زهيري عتــــــــــاب

[شاكر الخباز]

مايعتذر لوكصه هذالوكت حاله بي
أو مشالي حالي مثل مامر عليه حاله بي
حاير أدّور سبب واحد لمــّا حـّل بي
ذنبي أذا قصرت ماعاشرت منتكص
وقره وجه صاحبي دنيا عليه منتكص
ياصاح بيدك مكص .... أذرع عدل منتكص
معقوله دومك تظل حصوه أبوسط حالبي

[عباس الخباز]

الأستاذ الأديب / شاكر الخباز :

نتشرف بتواجد شاعرٌ مثلكم بيننا ،


زهيري من أروع ما قرأت حقيقةً .

نطمع بأن نرى كتاباتكم تُزين الأدبي دائماً .

لشخصكم خالص الشكر والتقدير .

[شاكر الخباز]

أشكرك أستاذي الفاضل عباس الخباز لما أبديته من أعجاب ... وأليك الزهيرى التالي
ماضنـّتي أبصحبتي واحد قراني عدل
لاغايب امن البلد .. لاميـّت أولا عــدل
أولابالعدل حصتي مره خذتها عــــــدل
يظهر حصارالوكت حاصرني بس وحدي
وانه أعله ماي أوملح جنت .
أبضعن وحدي
يامن ملكتي العمر.. هونج عليّ وحدي
الله يامنيّتي بس هو حاكم عدل

[عباس الخباز]

اقتباس: المشاركة الأصلية كتبت بواسطة شاكر الخباز  أشكرك أستاذي الفاضل عباس الخباز لما أبديته من أعجاب ... وأليك الزهيرى التالي ماضنـّتي أبصحبتي واحد قراني عدل لاغايب امن البلد .. لاميـّت أولا عــدل أولابالعدل حصتي مره خذتها عــــــدل يظهر حصارالوكت حاصرني بس وحدي وانه أعله ماي أوملح جنت . أبضعن وحدي يامن ملكتي العمر.. هونج عليّ وحدي الله يامنيّتي بس هو حاكم عدل

أستاذنا العزيز شاكر ،

تسلم عيونك : )

كما عودتنا .. زهيري جميل جداً ، لا يُمَل قراءةً .

أشكركَ كثيراً على هذا الجمال ، ولا عدمنا زهيرياتك الفريدة .

[احلى مون]

ابــيــأأأأت جــدأأأ رائـــعــه
ســلــمـــت يــداكـ،،،