شنـــو رايكم بنات ؟؟

[تاروتيه سهرانه]

اقتباس: هذا كاسر تحفه هذا يكت عصير وهذه تخربش على الجدار واللي يقهر تنادي بصوت عالي .. قول لعمتك تجي تنظف لو كانت في شقتهم بتقعد بنفس برود الأعصاب ؟؟ طيب هذا بعد بيتهـا .. بيت زوجهـا وبيت اولادهم يعني بيتهـا !!

شيعيهـ
كلآمك 100/100
في بيوتهم يحبسوآولآدهمـ في غرفة يلعبوآ
وفي بيت عيآالهم حلآل ولادهم يخربشوآ ويكتوآ
ولآ ينفروآ اللي في يدهم على كبرالمكآن
وعادي لايقوموآ ينظفوآ مكآن ولآدهم ولآشي

ينظروآ يآعمتهم ولآ حمواتهم ـالشغآلات يشيلوآ ..

[اموووت في تاروت]

فعلا موضوع يستحق النقاش متابعه ليكم بصمت

والله يعين الخيابه اشكال

والله لا يجعلنا من الخايبين والكسولين

تسلمي شعشع على الطرح المميز :)

[الأيــــام]

السلام عليكم ورحمة الله وبركاته


سأنقل لكم قصة قريبة لهذا الموضوع وهي حصلت في منطقة خارج مناطق القطيف
ولله الحمد .


شاب مؤدب تزوج من معلمة وهذه المعلمة جدا مسالمة ولكن ابتلت بعائلـة زوجهـا
و أقصد بالتحديد ام الزوج وأختيه .


هي معلمة وعليها ان تصحو باكرا لتستعد وتتجهز لمدرستها..
ولكن تم معاملتها كخادمة حيث يصحونها من النوم لتكنس ولتنظف ولتجهز الفطور
حتى في أيام الخمس والجمعة .
كذلك بعد رجوعها من المدرسة وهي متعبة فلا يسمح لها بالجلوس حتى تنتهي من
وجبة الغداء وغسل الصحون.. ألخ

واستمر الحال لأشهر حتى انفجرت واشتكت لزوجها الشاب ولكن هذا الزوج ضعيف
الشخصية أمام أمه وأختيه .

فما كان الحل الوحيد امام الزوجة إلا طلب الإنفصال وقد حصل هذا .

- - - -
- - - -


- المعاملة الحسنة والمشاركة في المنزل امر مهم وضروري .
- بين الزوج وزوجة "عقد نكاح" وليس اتفاقية طبخ وغسيل.. ألخ
- لا يحق لأي شخص أن يأمر الزوجة إلا زوجها .
- على الزوج ان يكون عادلا رحيما ومنصفا .
- المهام التي تقوم بها الزوجة من طبخ وغسل وغيرها هي مهـام تطوعيه
- وليس واجبا عليها شرعا .

وشكرا،،،

الأيـــام..
منتدى تـاروت الثقـافي
بستان الفكر والمعرفة
بوابـة تـاروت الإلكترونية
August 28, 08

[البتول العذراء]

اقتباس: المشاركة الأصلية كتبت بواسطة الأيــــام  السلام عليكم ورحمة الله وبركاته سأنقل لكم قصة قريبة لهذا الموضوع وهي حصلت في منطقة خارج مناطق القطيف ولله الحمد .

أكيد عند هالبدو المتخلفين

اقتباس: هي معلمة وعليها ان تصحو باكرا لتستعد وتتجهز لمدرستها.. ولكن تم معاملتها كخادمة حيث يصحونها من النوم لتكنس ولتنظف ولتجهز الفطور حتى في أيام الخمس والجمعة . كذلك بعد رجوعها من المدرسة وهي متعبة فلا يسمح لها بالجلوس حتى تنتهي من وجبة الغداء وغسل الصحون.. ألخ واستمر الحال لأشهر حتى انفجرت واشتكت لزوجها الشاب ولكن هذا الزوج ضعيف الشخصية أمام أمه وأختيه . فما كان الحل الوحيد امام الزوجة إلا طلب الإنفصال وقد حصل هذا .

أخونا الكبير الأياااااااااااام

شكلك ما قريت الموضوع عدل مدل

وما فهمت القصد منه

هههههههههههه

ما قالوا زوجة الولد تصير خاااااااااااااادمة ولا شيء

لا غسيل و نفخ ..

