أمثال مغبرة

[باب الديرة]

1 ـ محسود الفقير بموته الجمعة .
2ـ فخار .. ايكسر بعضه .
3ـ هذي العزيمه علي ويش ... كلها على تويس .
يستخدم إذا كانت العزيمه كبيرة والطعام قيل .
4 ـ ما قصور أم الغمص تنام فوق القفص .
يستخدم أ,يطلق على المرأة التي تغضب وتزعل كثيراً .

5 ـ العورة تعيب على الحوله .
الذي يعيب وهو أشد عيبا .

[عاشقة البحر]

إذا بغيت صاحبك دوم حاسبه كل يوم


إذا حبتك عيني ما ضامك الدهر


إذا حجت البقر على قرونها


إذا صار رفيجك عسل لا تاكله كله


إذا طاح الجمل كفرت سجاجينه


إش حادك يا المسمار ؟ قال المطرقه


أقضب مجنونك لا يجيك أجن منه


إن طاعك الزمن وإلا طيعه


إنطر يا حمار لما يجيك الربيع


بات مظلوم ولا تبات ظالم


بغاها طرب صارت نشب


تجيك التهايم وإنت نايم


خبز خبزتيه يا الرفله إكليه


رزق القطاوه على الخاملات
ههههههههه هذا عجبني

زرع الميانين (المجانين) يطلعه رب العالمين


شبعونا طراقات وشبعناهم شتايم


طارت الطيور بأرزاقها


الطول طول نخله والعقل عقل صخله


عتيج الصوف ولا جديد البريسم


عمره ما تبخر ، تبخر وإحترق


غصيت فيك يا ماي ، شدفعك في


قال عندك تاكل ؟ قال لأ . قال عندك تغرم ؟ قال إي .


كلٍ بقلبه شيقاليله (شقاء له)


لو جريت جري الوحوش غير رزقك ما تحوش


اللي في الجدر يطلعه الملاس


اللي هذا أوله ينعاف تاليه


اللي يجي من الله حياه الله


مكسورة و تبرَد


هذا سيفوه وهذي خلاجينه (ملابسه)


تحياتي

[الموهوب]

أخواني .. أخواتي .. هذه الأمثال كلها قد وجدتها في كتاب ( الأمثال الشعبية في الساحل الشرقي )
لمؤلفه الأستاذ عبدالله حسن آل عبد المحسن .
وأيضاً وجدتها في كتاب ( من تراث جزيرة تاروت ) لنفس المؤلف .. وكلاهما يباعان في المكتبات

وسوف أنقل لكم عشرة أمثال مقتبسه من كتاب الأمثال الشعبية .. وهـــي 0
1) أبو نفخ ان شالوه امتلخ وان خلوه انتفخ .
2) أبو الفن مايخلي فنه ولو قصوا يمينه منه .
3) أبو زيد معروف بليا ثياب .
4) أبو زنه يتمنى يدخل الجنة .
5) أبو زنه يزن يزن وما يطيح إلا في فخارة .
6) أبو حقب لا يلم بخير ولا يسلم من التعب .
7) الإسم للنورة والسمعة للزرنيخ .
8) إلي ماشاف اللحم يتعجب من لريه .
9) اربط الحصين تحت الحمار يعلمه النهيق .
10) أصبحت فاقه ابفاقه واصبحت فاقه عروس .
_______
وعلشاتكم انزيدكم كم واحد ..
( إذا شفتم يطالعونك كل وبحلق عيونك ) ..
( وإذا اشبع الحمار نهق ) ..
( إذا صوف الخوخ طابت ريحته وطاب أكله ) ..
( إذا طريت الجلب ( الكلب ) برز العصا ) ..
( إذا ما رقيت على السدر ترقى على التفر ) .. السدر : مقدمة السفينة .. التفر : مؤخرة السفينة
وأخيراً ( إذا مات الغني تعنينه وجينا وإذا مات الفقير قلنا ما درينا ) ..
إذا مو عاجبتنكم هالأمثال ( اضربوا راسكم بالطوف او اشربوا من ماي البحر ) .. هههه
إحنا على استعداد لبيان الكلمات وشرح المثل .. إذا كنتوا تحبون .. صوتوا نعم ولا وبنشوف ..
مودعين بالله ورسوله وأهل بيته ..
___________
الموهوب

[روح الحياة]

يعطيكم العافية شباب وشابات..

بغيت مثل مغبر بديل لهذا المثل يكرم القارىء والسامع والمثل هو " ثور قال احلبه " ..

بغيت بديل رحم الله والديكم ..

