[قصه شهد]

وابوي هم يفكر ويفكر .. واحسه صاير كله ينخش من يرن جواله ويتكلم بالالغاز

طبعا جواله انسرق وطلع له رقم سوري

انسدحت على سريري والتعب متملكني ..افكر وافكر .. وتعبني التفكير .. الشوق ياخذني الى موسى .. وحطيت السماعات بااذني وسمعت اغنيه لراشد الماجد


ساعات احس انه الزمن قاسي قاسي ولا يمكن يلين وساعااااااااااااااااااااات

ساعات احس انه الفرح روحان ولا يمكن يحين

ساعاااااات احس انه الزمن قاسي قاسي ولا يمكن يلين ..

هذا الي شفته بدنيتي .. كل ماامضى لي من سنين


وانا على هالحال وغفت عيوني.. حاولت اسحب السماعه وماقدر .. وبعد ساعات .. حسيت بصوت .. اذان .. يخفق له القلب وقمت وفزيت من نومي.. وسحبت السماعه وصليت على محمد .. وغسلت وجهي... وفرشت اسناني.. واتوضيت .. لصلاه.. رحت اصحي امي واختي سهى .. بس امي ماصحت .. قالت بتصلي بالشقه..

ونزلت مع سهى بعد ماجننتني..

ومرينا على شقه خالتي.. ودقينا على ليلى .. وكانت جاهزه وطلع معها خالد ..

وحتى بدون مايسلم .. مر علينا وراح ..

ومشينا وراه.. وكانت خطواته سريعه حييل

وكانو ورانا اسامه وليد وعلا ..اللي من البحرين

التفت سهى الي وراها وكان اسامه يناظرها .. مع ابتسامه حقيره


وصلنا الى ذاك المشهد الشريف ..

ودخلنا وصلينا وخلصنا..

وعندما جيت اطلع .. شفت وحده شكلها مو غريب علي.. طالعت فيها .. كانت ملامحها صغيره ..عيونها عسلي وشكلها كلش مو غريب ..

ومشيت .. وحاولت الحقها .. الين برى
.. شفت موسى برى ... ابتسمت له ابتسامه خفيفه.. وشفت البنت راحت له .. ومسكت يده ومشت معه ..

بغيت اطيح من طولي.. من هذي الي وياااه..وليش هي معه .. وليش مسك يدها .. الغيره كانت بتذبحنــي.. حاولت ماابين شي عشان اختي سهى وليلى وعلا مايحسوو بشي .. ومشينا وهم قدامنا


ليلى/ اوه هذا موسووه الكادر..؟

سهام/ احترمي حالش اسمه موسى ( قلت هالشي بدون شعور )


والكل سكت عني .. ورحنا الى الشقه واختفى عنا موسى

وظليت افكر من الي وياه وليش معه



اووه تعبت .. وبمووووووووت عشان اعرف .. طبعا لاانسى خالد سبقنا .. ومن بعيد يراقبنا .. يخاف احد من المجرمين يسوي لنا شي


وظلينا على هذا الحال .. الى بعد اسبوعين .. نطلع ونتمشى .. وتغير جو .. وتغير حالي.

صرت اشتاق اشوف موسى كل يوم .. صار ينبض قلبي من اشوفه..ويحترق شوق عشان اعرف من الي وياه .. تجي المشهد .. تشبهه لحد كبير..
وانقهر يوم مااشوفه ..

وبعد هالاسبوعين .. كانت عندنا طلعه ( زبداني))



وكلنا تجهزنا .. طبعاً الطلعه لكل الحمله

لنا والى عائله خالتي .. وام اسامه وام ابراهيم


وركبنا الباص..وسوالف وراى سوالف ... وعيوني كانت تناظر موسى وين ماتحرك ؟. ودايم اشوفه مع عبود السعودي..بس سوسن وايد تناظر فيه..
حست سهام بغيره من سوسن .. ووودها تذبحها

واخيراً وصلون بالسلامه الى الزبداني,, ونزلو ناس وراء ناس

سهام كانت تساعد ابوها بالاغراض.. وجاهم موسى ..