قالوا مساعدة بيوم جمعة العيلة

ما توقع ترضى بيوم جمعتكم

زوجتك و حريم أخوانك جالسات كل وحده رجول على رجول وأمك اللي يطول بعمرها لحالها بالمطبخ

ويمكن تفكر وحده من خواتك تساعده و يمكن لالالالالالالالالالالا

تجلس أميرة مع باقي الأميرات

................

وحتى لو كانت معاهم ساكنة بنفس البيت

تساعد عمتها و حمواتها

أنا أعرف وحده كل منخشه بغرفتها من تزوجت بحكم تستحي من أول زواجها

واللحين بعد مرور أكثر من 10 سنوات ثيابها و ثياب رجلها و أولادها تغسلهم ميري العمة

ووقت الغذا تنزل تتغذا و تركب ووقت العشاء و هكذا

وعلى قولك رجلها ما يقول لها شيء

وعمتها و حمواتها ساكتين عنها

تزوجوا كل الحموات و اللحين العمة لحاله

اقتباس: - المعاملة الحسنة والمشاركة في المنزل امر مهم وضروري .

وهذا اللي قلنا

أمر ضروري ومهم

يزيد الحب و الآلفة ..

اقتباس: - بين الزوج وزوجة "عقد نكاح" وليس اتفاقية طبخ وغسيل.. ألخ

بعد الزوجة ملزومة بخدمة زوجها

ومساعدتها بيوم الجمعة تبين حبها لزوجه وأهلها

مو هم اللي يطبخوا و ينفخوا

و بعد ما يشبعوا العشرين نفر إذا مو أكثر

يرجعوا العمة و الحموات من جديد يغسلوا

اقتباس: - لا يحق لأي شخص أن يأمر الزوجة إلا زوجها .

الحمد لله ما تأمرنا على أحد

وإذا كلمت الزوج وقلت له ترا كذا وكذا

طنش أو هو اللي قام ساعدك بدل السندريلا ..

اقتباس: - المهام التي تقوم بها الزوجة من طبخ وغسل وغيرها هي مهـام تطوعيه - وليس واجبا عليها شرعا .

أجل لو جاء الرجال كل يوم بيته و حالته حاله ..

لا أكل و لا شيء مغسول يسكت

وما يكلم زوجتها

فرضا ما يمديه يجيب ميري الشغالة

يضلووووووووووا جواعة و حالتهم حاااااااااااله

بحكم أن العمل تطوعي

وهي متعوده على الخيابة

أنا مو متعوده أغسل وأكنس ..

جيبي لي شغااااااااااااااااالة
وشكرا،،،

[البتول العذراء]

اقتباس: المشاركة الأصلية كتبت بواسطة lostlove  بصراحة لم تدخل لدارنا بعد زوجة أخ <<< الأخ رافض فكره الزواج " أدعوا له بلكي يخطب قبل نهاية السنة...

الله يهديه و يسعده قريب

وبعد سنة تصيري عمة

اقتباس: لكـــــــن شهدت " زوجة الابن" في البيت الكبير" بيت جدي " الله يخليه لينا. الجمعة تكون كبير كل "أبن وبنت" وأهله"الزوجة والأولاد" معاه بـ يكون هناك نوع من التعاون البسيط يعني الأشياء اللي تظل بـ السفر والسفر أيضاً " نقوم بـ رفعها سوياً"

وهذاااااااااااا هو المطلوب

المساااااااااااااااااااعدة فقط المساعدة

وحده عندها 4 نسوان أولاد وكل وحده سفرة جهال

وبناتها صغار

يجوا يأكلوا ويستانسوا

وهي اللي تغسل و تنظف

ما يقوموا يساعدوا

اللي فيه شيمة شيمة من أوله

اقتباس: أم غسيل الأواني " فـ العاملة " هيا كفيلة بـ ذلك.

ولوا ساعدناها بعد شوي ما كوا مشكله

تقول وحده أدخل أساعدها بالغسيل يقول نسوان حميها لا تعلميها على التمرد

تخيلي 4 نسوان أولاد

و3 بنات متزوجات

وتعرفون سفرة شهر رمضان

كأفيها الصفاري و المقالي

غير لصحون و الطوايس و الملاعق

وكل واحد لازم صحن خاص فيه

لو صحن سلطة تحطيه بين ثنين

أثنينهم ما أكلوا

أرحموا من في الأرض يرحمكم من بالسمااااااااااااااااااااء

[البتول النوراء]

ويش فيكم يالربع بالصراحه ويشوا يعني مي ملزومه

اصلا ملزومه واجب عليها اتقوم

زي مو الباقي يقوم ويشتغل وبعدين ياكل هي بعد نفس الشئ

اتقوم وياهم تشتغل

مي قصة ذوق
هذا واجب عليها
مو بس تقعد اميره وتتفرج
والله يرتفع ضغطي اني اتعب وغيري جالس وياكل ويقوم