[احمد آل سعيد]

ما شاء الله عليك ياروح الحياة أنت أترد الروح للحياة على الأمثال لمغبرة

حقيقة أنا ما أبين تحتك والربع بمنتدى تاروت مو مقصرين وياك الله يعطيهم العافية

أنا ما أنتبهت للموضوع من قبل لأن دخولي لمنتدى تاروت مو واجد ترى من وقت لوقت وهذا المنتدى عزيز علي وايد بس أنا مشاغلي كثيرة وتعرف أنت عني مشغول بدورات ومحاضرات والعمل والبيت أبدي ويش ولا ويش وزي ما يقولو في المثل أهل لول ( الأيد ما تحمل عشر رمانات )

مع كل الأمنيات لك بالتوفيق والنجاح

دمتم بألف خير وخليك متواصل وينا بعد في منتدى سنابس لاعدمناك

ونسألكم الدعاء
أخوكم الوافي
أيو مصطفى

[ظلام الليل]

مشكور اخوي روح الحياة ربي يعطيك الف عافية سلمت يداك

[روح الحياة]

اقتباس: المشاركة الأصلية كتبت بواسطة الوافي،  ما شاء الله عليك ياروح الحياة أنت أترد الروح للحياة على الأمثال لمغبرة حقيقة أنا ما أبين تحتك والربع بمنتدى تاروت مو مقصرين وياك الله يعطيهم العافية أنا ما أنتبهت للموضوع من قبل لأن دخولي لمنتدى تاروت مو واجد ترى من وقت لوقت وهذا المنتدى عزيز علي وايد بس أنا مشاغلي كثيرة وتعرف أنت عني مشغول بدورات ومحاضرات والعمل والبيت أبدي ويش ولا ويش وزي ما يقولو في المثل أهل لول ( الأيد ما تحمل عشر رمانات ) مع كل الأمنيات لك بالتوفيق والنجاح دمتم بألف خير وخليك متواصل وينا بعد في منتدى سنابس لاعدمناك ونسألكم الدعاء أخوكم الوافي أيو مصطفى

مشكور حبيبي أبو مصطفى واحنا نتعلم منك..

ظلام الليل الله يعافيك ويبارك فيك..

[نور وضياء]