موسى / اساعدك عمي بالاغراض
ابو سهام/ لالا يعطيك العافيه .. انا وبنتي نشيلهم

سهام/ ليش يبى خله يساعدنا
(ابتسم موسى ابتسامه خفيفه .. وشال معهم .. الاغراض .. واشوي اشوي كانت سهام مع موسى .. رايحين وراجعين .. اما عن خالد كان يناظرهم مع بعيـد.. .وقلب يحترق .. وقرر يكلم موسى ويوقفه عند حده ..

(جلسنا الحريم بجهه والرجال بجهه ..ضحك وسوالف وحب وشاي .. من سالفه الى سالفه .. ليلى مع علا ..وزهراء .. وسهى جالسه حاط شاي وحب وسماعه باذنها ...رحت انا الى البركه وكانت بعيده عن مكان القعده ..وجلست هناك افكر .. ونزلت رجولي في الماااااااي وكانت باااااااارده صقييييييييييييييع ..بس مع هذا خليتها منزله بالمويه .. اشوي الا انفتح الباب .. والمفاجأه كاااااااااااااانت كاااااااااااااانت













نفس البنت الي بالمشهد اشوفها .. أي نفسها ... سلمت وابتسمت لي .. كنت معصبه منها .. وابي اسالها وش علاقتك بموسى.. بس الشبه بينها وبينه واضح

جلست جنبي.. وسالتني .. انتٍ سهام ...؟؟؟
سكتت لحظات وجاؤبتها .. أي انا سهام .. من انتي ومن تكوني .. وجاؤبتني شفتيني بالحرم كم يوم .. كنت اشوفك .. واحس نار بعيونك ..

سهام/ وش عرفك بأسمي ..؟

ربى أخت موسى /اسمك .. كل يوم عم نسمعوو في البيت ..

سهام/ ؟؟؟؟؟؟ مافهمت
ربى/ مع الايام بتفهمي


سهام/ لاقولي الحين تكفين

ربى/ شنو الي تبي تسمعيه ..؟؟

سهام/ مدري ( ونزلت راسي بالارض ) ابي تقولها تنطق بالي قلبي حاب يسمعه

ربى/ موسى خيي .. مجننا عليكي

سهام/ موسى..؟؟

ربى/ أي موسى .. خيي الكبير .. يفكر فيك طول اليوم .. ومجننا .. سهام سهام .. وبدي احاكيها .. طبعا هو مابيعرف اني اجيت وحاكيتك ولو بيعرف بيذبحنـي ... بس حاسه بخيي انو تعبان .. صار له كم اسبوع على هالحال .. مابيعرف يشتغل شي ولايدرس ولا عم بيسوي شي

سهام/ متاكده من كلامك ..؟؟

ربى/ مالي مصلحه بكذب عليك

(ماعرفت شنو اقول ..استانست ونفس الوقت خفت من هالشعور .. وهالوقت جو البنااااااااااااات كلهم وجلسو كلهم عند البركه ..وقمت وطلعت .. وتمشيت بين الاشجار .. وانا اصور .. واصور .. وشفت قدامي خالد مع موسى .. ويبين عليهم انهم يتشابقوو .. وقربت منهم وسمعت خالد يقول الى موسى .. لاتقرب منها لا اقتلك.. هذي بنت خالتي .. وماارضى احد منكم يالمجرمين يكلمها .. وقربت وقربت الين صرت قدام خالد .. دزيت موسى بيدي .. ووقفت قدام خالد .. وعطيته كف بلا شعور .. ونزلت دموعي على خدي ورحت عنهم بعييييييييييييييد بعيييييييييييييييد .. مابي اكلم احد ولا ابي اشووووووووووووف احد )