[أنوار الأمل]

اقتباس: المشاركة الأصلية كتبت بواسطة سلسبـيل   وينهم زوار كربلاء والله شوقتونا لسواليفكم لا تطولوها مانكدر على فرقاكم :بالحضن: يالله صباح خير يالله يالله .. قعدت ولدي ويش فيك مختلع اسم الله عليك ..كله من ولد فرج كاعد يخوفك عن الجن الله يهد ابليسه بعد جم يوم الناصفه هداكو ابوك عطاني لك فلوس اشتري لك فياب من عند الرداء الابيض وش حلاوة فيابهم .. يالله بحق شهر شعبان يسر امور الخلق اجمعين يالله *** قصتنا اليوم عن زوجة الابن والعمه في وقتنا المعاصر عجبتني المعاصر .. وعن حووسة السكن ومدري ويش وهل ترضى تسكن وياهم لو لا وليش واني اقول على هالحجي الي اسمعه اذا امكن هم في الوسط واحنا في اقصى الشمال .. وان شاء الله تنال على اعجاب الجميع ايه .. ام صابر :: هالحاله الي عليهم ما يخلونا نعرف نام ولدهم عساه السعاده مشى له كم خطوه وابتلشنا فيه ساق هالسيكل وجاب لينا منيتنا مو عارفين ناخذ لنا قيلوله الواحد يرتاح ما يمديه .. مشادخ في البيبان .. ما خلى شئ الا وعفسه الله ييسر اموره خخخ .. تطلع بنت الاجاويد ولاتسلم علينا تطبخ المحلبيه وريحتها طاخه في راسنا اتقول اجيب لينا منها شئ ابد .. بس تروح تتسوق وتشتري ليها مدري ويش ومانسمع الا صوت الاغراض مركبتها وتعرضها لينا بس .. شايفه روحها مره .. وش عندش مانشوفش ماعندش الا خلقة هالولد ومسويه روحش كله مشغوله .. قاعده بس في شقتها هالبغيضه دي حتى ولدي ماكدر اشوفه منها ياما مشغول وياها في هالاسواق والتمشي ياما عندهم عزيمه .. والجوال كله مادري ويش يطلع لا يمكن نتصل عليه .. غيرت ولدي علينا مره وحده ماكان جديه هو من اخذها عفسته عفاس مدري ويش مسويه سحر لو ويش ... ام عبد الفتاح :: لا تقولي جديه .. ربش مايرضى نتكلم على الناس بعدين ياخذو حسناتش ماتفهمي انتين .. حسبيها وحده من بناتش ام صابر :: يويوويويو ويش قلتِ غناتي حسبت بناتي لا والله يا عيوني بناتي مأدبات مربيات انتين ما شفتيها توهاماره علينا اتقولي احترمت الشيب الي في شعري ابد ام عبد الفتاح :: هونيها عاد انتين تعرفي بنات اول مو زي الحين وانتين بعد صبرش عليها وهي البنيه حقيقةً ماسوت لش شئ ام صابر :: كل هذا وما سوت شئ ام عبد الفتاح : ايه ام صابر هونيها وتهون لا تخلي قلبش قاسي مره وحده جديه عامليها زين هذه مرت ولدج فهمتيني والقلب الطيب يقرب الناس الطيبه ويبعد الناس السئيه لاتحكمي عليها من شكلها بس ولا تعتبي عليهم وااجد الدنيا مشاغل ياوخيتي .. هذاني على حوسة الجهال وطباخ الغذاء وغسال الفياب ونشارهم اخذت يومي كله وبس هالساعه خصصتها لش واشوف ويش عندش اقرأي قران واستهدي بالله والله يهديش وبعدين هذه حسبت بنتش اخترتيها من كل بنات الفريج وعجبتش والحين صارت مو بنتش تقولي .. ترى الدنيا ماتسوى وخلي قلبش ونيتش صافيه ومنوره والله ينور علينا وعليش .. ام صابر :: والله خليت قلبي يرجف لحاله ياوخيتي وكلامج صدق والله وعلى راسي والله .. ام عبد الفتاح :: يعني بكره يوم جديد .. وننسى الماضي والخرابيط الي صارت .. ام صابر :: ايه خلاص .. ****** مع محبتي .. سلسبـيل

منورة غناتي ماما سلسبيل وحشتنا سواليفش الحلوة :بالحضن:
قصة تحكي الواقع بالضبط سلم الله فاكِ عزيزتي ..
مو تطولي علينا بقصصك الحلوة .. :قليل حيا
وشكله أخونا صاحب الخل نسى يكمل لينا قصصه في كربلاء ..
الله لا يشغله إلا بكل خير يا رب ما زلنا ننتظر أحداثه هناك ..
لكِ التحية العبقة ..