السلام عليكم والرحمه ...
وكل عام و الجميع بالف خير ....
الدوري الايطالي :شفتوا كيف التنافس عندي مافيه الا فرق نقطه وحدة في المراكز الاولى ..
للدوري الانجليزي : بس انا عندي فريقين عن كل فرقك اللي هم ارسنال و المان ..
الدوري الاسباني : طيب والريال ماخذ كل نجوم العالم
الدوري الايطالي : انت يالا سباني آخر واحد يتكلم ما عندك ما عند جدتي كلهم 3 فرق القوية الريال و فالنسيا و الديبو البارسا ضعيف و سوسيداد فقااعه وبيرجع ..
للدوري الانجليزي : هههههاي والله سكتك
الدوري الاسباني :شوف حبيبي اهم مميزات الدوري الاسباني المفاجآت يعني هالسنة احد كان يتوقع سوسيداد بينهي الدوري الاول بدون اي خسارة !!! السنه الماضيه احد كان يتوقع فالنسيا ياخذ اللقب والا الديبو ايخذه الموسم اللي قبل !!! لا محد كان يتوقع وهاذي ميزة الدوري الاسباني اللي تفرقه عن باقي الدوريات ...
للدوري الانجليزي :طيب والجماهير مافيه مثل جماهير انجلترا ابدا ابدا ابدا .. تحسهم متحمسين بقووووة وخاشين في الجو مرة وحدة
الدوري الايطالي : ايه صدق الجماهير متحمسه بس على ايش يا حسرة :( ما عندكم الا فريقين عليهم الكلام وبس ...
للدوري الانجليزي : لا يالطيب وين نسيت ليدز يونايتد ووين نيوكاسل ووين تشلسي ووين ووين ووين ؟؟ بعدين تعال الدوري الانجليزي ماتدخل فيه فرق قوية ولا ضعيفه !! اجل من يصدق مانشستر يونايتد يخسر من مانشستر سيتي فالذهاب ويتعادل فالاياب :( او ارسنال اللي كمل مدري كم مباراة بدون هزيمة يجي فريق زي ايفرتون ويحطمه !!! يعني مايدخل فيه مقاييس قوي ولا ضعيف !!!
الدوري الايطالي : بس ولو شوف الاول عندكم اللي هو ارسنال جته فترة وين كان كان فرق 8 نقاط !!
للدوري الانجليزي : بس الارسنال اصلا ما كان متصدر كان ليفربول هو المتصدر ارسنال خطف الصدارة وليفربول ترااااااااااااااجع يعني ارسنال خطفها بعدين اول كان 8 نقاط بفرق المؤجلات الفرق الحقيقي تشوفه الحين 3 نقاط عن المان يونايتد ..
الدوري الاسباني : تشوفون انواع المنافسه الصدق عندي يعني اول شي كان سوسيداد في المقدمه ووراه فالنسيا فرق نقطه وحدة بسسس لكن فالنسيا رجع ثمن جا الريااااااااااال واكتسح والحين قريب مرة من سوسيداد ممكن في اي جولة يخطف الصدارة ..
الدوري الايطالي : هههه اذا تسمي هذا تنافس اجل شوف اللي عندي اول شي كان لاتسيو ثمن الانتر ثم اليوم بعدين جا الانتر من جديد لكن الميلان رفض وخطفها بعدين الانتر تساوى مع الميلان في ثلاث جولات بنفس النقاط لين الجولة الاخيرة خسر الميلان وانفرد الانتر بالصدارة ..
الدوري الاسباني : طيب ولو لسا يعتبر عندي منافسه !!! بعدين روح شوف النجوم اللي عندي اجل زيزو و روني و فيجو و راوول و كارلوس و بويول و اوفر مارس و كلويفرت و سافيولا و تريستيان ونيهاد و مكاي و ايمار و باراخا وكارو وغيرهم وعيرهم ....