مشكورين على الموضوع
وهاي بعض من الأمثال




&& أمثال أهل الأول &&

1- ابشري يا حليمة بالجنة النعيمة
2- اللي ما عنده مونه يلاعب المجنونه
3- الفاضي يعمل نفسه قاضي
4- اللي ما عنده عمل يكاري له جمل
5- ماعنده عشى يتعشى جاب له رويد يتمشى
6- حملت وفشت
7- فص ملح وذاب
8- تيتي تيتي زي ما رحتي جيتي
9- الناس بالناس والكل بالله
10- اصابعك ماهي سوى
11- من وين يجيك الشر قال من وليدك الأقشر
12- ابقرة الملاحة
13- شورك على اللي ما يشيرك خسارة
14- الله ما رأيناه بالعقل عرفناه
15- مطر اللي مايبلك مايهمك
16- هونها تهون
17- كل مايعجبك واللبس مايعجب الناس
18- اللي ماله أول ماله تالي
19- ليت لي أخو لو من ذيبه
20- احنا في الشام وهو في عمان
21- ادور عليك في السماء القاك في الأرض
22- إذا بغيت الخبر ينتشر أعطيه أم نصر
23- سوالف النسوان أتخلي البايرة بلا عشاء
24- لسانه يلوط أذنه
25- الحقران يقطع المصران
26- اللي فات مات
27- إذا فات الفوت ماينفع الصوت
28- أزيدك من الشعر بيت
29- مال البخيل يأكله العيار
30- أكل ومرعى وقلت صنعه
31- ياخبر بفلوس وبكرا ببلاش
32- ويش حدك يامسمار قال المطرقة
33- الشجرة كلما طالت طلعت لورود والجيفة جيفة ما اتطلع غير العفن والدود
34- اللي مايصبر على روحه ماتصبر الناس عليه
35- اللي يجلس عند الحداد يصبر على الشرار
36- صب أيوب على بلواه
37- من صبر على بلد حكمها
38- كل دويه بعويه
39- كثر الطق يبط اللحام
40- إذا حضر الهرس بطل الدرس
41- ما يبغاله سنج ولا بنج
42- مافيه دخان من غير نار
43- الفروض مرفوض
44- يبغى ولاينبغى
45- غلطة الشاطر بعشر
46- شق وارقع قبل لاتوقع
47- قلدها عالم واطلع منها سالم
48- الزايد ناقص
49- قلت عليها الأسامي سمته راحله
50- كل مشروك مبروك
51- قمر أبو أربعة عشر
52- عصفور باليد ولاعشر على الشجرة
53- كل واحد عقله براسه يعرف خلاصه
54- عمك ذراعك
55- مصير الحي يتلاقى
56- العين ماتعلى على الحاجب
57- ناس عن ناس تفرق مو كل نجمه في السماء تبرق
58- باب مردود عن الشيطان مهدود
59- ابعد عن الشر وغني له
60- خذ الأصيلة ولو كانت هزيلة
61- الجمل لو يشوف سنينته جان أنكسرت رقبته
62- اقطع عرقه واسيح دمه
63- أنا ابن فلان على سن ورمح
64- كأنك يا أبو زيد ما غزيت
65- الارزاق وهايب ماهي نهايب
66- الاسم للنورة والسمعة لزرنيخ
67- أبو الفن مايخلي فنه ولو قصوا يمينه منه
68- ابوك الصايغ وطوقك من ذهب
69- احفظ الرطب لأيام الصيف
70- أحمير تركبه ولا حمار يركبك
71- أخذوا اقلاطتي وسموني نوخذه
72- إذا شفته في جارك احسبه في دارك
73- اظبط من ساعة الملا
74- اعز ما عند النوخذه جالبوته
75- أفسد من البض أيام القيظ
76- أفلت حجر وألقف عشر
77- أقنع تشبع
78- اللي عيونه زينه يقدر يملي بطينه
79- اللي الملاس بيده بعض الناس عبيده
80- اللي قالها يجر حبالها
81- من قال ها سمع
82- اللي قال عليه النكال
83- اللي ماعنده فلوس يقعد في القاع يحوس
84- اللي ماله ساس يطيحه مداس
85- اللي مايستره الليل ما يستره النهار
86- الحق الكذاب لباب الدار
87- الزم طيرك لايطير لغيرك
88- اللي يخلي ظهره قنطره يتحمل الدوس
89- امشي مشي لنعاج ولايهمك الحجاج
90- أنت تآكل والناس تحسب الطعام
91- أنت تفصل وأحنا نلبس
92- أول الخبز أحترق
93- أول ماشطح نطح
94- باع الكحيلة بعيشة ليلة
95- بارت الحضرة من الايادي الضبرة
96- البحر مايصير طريق والعدو مايصير طريق
97- بربشة في العيون ولادفانها
98- ما يمدح السوق إلا إلي ربحان فيها
99- السكوت علامة الرضا
100- من حرقة الروح قمت للثور هديته
101- ابن الوز عوام
102- بشت الشمالي لو اتقطع وذاب
103- بيت البناي متبطط
104- باب النجار مخلوع
105- تجيك التهايم وانت نايم
106- تحسبه في الصرام يطلع لك في المنام
107- تقدر تخفي القمل لاكن ماتقدر تخفي الحمل
108- ثور معمعم
109- الحب يطلع على بذره
110- الدوا في أخس الشجر
111- رابع بهايم ولا ترابع هايم
112- الزرع أخضر والفلاح أخبر
113- الأبراة تكسي الناس وهي عريانه