هذي مي عزمه بس تجي وتغسيلي يدش وتتطلعي

اني رأي انه ملزومه واجب عليها بعد

وشيلوا مسأله الذوق

خلو خيالكم يسبح اشوي
يعني انتينا تكرفي وصايره ميري وغيرش ينتظر من ينجب ذاك الاكل وباكل لي لقمتين اذا ما لهفت الصحن كله والموضه اللحين على يستخدموا ملاعق على شان لا يغسلوا يدهم وبعدين خلصوا ديك الوجبه وعودي يا ميري قومي غسلي المواعين وبعدها قوم خمي وبعدها جيبي الحلى والصحون من جديد وملاعق وشاي واستكانات وحطي ليهم وبعدها قومي خمي من جديد لان بينفروا وعودي غسلي الصحون والملاعق والاستكانات
والباقي قاعد ويسولف وانتينا اكرفي كرف العبيد واخرتها قاموا وما يندرا قالوا اغناكم الله مع السلامه لو لا وتعودي من جديد تنظيف قش اولادهم ما يطلعوا الا عافسين المكان

بالصراحه مي عدل وهذا ظلم وفي يوم بنتحاسب على هالشئ

قال ايش قال مي ملزومه قال
يعني ملزومه بس تجي وتاكل وتروح

والصراحه ردود واجد ما عجبتني وان دل دل على الخيابه الي فيها
واني اتكلم هالكلام في عدم وجود الشغلات


بالصراحه عيب عليش يالي بتسوي هالتصرف
اني اتكلم عامه
ما اقصد احد معين
بس بالصراحه اتفعلت مع الموضوع
وما عجبني ردك عموو الايام
كلامي لا اقصد به احد معين
لان هذا الي حاصل في المجتمع ليس بيت ولا بيتين وانما بشكل عام جميع البيوت
واسفه على الاطاله

[البتول النوراء]

اقتباس: المشاركة الأصلية كتبت بواسطة ظــل وقمــر  هل زوجه ألولد ملزومه بالشغل او هي مسأله ذووق ومشاركه ؟ بما أني رجل أقول هم ملزومات بالمساعده لأنهم من العائله يعني مو غرب , ولا هي مره ولا مرتين يجو عندكم يعني كل أسبوع ... هو واحنا رجال بعض الأوقات نساعد في الشغل بالبيت مو بعد نسوان !!! ما موقفك لو كانت زوجه أخيك من هذا الصنف ( الكسولات ) ؟؟ لا أحترم هكذا نساء

رأيك عين الصواب
وهذا هو الصح

تسلم اخي ظل وقمر

[البتول النوراء]

اقتباس: المشاركة الأصلية كتبت بواسطة البتول العذراء  و ترضيها لأمش تصير ( ميري الشغالة ) لنسوان أخوتش أول تطبخ و تنفخ و تااااااااااااالي تغسل المواعين وما أحد يساعدهاااااااااااا و السندرلات وأنت أولهم ضحك و سولف مع نسوان أخوتش وهي تكرف بالمطبخ تقول لي وحده مسكينة خالتي على كثر نسوان أولادها و بناتها الإ أنها لحالها بالمطبخ و بناتها .. يقولوا قاعدين مع نسوان أخوتهم ذاك اليوم جارتنا بتقوم يقولوا لها قعدي و ش عاجلنش قالت بغسل المواعين ..(يوم الخميس وهي صايمة ) تقول راحت حتى السفرة ما شالوها عندها بنتين متزوجات و 3 نسوان أولاد عيب و الله عيب أمهاتنا أو عماتنا ميريات الشغالات لنا حتى لو عندنا شغالة .. ما بنكرفها مثل كذا على الأقل بنشيل السفرة ؟؟ و الدنيا مهما كااااااااااااااان دوارة اليوم ملكة بكرة بتصيري ميري لنسوان أولادش ميري على كبر

كلام صحيح فعلا

بس ما نقول لش قومي كرفي وشيلي البيت على راسش عزيزتي ...فقط ساعدي بحدود المعقول لا تكسري ظهرش ولا تسوي حاجات تافهه
فقط نريد لمسه حلوه من يديك الرائعتين
واذا شفتي الجماعه الي معاش فاشين وقاعدين قعدي معاهم ولا تتحركي عن مكانش

[البتول النوراء]

