذه فهي أيضاً جنون منظومٌ في خيوط الغزل
أتمنى أن تنال على إعجابكم
أستعذب الحب منك وارضى بوجاعه ... يالـي هواك انرسم بالقلب والعينــي
يآخر طموح الهوى ويا آخـر اطماعه ... ويآخر وطن يحتضن بالحب كفيني
مقبل فــؤادي لْـحضنك شـــايل امتاعه ... شنطة مشـاعر تكفي باقــي سنينــي
خذني ولاتنتظر من هالــــزمن ساعة ... خوفـي اضيع وبعد تخطيك رجليني
مابي تـْــذرني بقـفـر ٍ كـثرت اسبـاعه ... أو مثل زرع ٍ سروق القوم يجنينـي
قلبـي سفينـة وحبـك صـــاير اشراعه ... يغرق بدونك ترى وتغرق عناوينـي
أهواك,واشتاق لك والـروح منصاعة ... تنقــاد لك لـو جحيـمـ البعد تكوينــي
ياناس فكري تعب يستوعب اخضاعه ... سيطر عليّ بالهوى مو بالملايينــي
لـه منطـق ٍ يستحـل النـفـس باقناعـــه ... حيّر بنات الفكـر وازرت تحاكينــي
وش حيلتي والأمـاكن ترجي مطلاعه ... والعين ترجي طيـوفٍ لهْ تبارينـــي
لامن طلبني بذلت السمع والطــــاعة ... واقول آمـــر تدلل يــــانظر عينــــي
فيه القصــايد تذوب ان وصَفَتْ قاعه ... وشلــون لو وَصَفَت أعلى الرياحيني
أبـو شفايــف ورِدْ وسنــــون لمـــاعة ... توت وثلجْ مبسمه ويــلاه يغرينــــي
لــه وجنةٍ تسقـي الأزهـــار ضواعـة ... تنثر عطــورٍ بـها فـــلٍ ونســـريني
والعين تسبي غضوض الطرف لذاعة ... كنها الشَمِسْ نوخـت مابين جفنينـي
ورموش تلمع شَـــرات السيف قطاعة ... والخشم خنجر توسـط بين سيفينــي
فديت انا مشيـــته كالضبــي فــــزاعة ... والشعر يربش يهفهف فوق لمتونـي
كن الظلام اسدلــه من فوق مربـــاعه ... يحكي سواده حكايا الليل ويسبينـــي
والصدر بستان ولكـــن غـاب زرّاعه ... شمام يزهي ينادي قــرب اجنينــــي
فيه الحلى والدلــع والـزين بانــواعه ... من الـــــ 100% أعطــيه الــفــيـني
حضني وقلبي وعيني كلـنا اجيـــاعه ... وشلــون انا بشبعه والجـوع مشقيني
إذا لمحتـه خطفنــي نــــاظـره ساعـة ... أتوه في عـالمه واســألهْ أنــا وينـــي
فجأة ألاقــي سْموّي اتوســد أضلاعه ... كأني طفل (لا) كأنا أحلى طفليــــني
خلاص خذني طفل وتكفل ارضـاعه ... مابي الـزمن من شقاه الـيوم يسقيـني
الـروح من غيبتك يـازيـــن ملـــتاعة ... قصّر مسافات قربك وارجع ابنــيني
متهالك الجسم ذقـت الـمـر بانـــواعه ... شـوف السهر يابعد هالــروح مآذيني
محتاجــلك يـاسلـيـل الطيب وتـبّــاعه ... ياقــو قلبك على الآهـــــات راميـنـي
راع الـذي يعشقك يامـنـيـتي راعــــه ... وامسح بكفك على بلــواي واشفـيني
وإن جاك مانع ترى بلْوي لك ذراعه ... حاصل ضربْ وحدتي إنك تخاويني
(شوفتك لي دَين) أنـا أطلبك إرجاعه ... متى أشــوفك متى وتــرد لي ديـني؟