114- قومي يا ضبعة للصلاة قالت ماقدر من حندبي قومي ياضبعة للريال فزت وقالت ياعلي
115- الزايد عن حده أنقلب ضده
116- أمشي دهر ولا تخطي نهر
117- الأقارب عقارب
118- قطع الأرزاق ولا قطع الأعناق
119- صخنا الماي وطار الديك
120- كل تأخيره فيها خيره
121- كلما خطبوها اتدللت
122- لو فيها ذر ذرت
123- الغصن اللي مايلين ينكسر
124- من طول الغيبات جاب الغنايم
125- من غاص غابات البحر جاب الدانات
126- صانع القراقير ما يجوع
127- ربح الطين بالبصرة
128- الخياط الخبير يتصرف في الخيط القصير
129- الحظ لو ينبني بالطين كان حطين عليه اللياوين
130- كل من يحاور ويرادد يرد بعصافير وايد
131- ذيب ويرعى غنم
132- البطن اللي يجيب ما يخيب
133- مات الفقير مادرينا مات الغني تقنعنا وجينا
134- شراة العبد ولا ترباته
135- مقابلة لجيش ولا أكل العيش
136- ما حد يصلي إلا يبغي الغفران
137- ماتبرص إلا أيد الحساب
138- ما في هالبلد إلا هالولد
139- المال للوراث واللخم لدود
140- سوفها واشرب مايها
141- عقربة الطبانه تقرص من تحت لا تحت
142- صاحب النخيل ماكر يلعب على لحية الف أكار
143- شايل حتفه على كتفه
144- التوبة تغسل الحوبة
145- خالف تعرف
146- خذ مكللة ولا تأخذ مد الله
147- خل الدنيا تسير بأحمالها
148- أربط الحصن تحت الحمار يعلمه النهيق
149- اعيون ماتنكسر مايفيد فيها عصر
150- خذ الحكمةمن أفواه المجانين
151- امكدة الصايم لهايم
152- ان حبتك عيني ما ضمك دهر
153- الأول لي عافية تفلق الليحان واليوم أنا سجين ماتقطع غصن الريحان
154- واحسرتي طار طيري و مابقى لي طير كل طيرحبلته صار بخت الغير
155- الأول أحنا شيوخ تخدمنا الأكابير واليوم محابيس تحرسنا النواطير
156- اللي يبينا عيت النفس تبغيه واللي نبيه عي البخت لا يجيبه
157- اشتهر ودب اسلاح
158- من فرح جاهل فرح نبي
159- الذهب مالقى له لبسته البقالة
160- يوضع سره في أضعف خلقه
161- الشابه تشببك
162- زيادة الخير خيرين
163- الجنة من غير الناس ماتنداس
164- حشر مع الناس عيد
165- كل ديره فيها مقبرة
166- ما يضحك إلا المأخوذ
167- بت العجافة قرعة
168- وين ماتروح راسك حرامي
169- حامض على بوزك
170- حاط راسك براسنا
171- حتى الفذغة ينخز
172- الكلام اللين أثره بين
173- كل مرض يهون إلا مرض لعيون
174- كل طير يشبع بمنقاره
175- دخول الحمام مو زي خروجه
176- يردها أصلها ولو عنفصت
177- بغيناها نسبه صارت نشبه
178- الصهر يشد الظهر
179- قرد موالف ولا غزال يخالف
180- علمناهم على الطرارة سبقونا على البيبان
181- إذا ضاق خلقك أذكر أيام عرسك
182- شرط الألفه ترك الكلفه
183- من غربل الناس نخلوه
184- سهم الحمسان حلو
185- الحي ابقى من الميت
186- الهمه قتاله
187- الحيطان ليها أذان
188- اطهر من حمام مكة
189- اقطع الشك باليقين
190- إذا حجت البقره على قرونها
191- إذا صار ودك من يردك
192- خلي البساط أحمدي
193- فراقه عيد
194- اللي موفي العين مو على الخاطر
195- من شوقه على عروسه اتكسرت اضروسه
196- الايد ماتحوش إلا رمانه
197- ابناو الزين زر في العين وابناو اللاش شاعب في الراس
198- اشتر وابيع واسمك مايضيع
199- اللي ما يستحي يفعل مايشتهي
200- حط عباس على دباس
201- زمان أول تحول
202- الزيت في الطحين مايضيع
203- الصراحة راحة
204- دهنا في مكبتنا
205- كل آفة اليها آفه حتى الحديد سلط الله عليه المبرد
206- اما غني مبربقي والله فقير عيار
207- دندون في ظهر جمل
208- قلبه مفتح
209- لاله في الطين ولا في العجين
210- يخلط حاله ذبانه في مرقه
211- مو كل لرجال ا رجال ولا كل من تحزم قال أنا رجال
212- مو كل خير يناكل لحمه
213- جنة عين عذاري تسقي البعيد واتخلي القريب
214- تتمسكن حتى تتمكن
215- النار ما تخلف إلا الرماد
216- السلف تلف
217- خذ الزين ولو عليك الدين
218- لا تمدها مده ولا تغلها غله
219- راح يدور الفوايد راس مال ما حصل له
220- لا تأخذ الضليع ترى فلوسك أتضيع
221- أحفظ القرش الأبيض إلى اليوم الأسود
222- سرك في بير