اقتباس: المشاركة الأصلية كتبت بواسطة ام الاقمار  يسلموا على طرح الموضوع هل زوجه ألولد ملزومه بالشغل او هي مسأله ذووق ومشاركه ؟ مي ملزومه با لشغل بس من باب الذوق والتعاون و الكل يتعاون لان يد واحده ما تصفق بس يظل لكل واحد ظروفه واعرف وحده تتمنى تخدم عيالها وهم مايرضوا تدخل المطبخ بعذر حميانها كيف تدخل وهم موجودين وتتمنى تساعدهم لن العمه تعبانه بس العله في حماتهاهي المسيطره على الوضع شفتو العجب ناس يهدورا عليهم وناس يبغوا يخدموا ومو قادرين ما موقفك لو كانت زوجه أخيك من هذا الصنف ( الكسولات ) ؟؟ الحمد لله مرت اخوي مي من هالنوع لو صارت كذي اكيد بنكلمها احسن من نحش وراها

عزيزتي ام الاقمار الله يخلي لش هالاقمار ان شاء الله
وبالغه فيهم ان شاء الله

احترم رايش خيوه
بس منو قال انها ما تكون ملزومه ...بل بالعكس
الازم وواجب .., ومثل ما قلتي حلو ان يدب روح التعاون بين الجميع
من رأي انتي لا تحبين ان تخدمي اشخاص جالسين وانتينا تكرفي
اصلا حرام بيكون صحتش على حساب غيرش
بل بالعكس لما كل شخص ينجز شئ ولو بسيط بينتهي الشغل سريعا وبتدب روح االالفه بين الكل اصلا بتنحطي على الروس

وبعدين وشوا الظروف الي تمنع ...مثل ما قلتي الحمين
بالعكس هدول الحميان اخوه لكي
تتكلمي معاهم تجلسي معاهم ...ليسوا غرب هم اخوه (ما اتخيل هذا عذر)
ظرف اخر ويش هالحماه المسيطره (بالعكس)هذي تحب لش الراحه لو هي مسيطره شان ما خلت الشئ الا قالت فلانه قومي سويه وهي قاعده بس تتامر هذي المسيطره اما ما تتطلب شئ هذي عسل بالصراحه ونيال الي عنده مثل هالحماة المسيطره
وعلى قولتش مسيطره (ويش عليش منها اقوم اريح عمتي ولا علي منها هذي الي عطتني اغلى هديه وخاصه ان كان خوش رجال )
فما اتخبل هذي ظروف تمنع الوحده تشتغل بيب عيالها او حتى بيت ابوها
ــــــــــــــــــ
الحمد لله رب العالمين ان زوجة اخوش كده ....هي وحده بعد مو اكثر
وبعدين لو صار واحد اتكلم لزوجة اخوه او اياحد ثاني ويش بتسوي بتطنقر وجهها وطنبز وتقلب ووجهها ويمكن ما تجي (طبعا مو الكل ) بتقول تتامر علي ويش شايفتني شغاله ليهم
وبعدين بستحي اقول لاحد شئ
كل واحد الشئ يجي من نفسه ما احد يقول له قوم
صح كلامي لو خطأ
وبعدين القصه مي فصه حشى فضفضه مي حش
اللحين ما في يوم من الايام اتكلمتي وفضفضتي مع امش اختش زوجش اختش وصديقتش
ما اتخيل
وكثر الضغط يولد الانفجار
والظاهر من المحادثهانه توه وقت شغل وجوا يستريحوا وجابوا السالفه
هذا الي فهمته من المحادثه

تحياتي لكي اخيتي
ملاحضه (انا لااقصد احد بكلامي بس اتكلم بوجه عام )

[البتول النوراء]

اقتباس: المشاركة الأصلية كتبت بواسطة أنوار الأمل   سلامٌ عليكم .. وأني رايي من راي خواتي شعشع ونوراء وعذراء .. صراحة قهر واااااااااااااجد لو بس أني وخواتي إلا نشيل ونحط بالبيت .. يعني الوحدة يكون شوي عندها ذوق إنها تحرك يدها في شي ولو بسيط ما بيضرها بالعكس راح تكبر في عيون عمتها أم زوجها وحمواتها .. مو تأخذها بمعنى إنها صارت شغالة لالالالا محشومة وبكرامتها .. يعني لو قامت مثلا وقطعت سلطة أو سوت حلى خفيف أو مهلبية ما بينقص منها شي وكل هذا مردود لها بالمستقبل فكما تدين تدان .. وسلامتكم .. الشكر لطارحة الموضوع شعشع غناتي ..