الدوري الايطالي : نت لو عديت الفرق النجوم اللي عندك تلقا نصهم في الريال والنص الباقي في فريقين تقريا (فالنسيا - البارسا) وباقي الفرق على نجم بالكثير ..اما عندي وش رايك بـ ميلان : ريفالدو - نستا - شيفا - انزاغي - مالديني وغيرهم ... انتر : فيري - كريسبو - الباتي - ريكوبا وغيرهم .... لاتسيو : لوبيز - كيزا - انزاغي - ستام - كوتو وغيرهم .... اليوفي : دل بيرو --- تريزيغيه -- ديفدز -- ندفيد وغيرهم .... بيريشيا : باجيو -- غوارديولا ... وباقي الفرق ..
للدوري الانجليزي : طيب ياخي انت عندك نقص حاااااااااااد في السنوات الاخيرة بعد فضيحة الجوازات و المنشطات الكثيرة اللي عندك بعدين الاموال ونقصها وقضية حقوق النقل التلفزيوني اثرت كثير على الفريق عكس الفرق الانجليزية اللي فيها استقرار مادي كبيييير ...
للدوري الايطالي: طيب ياخي في استقرار بس نفس قضية الاسباني النجوم متركزة في فريقين والباقين صفر على الشمال ..
للدوري الانجليزي : لا يا حبيبي شوف معي النجوم بــ ... ارسنال : هنري - ويلتورد - بيريس - بيركامب - فيرا وغيرهم ... المان : نستلروي -- بيكهام -- فيرون -- كين -- غيغز وغيرهم ... تشلسي : هاسلبانك --- زولا -- غوديونسون -- ميكوت -- دوسايي وغيرهم ... ليفربول : اوين -- هسكي -- ضيوف -- باروش -- هيبيا -- رايز وغيرهم ... ليدز : كيويل -- فيدوكا وغيرهم ... نيوكاسل : شيرر -- ودجيت -- سولانو -- بيلامي وغيرهم .. توتنهام : ششيرنغهام -- روبي كين وغيرهم .. بعد كل هذولا ما ملوا عينك !!!
الدوري الاسباني : بعدين يالايطالي انت اسلوب اللعب فيك تعبان ممل دفاعي بقوووة ..
الدوري الانجليزي : ايه صح انا و الاسباني اسلوبنا احلى ..
الدوري الايطالي : كثرة الاهداف تعني الاسلوب الحلو اجل خلو الاسلوب الحلو و الاهداف الكثيرة لكم ما ابغاها .
الدوري الانجليزي و الايطالي و الاسباني : خن نشوف حكم ابوالمشاكل مين اقوى دوري فينا !!!
نورس
لكل دوري مميزاته ولكل دوري عيوبه وانا بصراحه من كلامكم طلعت بالتالي :
الدوري الانجليزي :
مميزاته : وجود جمهور اقل ما يقال عن رائع ..
حماس كبير وكبير جدا !!
عدم خضوعه لاي مقاييس فنيه ..
الاسلوب الهجومي الممتع
عيوبه : قلة الفرق المتنافسه فيه وانحصار النجوم في هذين الفريقين .
الدوري الايطالي :
مميزاته : كثرة الفرق المتنافسه فيه .
كثرة انلجوم وبشده ..
المتابعه الدقيقه من العالم العربي له
عيوبه : الاسلوب الدفاعي السيئ للمشاهد فيه
كثرة المشاكل من منشطات و جوازات و اموال وفضائح وغيرها .
الدوري الاسباني :
مميزاته : المفاجآت الكبيرة الموسمية فيه ..
الاسلوب الهجومي الممتع جدا فيه ...
تقاريب مستويات الفرق ...
عيوبه : وجود فرق كبيرة واخرى صغيره ..
قلة النجوم وانحصارها في فرق معينه .
زبدة القول : لكل دوري مميزات .. كما لكل دوري عيوب .. والقلب يختار ما يهوى .. فمن الناس من يفضل الايطالي .. ومنهم من يتابع الاسباني .. ومنهم من يعشق الانجليزي .. وللناس فيما يشاؤون مذاهب .. انا عن نفسي افضل الايطالي للاسلوب الممتع في اللعب ..
اتمنى مشاركتكم معي في الرأي ...