223- اللي في بطنك جوحه وسرك لاتبوحه
224- الصرف صرف ملوك والأكل أكل سحلوك
225- اصرف مافي الجيب يأتيك مافي الغيب
226- دين واعمى عين
227- اتكده الغزاله وأتاكله السباله
228- ما نقت حنت على ولد ناقه ولا ناقه حنت على ولد غيرها
229- ياليتنب اميمه واسمي عليهم
230- ماضاقت الزريبة إلا من حمار الغريبة
231- لزقة ريح لا تبرى ولا تطيح
232- اللي مايحفظ ادريسه ماله إلى أجحيشه
233- الشيصة في البحر حلوه
234- ما يعجبه العجب ولا الصيام في رجب
235- إذا شبع الحمار نهق
236- من طالع غيره قل خيره
237- من تابع الناس مات هماً
238- من بره هالله هالله ومن داخل يعلم الله
239- الموت ماخلى كبير يهابه ولا صغير يتهنى بشبابه
240- سنور أبو سبعة أرواح
241- رضين بالبين والبين مارضى فينا
242- ملك الموت بيموت
243- ياموت خلني وخذ عباسوه
244- اللي مايقتل يسمم
245- عشنا وشفنا
246- على الله يازرع الله
247- الكافر حظه وافر
248- ناس باللهيل وناس بالجيل
249- يضربها عدله واتجي عوجه
250- اللي عمره ماتبخر اتبخر واحترق
251- الحظ يمرض ولا يموت
252- يروح للبحر ينشف
253- فال الله ولا فالك
254- مرة تصيب ومرة تخيب ومرة تقطع النصيب
255- الحيا قطاع نصيب
256- ابو زنه يتمنى الجنه
257- حظك يخطك
258- حظه يفلق الصخر
259- لا حظت برجيلها ولا أخذت سيد علي
260- طارت لطيور بأرزاقها
261- لا له في الأرض مقعد ولا في السماء مصعد
262- خيرها بغيرها
263- اضرب عصفورين بحجر
264- جنه سوسه عميه
265- متى تموت العمه ونأكل عشانا بهمه
266- الاسم شايع و البطن جايع
267- اسم بلا جسم
268- بعوضه هيجت جمل
269- الجمرة ماتحرق إلا أرجول واطيها
270- المال عديل الروح
271- يا من أشتراله من حلا له عله
272- الدراهم مراهم
273- الصباح رباح
274- العجلة من الشيطان
275- عباس المستعجل
276- أنا وأخوي على بن عمي وأنا وبن عمي على الغريب
277- الغايب حجته معه
278- غالي والطلب رخيص
279- في السنه حسنه
280- كل سؤال وله جواب
281- من سأل ما ضاع
282- أسال مجرب ولا تسأل طبيب
283- كل ممنوع مرغوب
284- كل ضعف واله لطف
285- وجع ساعة ولا كل ساعة
286- يالله بالستر وابنه بكر
287- اغسل أيديك منه
288- أقرا عليه الفاتحة
289- اللي أوله شرط أخره نور
290- ما يقدر على القدرة إلا الله
291- لو تركض ركض الوحوش غير رزقك ما تحوش
292- ما يقطع الرأس إلا اللي ركبه
293- لو على قص الرقبة
294- المكتوب على الجبين لازم تشوفه العين
295- الطير يطير والقدر ه تجيبه
296- نصيبك يصيبك
297- كل لمجرد مايجب إلا المقدر
298- اللي ما يخاف ما يا من
299- كن جباناً تعش لإمك زماناً
300- الخوف يقطع الجوف
301- على الخيل يا شقراء
302- نومة أهل الكهف
303- جمال يوسف
304- يا غافلين ليكم الله
305- يخلق من الشبه أربعين
306- يلعب على الحبلين
307- لا تماشي الردي يرديك
308- الرفيق قبل الطريق
309- الصديق وقت الضيق
310- اتحطه على الجرح يبرى
311- إذا حبيبك عسل لا تلحسه كله
312- لا ترابع صبي ديوان
313- حطيت صبعي في ريقي وعرفت عدوي من صديقي
314- اللي مو على دينك مايعينك
315- ما يحمل همك إلا اللي من دمك
316- من عاب استعاب ترى العيب واقف على الباب
317- خشمك لك ولو كان أعوج
318- من عاب لحمار ركبه
319- لا تدق الطاسه ترى في البيت أقرع
320- من عيب بالشيب ربي عطاه عيب
321- الشعره في عيون غير ي بقره
322- كل من يرى الناس بعين طبعه
323- الله مايبغى شهود ولا يضرب بعود
324- الخال خلي والعم ولي
325- تنفخ في قربه مقضوضة
326- اللي مايطيع يضيع
327- إذا ما طاوعك الزمن طيعه
328- حطت عجلها ومدت رجلها
329- تفرغت حسنه من صلواتها
330- يا ما تحت السواهي دواهي
331- على الميدان يا حميدان
332- إذا شفتك بالقطيف قطفتك تقطيف

[ام مهدي]

إذا شفتك بالقطيف قطفتك تقطيف
هههه >>لفت نظري وتسلمي

[ام ليال]

هههههههههه

امثال حلوه اول مرة اقراها...

مشكور اخوي

ام ليال

[التلال الزينبية]

السلام عليكم ورحمة الله وبركاته
مشكور أخوي يعطيك العافيه يارب