قواااااااااااااااش الله غناتي انوار
يعطيش العافيه

وسالفه المهلبيه وينه قاعدين
جهال...الي يبغي يسوي يسوي شئ عدل مو يجيب حاجه يترقص ابها

صح كلامي لة لا ؟

اشكر مرورش خيه

[البتول النوراء]

اقتباس: المشاركة الأصلية كتبت بواسطة نور الغفران  المفروض مرفوض يا أختي

احترم رايش خيه
بس هذا اسمه عذرا اقبح من ذنب

مع احترامي

[البتول العذراء]

اقتباس: المشاركة الأصلية كتبت بواسطة نور الغفران  المفروض مرفوض يا أختي

و اللي يدها بالماء

مو مثل اللي يدها بالناااااااااااااااااااار

[البتول النوراء]

اقتباس: المشاركة الأصلية كتبت بواسطة sanfooooora  * هل زوجه ألولد ملزومه بالشغل او هي مسأله ذووق ومشاركه ؟ زوجه الولد مو ملزومه تشتغل بس من باب الذوق والادب واحترام لام زوجها المفروض اصلا لو تقدر ماتخليها تقوم تطبخ (انا صراحه لو اعرف اطبخ عدل كان انا طبخت الاشياء الرئيسيه بس الاشياء الي اعرف اسويها اسويها واساعد في كل شي) * ما موقفك لو كانت زوجه أخيك من هذا الصنف ( الكسولات ) ؟؟ ماتعجبني واحس انها متكبرة وشايفه حالها وماتحترم الي اكبر منها ولا تقدر شكرا على الموضوع وطرحك موفق

قواش الله خيه واحترم رايش
بس اني اقول ملزومه وواجــــــــــــــــــــــــــــــــــــب عليها مدام الكل يشتغل فهي لا زم تشتغل ليش على راسها ريشه ما تشتغل

[البتول النوراء]

اقتباس: المشاركة الأصلية كتبت بواسطة دبدوووبه  اني لو بهالموقف دا والله ماا راح اسكت عمى بعينهم حتى عمى وش هالحاااله دي دا الي ناقص يخدموووني واني بمكاااني والله لو اني منهم ما اجي يووم ثاني دااام ما اسوي شي فشله بس ديلا قويااات عين المسااعده زينه ولما يتسااعدووو راااح يحسووون برووح التعااااون بينهم وتخلص الاشياء بسرعه الله لا يبلاااناااا بس ونا شاء الله نكوون عند حسن ظنهم ما نصير سندريلااات مثلهم وي خيااانه عجيييبه

هلا خيه قواش الله
يو لويش ما تجي حلوه الجمعه وحلو تشوفي اخوتش وولادهم ونتجمع ونضحك ونسولف وغيره
ومو حلوو انه الواحد ما يجي بالعكس
لما تقومي اتقومي بروحش وبولادش ما تخدمي غرب ولا ناس اجانب هدولا عيالش
واليد مع الجماعه مثلما الكل يشتغل انتينا بعد اشتغلي معاهم
بس اذا شفتيهم قاعدين قعدي وياهم

يسلمو على المرور وقواش الله خيه وان شاء الله يجي لش رزقش مع عائله رائعه متعاونه متفاهمه

[البتول النوراء]

اقتباس: المشاركة الأصلية كتبت بواسطة شيعيه  ثاكنس على المرور نورتوا صفحتي .... اما أني / اشوى ماعندي نسوان اخو خخخــ ^_^ لآن لو عندي ويطلعوا كذا ( كسولات) كان ياقاتل يامقتول ههههـــ <<< ماعندي كيري ميري كان اجي اقول ليهـا اختاري بتغسلي المواعين لو تغسلي الحمامات <<< شريره عفر هههههههـــ يسلموا حبوبات على المرور ... بس نبغي رأي الشباب لو كانت زوجاتهم ( رجول على رجول ) وامه وخواته يكرفوا في المطبخ .. شنو رده فعله ؟؟

ههههههههههههههههههه
تابرني شعشع
بالغه في اخوتش ما شاء الله تبارك الله
وبنشوف ويش يصير
اتخيلش بتقولي ليها يا ام علج قومي يالله غسلي خمي بتصيري الحماه المسيطره على اخر عمرش هههههههههه

اصلا اني تفاجاة من رد واحد من الشباب بالصراحه مو طبيعي صاير شكله خاتم في يد مرته خخخخخخخخخ
عجل راحه مرته فوق راحة امه مي معقوله وليس فيها شئ من الصحه

تابريني على هالموضوع وسلمي على ام حسن وقولي ليها بالغه في ولدها حسن بس بمره خوش مره مو سندريلا